Crime News: ફાઈનલ મેચ જોવા યુવકે લીધી હતી રજા, ભારતની હારથી તૂટ્યું દિલ, કરી લીધી સુસાઈડ

રાહુલના સંબંધી ઉત્તમ સૂરે જણાવ્યું હતું કે તે આ વિસ્તારમાં એક કપડાની દુકાનમાં કામ કરતો હતો અને ફાઈનલ મેચ જોવા માટે રવિવારે રજા લીધી હતી.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Crime News: અમદાવાદના નરેન્દ્ર મોદી સ્ટેડિયમમાં (Narendra Modi Stadium) રવિવારે રમાયેલી ક્રિકેટ વર્લ્ડ કપની ટાઈટલ મેચમાં (World Cup 2023 Final) ઓસ્ટ્રેલિયાએ ભારતને 6 વિકેટે હરાવ્યું (Australia beat India by 6 wickets) હતું. આ હારથી દુઃખી થઈને પશ્ચિમ બંગાળના 23 વર્ષીય યુવકે કથિત રીતે આત્મહત્યા કરીને જીવનનો અંત આણ્યો હતો.. મૃતક યુવકના પરિવારજનોએ આ અંગે પોલીસને માહિતી આપી હતી.

પોલીસે જણાવ્યું કે આ ઘટના રવિવારે (19 નવેમ્બર) રાત્રે લગભગ 11 વાગ્યે બાંકુરા જિલ્લાના બેલિયાતોર પોલીસ સ્ટેશન વિસ્તારના સિનેમા હોલ પાસે બની હતી. તેમણે જણાવ્યું કે મૃતક યુવકની ઓળખ રાહુલ લોહાર તરીકે થઈ છે.

મૃતક યુવક કપડાની દુકાનમાં નોકરી કરતો હતો

રાહુલના સંબંધી ઉત્તમ સૂરે જણાવ્યું હતું કે તે આ વિસ્તારમાં એક કપડાની દુકાનમાં કામ કરતો હતો અને ફાઈનલ મેચ જોવા માટે રવિવારે રજા લીધી હતી. સુરે કહ્યું કે ઓસ્ટ્રેલિયા સામે ભારતની હારથી દુઃખી થઈને તેણે પોતાના રૂમમાં ફાંસી લગાવી લીધી.

પોલીસે શું કહ્યું

સુરે દાવો કર્યો હતો કે તેના જીવનમાં આવી કોઈ સમસ્યા નથી. પોલીસે જણાવ્યું કે રાહુલના મૃતદેહને સોમવારે (20 નવેમ્બર) સવારે પોસ્ટમોર્ટમ માટે બાંકુરા સંમિલાની મેડિકલ કોલેજ અને હોસ્પિટલમાં મોકલવામાં આવ્યો હતો. પોલીસે તપાસ ચાલુ હોવાનું કહીને મોતના કારણ અંગે ટિપ્પણી કરવાનો ઇનકાર કર્યો હતો.

મેચમાં શું થયું?

ઓસ્ટ્રેલિયાના કેપ્ટન પેટ કમિન્સે ટોસ જીતીને બોલિંગ કરવાનો નિર્ણય લીધો હતો. ભારતીય ટીમ 50 ઓવરમાં 240 રનમાં સમેટાઈ ગઈ હતી. ઓસ્ટ્રેલિયાએ 43 ઓવરમાં ચાર વિકેટે 241 રન બનાવીને મેચ જીતી લીધી હતી. કાંગારૂ ટીમ માટે ટ્રેવિસ હેડે 141 રનની મેચ વિનિંગ ઇનિંગ રમી હતી. મારંશ લાબુશેને અણનમ 58 રન બનાવ્યા હતા. મિચેલ માર્શ 15 રન બનાવીને, ડેવિડ વોર્નર સાત રન બનાવીને, સ્ટીવ સ્મિથ ચાર રન બનાવીને આઉટ થયો હતો. ગ્લેન મેક્સવેલે અણનમ બે રન બનાવ્યા હતા.

ઓસ્ટ્રેલિયા છઠ્ઠી વખત વર્લ્ડ ચેમ્પિયન બન્યું છે. આ સાથે જ ભારતનું ત્રીજી વખત ટ્રોફી જીતવાનું સપનું ચકનાચૂર થઈ ગયું. તેણે ટૂર્નામેન્ટમાં સતત 10 મેચ જીતી હતી, પરંતુ ટીમ 11મી મેચમાં પાછળ રહી ગઈ હતી. ભારતને બીજી વખત ઓસ્ટ્રેલિયા સામે ફાઇનલમાં હારનો સામનો કરવો પડ્યો છે. છેલ્લી વખત રિકી પોન્ટિંગની કપ્તાની હેઠળની ટીમ 2003માં હાર્યું હતું.