Navsari Crime: બીલીમોરામાં તસ્કરો બેફામ, 3 મકાનને નિશાન બનાની રોકડ-સોનુ મળી 37 લાખની ચોરી
નવસારી જિલ્લાના ગણદેવી તાલુકાના બીલીમોરા શહેરમાં ચોર બેફામ બન્યા છે. બીલીમોરા શહેરમાં ફરી એક વખત મોટી ચોરીની ઘટના સામે આવી છે.
નવસારી: નવસારી જિલ્લાના ગણદેવી તાલુકાના બીલીમોરા શહેરમાં ચોર બેફામ બન્યા છે. બીલીમોરા શહેરમાં ફરી એક વખત મોટી ચોરીની ઘટના સામે આવી છે. શહેરમાં આવેલા બીલીનાકા વિસ્તારમાં એક સાથે ત્રણ મકાનોને તસ્કરોએ નિશાન બનાવ્યા છે. તસ્કરોએ એક ઘરમાંથી 20 લાખ રૂપિયા રોકડા, 3.50 કિલો ચાંદી અને 6 તોલા સોનુ મળી કુલ 37 લાખની ચોરી કરી હતી.
શહેરમાં એક જ સાથે ત્રણ ઘરમાં ચોરીની ઘટના સામે આવી છે. અન્ય એક ઘરમાંથી મંગળસૂત્ર અને રોકડ લઈને તસ્કરો ફરાર થયા છે. પાંચ દિવસના ગાળામાં બીજી મોટી ચોરીની ઘટના બની છે. આ ઘટનાની જાણ બીલીમોરા પોલીસને થતા પોલીસ કાફલો ઘટના સ્થળે પહોંચ્યો હતો. ડોગ સ્કોડ, સીસીટીવી કેમેરા અને હ્યુમન ઈન્ટેલિજન્સની મદદ લેવામાં આવી હતી. બીલીમોરા શહેરમાં બનેલી ચોરીની ઘટનાને લઈ પોલીસના નાઈટ પેટ્રોલિંગ ઉપર પણ સવાલો ઉઠી રહ્યા છે.
સુરતમાંથી 97 લાખ રોકડ લઈ ભાગેલા બંટી-બબલીને પોલીસે આ રીતે ઝડપી પાડ્યા
સુરતમાં બંટી બબલીની જોડીને આખરે ચોક બજાર પોલીસે ઝડપી પાડી હતી. સુરતના ચોક બજાર વિસ્તારમાં રહેતા યુવાન સાથે આઠ મહિનાથી લિવ ઇન રિલેશનશિપમાં રહેતી હતી, જોકે ત્યારબાદ આ યુવાનનું ઘર રૂ 97 લાખમાં વેચાવી દઈ આ રોકડ રકમ લઈ પોતાના પ્રેમી સાથે ભાગી છુટ્ટી હતી. આ બનાવમાં ચોક બજાર પોલીસે મહિલા અને તેના પ્રેમીને સાસરિયામાંથી ઝડપી પાડી જેલ ભેગા કર્યા હતા.
બંને વચ્ચે પ્રેમ સંબંધ બંધાયો હતો
સુરતના વિરામ નગર સોસાયટીમાં રહેતા દિલીપભાઈ ઉકાણી મજૂરી કામ કરી પોતાના પરિવારજનું ગુજરાન ચલાવે છે. થોડા સમય પહેલા જ તેમની ઓળખાણ જયશ્રી ભગત નામની મહિલા સાથે થઇ હતી. જયશ્રી શરૂઆતના સમયે દિલીપભાઈના ઘરમાં ઘર કામ કરતી હતી. જોકે ત્યારબાદ બંને વચ્ચે પ્રેમ સંબંધ બંધાયો હતો. જયશ્રી અગાઉથી જ પરણિત હતી. જોકે તેને તેના પતિને છૂટાછેડા આપી પોતાના બે દીકરા સાથે પિયરમાં રહેતી હતી. છેલ્લા આઠ મહિનાથી જયશ્રી અને દિલીપ લિવ ઇન રિલેશનશિપમાં રહેતા હતા.
પૈસા ચોરી કરવાનું ષડયંત્ર રચ્યું
આ દરમિયાન જયશ્રીએ દિલીપભાઈનું ઘર વેચાવી નાખ્યું હતું અને આ ઘરના વેચાણના રૂપિયા 97 લાખ આવ્યા હતા. આટલી મોટી રકમ આવતાની સાથે જ જયશ્રીની ચાર આંખ થઈ હતી. જયશ્રીએ તેના પ્રેમી શુભમ મીશાળ સાથે મળી આ પૈસા ચોરી કરવાનું ષડયંત્ર રચ્યું હતું. 31મી જાન્યુઆરીના રોજ જયશ્રીએ પોતાના બાળકને મળવા માટે તેના પિયર જવાનું કહી ઘરેથી નીકળી હતી. આ દરમિયાન જયશ્રીએ ઘરના વેચાણના આવેલા રૂપિયા 97 લાખની રકમ ભરેલી બેગ તેના પ્રેમી સાથે લઈ ભાગી છૂટી હતી.
ટોપ સ્ટોરી
ટ્રેન્ડિંગ સમાચાર
