Crime News: ભાવનગરમાં 7મા ધોરણની વિદ્યાર્થિની સાથે આચાર્યએ કર્યા અડપલા, આરોપ લાગતા કહ્યું, તેમના પિતાએ...
Crime News: શિક્ષણ જગતને કલંકિત કરતી ઘટના ભાવનગરના મહુવા તાલુકામાંથી બહાર આવી છે. જ્યાં સરકારી શાળામાં સગીર વિદ્યાર્થીની સાથે શારીરિક અડપલાનો કિસ્સોમાં બહાર આવતા શાળા નંબર એકના ઇન્ચાર્જ આચાર્ય ફસાયા છે.
Crime News: શિક્ષણ જગતને કલંકિત કરતી ઘટના ભાવનગરના મહુવા તાલુકામાંથી બહાર આવી છે. જ્યાં સરકારી શાળામાં સગીર વિદ્યાર્થીની સાથે શારીરિક અડપલાનો કિસ્સોમાં બહાર આવતા શાળા નંબર એકના ઇન્ચાર્જ આચાર્ય ફસાયા છે. જોકે ઇન્ચાર્જ આચાર્ય દ્વારા પણ ફરિયાદ દાખલ કરવામાં આવી છે જેમાં મહુવા તાલુકાના કહેવાતા પત્રકાર અને સગીરાના પિતા વિરુદ્ધ 10 લાખ રૂપિયા સેટલમેન્ટ માટે માંગ્યા હોવાનો આરોપ લાગ્યો છે.
મહુવા તાલુકામાં સરકારી શાળામાં ગુરુ અને શિષ્યના સંબંધ પર દાગ લાગ્યો છે. સરકારી શાળા નંબર 1મા આચાર્ય તરીકે ફરજ બચાવતા સુરેશકુમાર ઓઝા પર ધોરણ સાતમાં અભ્યાસ કરતી સગીરાને પોતાની ઓફિસમાં બોલાવીને શારીરિક અડપલા કર્યા હોવાનો અને પર્સનલ નંબર માંગ્યા હોવાનો ફરિયાદમાં ઉલ્લેખ કરાયો છે. આ સાથે જ છેલ્લા દોઢ મહિનાથી સગીર વિદ્યાર્થીની સાથે સરકારી શાળાના આચાર્ય પરેશાન કરતો હોવાની વાત સામે આવી છે. જોકે આ બાબતે તથ્ય કેટલું છે તે મહુવા પોલીસની તપાસ બાદ જ ખબર પડશે પરંતુ હાલ તો સરકારી શાળા નંબર 1 ના આચાર્ય સુરેશકુમાર ઓઝા પર ગંભીર આક્ષેપો લાગતા શિક્ષણ જગત શર્મશાર થઈ રહ્યું છે.
ઇન્ચાર્જ આચાર્ય દ્વારા પણ સગીરના પિતા ઇમરાન પાયક અને ફરીદ કાળવાતર નામના પત્રકાર વિરુદ્ધ ગુનો દાખલ કર્યો છે. જેમાં ઉલ્લેખ કરાયો છે કે કહેવાતો પત્રકાર ફરીદ અને આરોપી ઇમરાન દ્વારા ફરિયાદી આચાર્યના હાથ પકડીને માર માર્યો હતો અને જણાવ્યું હતું કે દસ લાખ રૂપિયા આપ અથવા તો તારી વિરુદ્ધ શારીરિક અડપલાનો અને છેડતીનો ગુનો દાખલ કરાવીશ તેમ કહીને ગર્ભિત ધમકી આપી માર માર્યા હોવાનો આરોપ છે. જોકે આ બાબતે હાલ તો મહુવા પોલીસમાં બંને તરફી ગુનો દાખલ કરવામાં આવ્યો છે જેમાં આચાર્ય સુરેશકુમાર ઓઝા તેમજ સગીર વિદ્યાર્થિનીના પિતા ઇમરાન પાયક અને કહેવાતા પત્રકાર ફરીદ કાળવાતરની પોલીસે ધરપકડ કરીને વધુ તપાસ હાથ ધરી છે.
મહીસાગરમાંથી એક વિચિત્ર કિસ્સો સામે આવ્યો છે, અહીં એક એવો પ્રેમી પોલીસના હાથે ચઢ્યો છે, જે એકતરફી પ્રેમમાં પાગલ હતો અને તેને યુવતીની છેડતી કર્યા બાદ તેના પર જીવલેણ હુમલો કરી દીધો હતો. આ બનાવ મહિસાગર જિલ્લાના જુફરાલી ગામમાં બન્યો હતો.
મળતી માહિતી પ્રમાણે, હાલમાં જે ઘટના સામે આવી છે, તે મહીસાગર જિલ્લાના લુણાવાડા તાલુકાના જુફરાલી ગામની છે, અહીં જુફરાલી ગામમાં એકતરફી પ્રેમીએ પોતાની પસંદગીની યુવતીની હત્યાની કોશિશ કરી છે, ખરેખરમાં ઘટના એવી છે કે, અહીં જુફરાલી ગામે એક પ્રેમી એક યુવતીના પ્રેમમાં એટલો બધો પાગલ હતો કે, જ્યારે તે યુવતીને સગાઇ અન્ય યુવક સાથે થઇ તો તે ગુસ્સે ભરાઇ ગયો હતો, આ પ્રેમ એકતરફી પ્રેમમાં અંધ હતો. પાગલ પ્રેમીનું નામ વિજય ઠાકોર છે અને તે લુણાવાડા તાલુકાના જુફરાલી ગામે રહે છે, આ ઘટના બાદ તે વહેલી સવારે યુવતીના ઘરે જઇ ચઢ્યો હતો, અને ત્યાં જઇને યુવતીને કહ્યું કે, હું તને મનોમન ચાહુ છુ, પસંદ કરું છુ અને તે તારી સગાઇ અન્ય યુવક સાથે કરી છે, તે તોડી નાંખ, બસ આટલુ કહ્યા બાદ પ્રેમી વિજય ઠાકોરે યુવતીને છેડતી કરી હતી, છેડતી કર્યા બાદ પાગલ પ્રેમીએ યુવતી પર ચપ્પૂના ઘા મારી જીવલેણ હુમલો કરી દીધો હતો. ઘટના બાદ પોલીસે પાગલ પ્રેમી આરોપી વિજય ઠાકોરને ઝડપી પાડ્યો હતો, જ્યારે વિજય ઠાકોર ચારણગામમાં શેઠના ત્યાં પૈસા લેવા આવ્યો તે દરમિયાન પોલીસની પકડમાં આવી ગયો હતો. હાલ પોલીસે આ અંગે વધુ કાર્યવાહી હાથ ધરી છે.
ટોપ સ્ટોરી
ટ્રેન્ડિંગ સમાચાર
