Crime News: જાણો સુરતમાં ક્યા હીરા દલાલની ધોળા દિવસે કરવામાં આવી હત્યા

Crime News: સુરતના વરાછા વિસ્તારમાં હત્યાની ઘટના સામે આવી છે. 68 વર્ષીય હીરા દલાલની હત્યા કરવામાં આવતા કાયદો અને વ્યવસ્થાને લઈને સવાલો ઉઠી રહ્યા છે.

68 વર્ષીય હીરા દલાલની હત્યા

Crime News: સુરતના વરાછા વિસ્તારમાં હત્યાની ઘટના સામે આવી છે. 68 વર્ષીય હીરા દલાલની હત્યા કરવામાં આવતા કાયદો અને વ્યવસ્થાને લઈને સવાલો ઉઠી રહ્યા છે. વરાછાના કમલપાર્ક ખાતે આવેલ હીરા દલાલની ઓફિસમાં બદમાસોએ ઘુસી તેમની હત્યા કરી છે. હવે આ મામલે લૂંટની આશંકાને લઈ પોલીસે તપાસ શરૂ કરી છે. લૂંટ થઈ છે કે નહીં તે હીરા તપાસ્યા બાદ ખ્યાલ આવશે. વરાછા પોલીસે ઘટના સ્થળે પહોંચીને વધુ તપાસ હાથ ધરી છે.

 સુરતમાં મહિલાએ કરી આત્મહત્યા

સુરત: શહેરના લિંબાયત વિસ્તારમાં એક પરિણીતાએ આત્મહત્યા કરી લીધી છે. પરિણીતાએ ગળે ફાંસો ખાઈ જીવન ટુંકાવ્યું છે. આ અંગે સામે આવેલી વિગતો અનુસાર આ પરિવાર ઉત્તર પ્રદેશ ફતેહપુરનો રહેવાસી છે અને હાલમાં તેઓ લિંબાયતમાં ભાડેથી રહેતો હતો. આ પરિવારને સંતાનમાં એક ચાર વર્ષની દીકરી છે. મહિલાએ અચાનક આત્મહત્યા કરી લેતા બાળકીએ માતાની છત્રછાયા ગુમાવી છે. આત્મહત્યા અંગે લિંબાયત પોલીસે વધુ તપાસ હાથ ધરી છે. જો કે, મહિલાએ આત્મહત્યા કેમ કરી તે એક યક્ષપ્રશ્ન છે. 

સુરતમાં પાંચ શખ્સોએ ગુજાર્યું સામૂહિક દુષ્કર્મ

પુણા વિસ્તારમાં ગેંગરેપની ઘટના સામે આવતાં ખળભળાટ મચી ગયો છે. દેવધ રોડ પર પર યુવતી સાથે સામૂહિક દુષ્કર્મ થયું છે. કેળાના ખેતરમાં લઇ જઇ ગેંગરેપ ગુજારવામાં આવ્યો છે. 5 અજાણ્યા બિહારી ભાષા બોલતા અજાણ્યા શખ્સોએ ગેંગરેપ કર્યો છે. યુવતી પોતાના પ્રેમી સાથે દેવધ રોધ પર બેસી હતી, ત્યાં 5 અજાણ્યા શખ્સો આવી પ્રેમી યુવક યુવતીને ધાક ધમકી આપી લઈ ગયા. પહેલા યુવકના હાથ પગ બાંધી દીધા. ત્યાર બાદ યુવતીને કેળાના ખેતરમાં લઇ જઇ દુષ્કર્મ આચર્યું. પુણા પોલીસે 5 અજાણ્યા શખ્સોની શોધખોળ આરંભી છે. પુણા પોલીસમાં ફરિયાદ નોંધાઇ છે. 

ધો.9માં ભણતી વિદ્યાર્થીનીને બર્થ ડે હોવાનું કહી ફોસલાવીને વિધર્મી યુવક લઈ ગયો ઘરે

સંસ્કારી નગરી વડોદરામાં એક ચોંકાવનારી ઘટના સામે આવી છે. ધો. 9માં ભણતી વિદ્યાર્થીનીને વિધર્મી યુવક બર્થ ડે હોવાનું કહીને ઘરે લઈ ગયો હતો. જે બાદ તેણે દુષ્કર્મ આચર્યું હતું. જેન લઈ સગીરાના પિતાએ ગોત્રી પોલીસ સ્ટેશનમાં ફરિયાદ નોંધાવી છે.

શું છે મામલો

વડોદરામાં ધોરણ 9માં અભ્યાસ કરતી વિદ્યાર્થિનીને તેના ઘરની નજીક ગેરેજમાં કામ કરતાં વિધર્મી યુવાન સાથે પરિચય થયો હતો. આરોપીએ સગીરા સાથે ફેસબુક પર મિત્રતા પણ કરી હતી. થોડા દિવસ પહેલા વિદ્યાર્થીની ટ્યુશનમાંથી છૂટ્યા બાદ આરોપી મોહીન પઠાણ સગીરાને તેનો બર્થ ડે હોવાનું કહી બાઈક પર બેસાડી ઘરે લઈ ગયો હતો. જ્યાં તેણે સગીરા પર દુષ્કર્મ કર્યુ હતું અને ગળાના ભાગે બચકાં ભરીને ઈજા પણ પહોંચાડી હતી. સગીરાના પિતાની ફરિયાદ બાદ આરોપી મોહીનની પોલીસે ધરપકડ કરી હતી.

આ પણ વાંચો....