![ABP Premium](https://cdn.abplive.com/imagebank/Premium-ad-Icon.png)
CBSEએ કેમ જાહેર કરી એડવાઇઝરી ? શું આપી સલાહ, જાણો વિગત
સીબીએસઈએ પબ્લિક એડવાઇઝરી દ્વારા બોર્ડ એક્ઝામને લઈ ખોટી અફવાથી દૂર રહેવા લોકોને અપીલ કરી છે.
![CBSEએ કેમ જાહેર કરી એડવાઇઝરી ? શું આપી સલાહ, જાણો વિગત CBSE issues advisory and appeals to keep away themselves from fake news CBSEએ કેમ જાહેર કરી એડવાઇઝરી ? શું આપી સલાહ, જાણો વિગત](https://feeds.abplive.com/onecms/images/uploaded-images/2021/12/13/bd4360bc0740dbe23465ed82ca64e32d_original.jpg?impolicy=abp_cdn&imwidth=1200&height=675)
સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ એક નોટિસ જારી કરીને વિદ્યાર્થીઓને ટર્મ 1 પરીક્ષાના પરિણામો અને ટર્મ 2 પરીક્ષાના પરિણામોને લગતી અફવાઓથી દૂર રહેવા જણાવ્યું છે. સેન્ટ્રલ બોર્ડ ઓફ સેકન્ડરી એજ્યુકેશન દ્વારા જારી કરવામાં આવેલા નોટિફિકેશનમાં કહેવામાં આવ્યું છે કે કેટલાક ઓનલાઈન મીડિયા પ્લેટફોર્મ ખોટી માહિતી ફેલાવી રહ્યા છે. મુખ્ય પરીક્ષા અંગે બ્રેકીંગ ન્યુઝ જેવા શબ્દોનો ઉપયોગ કરીને લોકોને ગેરમાર્ગે દોરવામાં આવી રહ્યા છે. ધોરણ 10 અને 12, ટર્મ 2 બોર્ડ પરીક્ષા પેટર્નમાં ફેરફાર વિશે ખોટા સમાચાર છાપવામાં આવી રહ્યા છે.
શું છે આ એડવાઇઝરીમાં
આ નોટિસમાં સેન્ટ્રલ બોર્ડ ઓફ સેકન્ડરી એજ્યુકેશને જણાવ્યું છે કે વિદ્યાર્થીઓના હિત માટે સ્પષ્ટતા કરવામાં આવે છે કે બોર્ડે પરીક્ષાની પદ્ધતિમાં ફેરફારની જાહેરાત કરી હતી. જેનો ઉલ્લેખ પરિપત્ર નંબર 51, તારીખ 5મી જુલાઈ 2021માં કરવામાં આવ્યો છે. ટર્મ 1 ની પરીક્ષાઓ પૂર્ણ થઈ ગઈ છે અને ટર્મ 2 માટેની પરીક્ષાની વિગતો પરિપત્ર નં.51 માં આપવામાં આવી છે.
બોર્ડની સત્તાવાર વેબસાઇટ પર જ કરો વિશ્વાસ
સેન્ટ્રલ બોર્ડ ઓફ સેકન્ડરી એજ્યુકેશનએ પબ્લિક એડવાઇઝરી દ્વારા કહ્યું, કેટલાક લોકો CBSE બોર્ડની પરીક્ષા વિશે ખોટા સમાચાર ફેલાવી રહ્યા છે, તેનાથી દૂર રહો. સીબીએસઈએ સ્પષ્ટપણે કહ્યું છે કે બોર્ડની સત્તાવાર વેબસાઈટ cbse.gov.in પર જ વિશ્વાસ કરો. તમામ માહિતી વેબસાઇટ દ્વારા આપવામાં આવશે.
CBSEની 10 અને 12ની ટીમ-1ની પરીક્ષાઓ ડિસેમ્બર, 2021માં પૂરી થઈ ગઈ છે. આવી સ્થિતિમાં, ઘણા ઓનલાઈન મીડિયા પ્લેટફોર્મ પર પરિણામોની જાહેરાતની તારીખ સાથે જોડાયેલા સમાચાર આપી રહ્યા છે. આ સાથે ટર્મ 2ની ડેટશીટ અને પરીક્ષા પેટર્નમાં ફેરફાર અંગેના ખોટા સમાચાર પણ છપાઈ રહ્યા છે. આ સમાચારોથી પરેશાન થઈને CBSEએ આ એડવાઈઝરી જારી કરી છે.
CBSEએ જાહેર કરેલી એડવાઇઝરી - CBSE Public Advisory
Education Loan Information:
Calculate Education Loan EMI
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)