Surat : બારડોલીના ચકચારી હનીટ્રેપમાં રાજસ્થાનથી એક આરોપીની ધરપકડ, શું હતી ભૂમિકા?

બારડોલીના ચકચારી હનીટ્રેપના મામલામાં પોલીસને મોટી સફળતા હાથ લાગી છે. જિલ્લા એલસીબીએ રાજસ્થાનના અલ્વરથી એકની ધરપકડ કરી છે. બારડોલીના કોર્પોરેટર સહિત અનેક લોકો ભોગ બન્યા હતા.

પ્રતિકાત્મક તસવીર.

સુરતઃ બારડોલીના ચકચારી હનીટ્રેપના મામલામાં પોલીસને મોટી સફળતા હાથ લાગી છે. જિલ્લા એલસીબીએ રાજસ્થાનના અલ્વરથી એકની ધરપકડ કરી છે. બારડોલીના કોર્પોરેટર સહિત અનેક લોકો ભોગ બન્યા હતા.જિલ્લાના એક પીએસઆઈ પણ હનીટ્રેપનો ભોગ બન્યા હતા. રાજ્ય સહિત દેશભરના અનેક ગુનાઓ ઉકેલવાની શક્યતા છે. જોકે, આરોપીની શું ભૂમિકા હતી તે પોસીસ તપાસ પછી સામે આવશે. 

Surat : યુવતીએ PSI સાથે વીડિયો કોલ પર કરી અશ્લીલ હરકતો, વીડિયો થયો વાયરલ

સુરતઃ જિલ્લામાં વધુ એક હનીટ્રેપની ઘટના સામે આવતાં ખળભળાટ મચી ગયો છે. ભાજપના નેતા પછી હવે સુરતના એક પોલીસ સબ ઇન્સ્પેક્ટર(પીએસઆઇ) હનીટ્રેપનો શિકાર બન્યા છે. તેમનો યુવતી સાથેનો અશ્લીલ વીડિયો વાયરલ થતાં સમગ્ર પોલીસબેડામાં ભારે ચકચાર મચી ગઈ છે.  

બારડોલીના વેપારી ઓનલાઈન હનીટ્રેપનો શિકાર બન્યા બાદ પાલિકાનો સભ્ય અને આ પછી પલસાણા તાલુકાના એક પીએસઆઈ સહિત બારડોલીના 2 યુવકનો પણ બીભત્સ વીડિયો વાઇરલ થતાં ઓનલાઈન હનીટ્રેપનો મુદ્દો ટોક ઓફ ધ ટાઉન બન્યો હતો.

સુરત ગ્રામ્યના કડોદરા પોલીસ મથકના પીએસઆઈનો વીડિયો વાયરલ થયો હતો. પીએસઆઈ નવસારી જિલ્લામાં ફરજ પર હતા દરમ્યાન ઘટના બની હતી. જોકે હજુ સુધી પોલીસ અધિકારી દ્વારા કોઈ ફરિયાદ કરાઈ નહોતી. નોંધનીય છે કે, અગાઉ બારડોલીના ભાજપના નેતા અને કાઉન્સિલરનો યુવતી સાથેનો અશ્લીલ વીડિયો વાયરલ થતા ખળભળાટ મચી ગયો હતો. વીડિયો વાયરલ થતાં પાર્ટીએ તેમને તાત્કાલિક અસરથી સસ્પેન્ડ કરી દીધા હતા. 

બારડોલીના ભાજપના નેતા અને  નગરપાલિકાના કાઉન્સિલરનો અશ્લીલ વીડિયો વાયરલ થતા ખળભળાટ મચી ગયો હતો. વીડિયો કોલમાં ભાજપના નેતા નિર્વસ્ત્ર થઈને લલના સામે અશ્લીલ હરકતો કરતા હોવાનો વીડિયો વાયરલ થયો હતો. વીડિયો વાયરલ થતાં તેમને તાત્કાલિક અસરથી સસ્પેન્ડ કરી દેવામાં આવ્યા હતા..

ભાજપના નેતા અને બારડોલી નગરપાલિકાના કાઉન્સિલર દક્ષેશ શેઠનો યુવતી સાથેનો અશ્લીલ વીડિયો વાયરલ થતાં સમગ્ર બારડોલી પંથકમાં ચર્ચાએ ભારે જોર પકડ્યું હતું.  દક્ષેશ શેઠ વોર્ડ નંબર -1ના કાઉન્સિલર છે. 1.50 મિનિટમાં વીડિયોમાં કાઉન્સિલર સામે યુવતી પહેલા પોતે નિર્વસ્ત્ર થઈ જાય છે. આ પછી કાઉન્સિલર પણ નિર્વસ્ત્ર થઈ અશ્લીલ ચેષ્ટા કરી રહ્યા છે.

આ હરકતોનો વીડિયો રેકોર્ડ કર્યા પછી વાયરલ કરી દેવામાં આવ્યો હતો. સમગ્ર વીડિયોમાં યુવતી પોતાની ઓળખ છૂપાવવા મોઢું છુપાવી રહી છે. આ વીડિયો વાયરલ થયા પછી ભાજપે તેમને તાત્કાલિક સસ્પેન્ડ કરી દીધા હતા.