અનેક હજાર રૂપિયા સસ્તી થઇ ઇલેક્ટ્રિક સ્કૂટી, જાણો હવે કેટલા પૈસા આપવા પડશે?

Subsidy On Electric Two-Wheeler:

પ્રતિકાત્મક તસવીર

Source : Pexels

Subsidy On Electric Two-Wheeler: બજારમાં ઇલેક્ટ્રિક ટુ-વ્હીલરની માંગ વધી રહી છે. સરકાર લોકોને ઇલેક્ટ્રિક વાહનો ખરીદવા માટે પણ પ્રેરિત કરી રહી છે. આ માટે સરકાર ઇલેક્ટ્રિક વાહનો પર સબસિડી પણ આપી રહી છે. સરકારે ઈલેક્ટ્રિક ટુ-વ્હીલર પરની સબસિડી આગામી સાત મહિના સુધી લંબાવી છે.

ઇલેક્ટ્રિક વાહનોની ખરીદી પર મોટી ભેટ

PM E-Drive મારફતે ભારત સરકાર તરફથી ઇલેક્ટ્રિક ટુ-વ્હીલર પર 10,000 રૂપિયાની સબસિડી આપવામાં આવે છે. સરકારે આ વાહનો પર સબસિડીની યોજના માર્ચ 2025 સુધી લંબાવી છે. સરકાર ઇલેક્ટ્રિક થ્રી-વ્હીલર પર 50 હજાર રૂપિયાની સબસિડી પણ આપી રહી છે. પરંતુ સરકારે એપ્રિલ 2024થી આ રકમ ઘટાડીને 25 હજાર રૂપિયા કરી દીધી છે.

ચાર્જિંગ ઈન્ફ્રાસ્ટ્રક્ચર વધારવું પડશે

કેન્દ્રીય ભારે ઉદ્યોગ પ્રધાન એચડી કુમારસ્વામીએ ગુરુવારે આ સરકારી યોજના વિશે માહિતી શેર કરી. કેન્દ્રીય મંત્રીએ કહ્યું કે અમારો ઉદ્દેશ્ય માર્ચ 2026 સુધીમાં ટુ-વ્હીલર સેગમેન્ટમાં લગભગ 10 ટકા વાહનો અને થ્રી-વ્હીલર સેગમેન્ટમાં લગભગ 15 ટકા વાહનો રજૂ કરવાનો છે. ઇલેક્ટ્રિક વાહનોનો ઉપયોગ વધારવા અને સ્વચ્છ પરિવહન માટે ચાર્જિંગ ઇન્ફ્રાસ્ટ્રક્ચર વધારવાની જરૂર છે.

ઇલેક્ટ્રિક કાર પર સૌથી ઓછો GST

ઇલેક્ટ્રિક વાહનોને પ્રોત્સાહન આપવાની સરકારની યોજના હેઠળ ઇલેક્ટ્રિક કાર પર સૌથી ઓછો GST લાદવામાં આવે છે. સરકાર ઈલેક્ટ્રિક કારની ખરીદી પર માત્ર પાંચ ટકા GST વસૂલે છે. સરકારનું કહેવું છે કે નવી યોજના FAMEના અગાઉના બે તબક્કાઓને ધ્યાનમાં રાખીને તૈયાર કરવામાં આવી છે.

પબ્લિક ટ્રાન્સપોર્ટમાં ઇવીને પ્રોત્સાહન

સરકાર જાહેર પરિવહનમાં ઈવીના ઉપયોગને પણ પ્રોત્સાહન આપી રહી છે. આ માટે સરકારે ફાળવેલ બજેટના લગભગ 40 ટકા ઇલેક્ટ્રિક બસોની સબસિડી માટે રાખ્યા છે. આ રકમ લગભગ 4,391 કરોડ છે.

PM મોદી અને કેન્દ્રીય મંત્રી નીતિન ગડકરીએ 10 સપ્ટેમ્બરના રોજ યોજાયેલી સોસાયટી ઓફ ઈન્ડિયન ઓટોમોબાઈલ મેન્યુફેક્ચરર્સ (SIAM)ની વાર્ષિક કોન્ફરન્સમાં હાજરી આપી હતી. આ પ્રસંગે પીએમ મોદીએ મોટર વાહન ઉત્પાદન ઉદ્યોગના પ્રતિનિધિઓને વૈશ્વિક સ્તરે અપનાવવામાં આવેલી પ્રથાઓને ભારતમાં લાવવા જણાવ્યું હતું અને તેમને ગ્રીન અને ક્લીન ટ્રાન્સપોર્ટેશન પર કામ કરવા પણ કહ્યું હતું.