Mahindra XUV 300 Facelift: ટેસ્ટિંગ દરમિયાન જોવા મળી મહિંદ્રા એક્સયૂવી 300 ફેસલિફ્ટ, ઈન્ટીરિયર ડિટેલ્સ આવી સામે

મહિન્દ્રા એન્ડ મહિન્દ્રાનું આગામી લોન્ચ XUV300 ફેસલિફ્ટ છે, જે આવતા વર્ષે વેચાણ માટે ઉપલબ્ધ થશે. કંપની તેની અપડેટેડ એસયુવીને માર્કેટમાં લાવતા પહેલા તેનું ટેસ્ટિંગ કરી રહી છે.

( Image Source : Mahindra & Mahindra )

XUV 300 Spotted:  મહિન્દ્રા એન્ડ મહિન્દ્રાનું આગામી લોન્ચ XUV300 ફેસલિફ્ટ છે, જે આવતા વર્ષે વેચાણ માટે ઉપલબ્ધ થશે. કંપની તેની અપડેટેડ એસયુવીને માર્કેટમાં લાવતા પહેલા તેનું ટેસ્ટિંગ કરી રહી છે. તાજેતરમાં નવી સ્પાઈ તસવીરોમાં તે લેહમાં હાઈ એલ્ટીટ્યૂડ પર ટેસ્ટિંગ દરમિયાન જોવા મળી હતી. 

ઈન્ટીરિયર

નવી સ્પાઈ તસવીરોમાં એક મોટી ટચસ્ક્રીન ઈન્ફોટેનમેન્ટ સિસ્ટમ સ્પષ્ટપણે જોઈ શકાય છે. જો કે, વર્તમાન 7.0-ઇંચ સ્ક્રીન નીચલા વેરિયન્ટ્સમાં ચાલુ રહેવાની અપેક્ષા છે. ઉચ્ચ ટ્રીમ્સને નવી ટચસ્ક્રીન સિસ્ટમ મળશે, જે લગભગ 10 ઇંચની હશે, જે આગામી થાર 5-ડોર એસયુવીમાં પણ આપવામાં આવશે. એવું લાગે છે કે સ્ક્રીનમાં વોલ્યુમ કંટ્રોલ અને અન્ય ઇન્ફોટેનમેન્ટ-સંબંધિત કાર્યો માટે  ડેડિકેટેડ બટન છે. XUV300 ફેસલિફ્ટમાં અન્ય ફેરફારો સાથે ફુલ-ડિજિટલ ઇન્સ્ટ્રુમેન્ટ ક્લસ્ટર મળવાની શક્યતા છે.

એક્સટીરિયર

બહારથી તેની ડિઝાઇન મહિન્દ્રા BE થી પ્રેરિત લાગે છે. તેની નોઝ ગ્રિલ ચાર પાર્ટ્સમાં વહેંચવામાં આવી છે અને તેમાં વર્ટિકલ હેડલેમ્પ ક્લસ્ટર આપવામાં આવ્યું છે, જે અપડેટેડ XUV300ને મોટા ભાગે અન્ય હરીફો અને મોટા XUV700ને ટક્કર આપવા માટે તૈયાર કરે છે. BE SUV કોન્સેપ્ટની જેમ, XUV300 ને હેડલેમ્પ્સની ઉપર અથવા તો વર્ટિકલ LED DRL મળી શકે છે. નોઝ ગ્રિલની વચ્ચે એક  મોટી મહિન્દ્રા "ટ્વીન પીક્સ" લોગો સાથે પિયાનો બ્લેક પેનલ હશે. તેમાં એક "એર ઇનલેટ" ને હોરાઈજેન્ટલ રુપમાં એક અન્ય કેરેક્ટર લાઈન સાથે રાખવામાં આવે છે જે વધુ એર ઈનલેટ સાથે બમ્પરને બે ભાગમાં વહેંચે છે. રિયર ડિઝાઈનમાં બમ્પરના કેટલાક ભાગો પર મેટ બ્લેક ફિનિશ અને અન્ય ઘણા ફેરફારો સાથે બૉડી-કલર એલિમેન્ટ્સ મળશે. અપડેટેડ XUV300 એ XUV700 અને આગામી BE રેન્જ જેવું જ હોવાની અપેક્ષા છે. તે સંપૂર્ણપણે નવી ટેલગેટ ડિઝાઇન અને સંપૂર્ણ વાઇડ LED લાઇટ બાર મેળવી શકે છે.

XUV300 ફેસલિફ્ટ પાવરટ્રેન

XUV300 ને તાજેતરમાં BS6 સ્ટેજ II ઉત્સર્જન ધોરણોનું પાલન કરવા માટે પાવરટ્રેન અપગ્રેડ મળ્યું છે અને હાલની પાવરટ્રેનને ફેસલિફ્ટેડ મોડલ પર લઈ જવાની અપેક્ષા છે. તે હાલના 1.2-લિટર, 110hp અને 131hp પાવર સાથે 3-સિલિન્ડર ટર્બો-પેટ્રોલ એન્જિન સાથે 117hp પાવર સાથે 1.5-લિટર ડીઝલ એન્જિન મેળવી શકે છે.

મહિન્દ્રા XUV300 ફેસલિફ્ટ ક્યારે લોન્ચ થશે ?

XUV300 ફેસલિફ્ટ આવતા વર્ષે લોન્ચ થવાની ધારણા છે. લોન્ચ થયા પછી તે હ્યુન્ડાઈ વેન્યુ, તાજેતરમાં અપડેટ કરાયેલ Tata Nexon, Maruti Brezza અને Kia Sonet જેવી કાર સાથે સ્પર્ધા કરશે.