IIT દિલ્હીએ એક વર્ષમાં લોન્ચ કર્યા 35 સર્ટિફિકેટ કોર્સ, જાણો કોણ કરી શકે છે એપ્લાય

આઈઆઈટી દિલ્હીએ એક વર્ષના સમયગાળામાં પોતાના ઈ વિદ્યા અભિયાન હેઠળ કુલ 35 સર્ટિફિકેટ કોર્સ શરૂ કર્યા છે. સંસ્થા આ કોર્સ ઓનલાઇન માધ્યમથી ચલાવી રહી છે.

ફાઈલ તસવીર

IIT Delhi News:  ઇન્ડિયન ઇન્સ્ટિટ્યૂટ ઑફ ટેક્નોલોજી દિલ્હીએ તેના ઑનલાઇન સર્ટિફિકેટ અભ્યાસક્રમો હેઠળ છેલ્લા એક વર્ષમાં 35 સર્ટિફિકેટ કોર્સ શરૂ કર્યા છે. ગયા વર્ષે સંસ્થાએ ઑનલાઇન મોડ દ્વારા સર્ટિફિકેટ કોર્સ શરૂ કર્યો હતો, જેમાં સંસ્થાની બહારનો કોઈપણ વિદ્યાર્થી અરજી કરી શકે છે. IIT દિલ્હીએ ઈ-વિદ્યા પહેલ હેઠળ આ સર્ટિફિકેટ કોર્સ શરૂ કર્યા છે. આઈઆઈટી દિલ્હી સિવાયના વિદ્યાર્થીઓ આ કોર્સ માટે એપ્લાય કરી શકે છે.

આઉટરીચ પ્રોગ્રામ ઇનિશિયેટિવ હેઠળ શરૂ કરાયા કોર્સ

સંસ્થા દ્વારા શરૂ કરાયેલા આ અભ્યાસક્રમોનો સૌથી મહત્વનો ધ્યેય વિદ્યાર્થીઓને આજના ઉદ્યોગની માંગ પ્રમાણે તૈયાર કરવાનો છે, જેની મદદથી વિદ્યાર્થીઓ તેમની કારકિર્દીમાં વિકાસ કરી શકે. આ કોર્સ IIT દિલ્હી દ્વારા તેના આઉટરીચ પ્રોગ્રામ ઇનિશિયેટિવ હેઠળ શરૂ કરવામાં આવ્યો છે.

સંસ્થાએ કેમ શરૂ કર્યા કોર્સ

IIT દિલ્હીએ આવા અભ્યાસક્રમો શરૂ કરવા પાછળનું કારણ આજના ઉદ્યોગની જરૂરિયાત ગણાવ્યું છે. સંસ્થાનું કહેવું છે કે આ ઉચ્ચ ગુણવત્તાવાળા ઓનલાઈન કોર્સને ઉદ્યોગની જરૂરિયાતો અનુસાર તૈયાર કરવામાં આવ્યો છે, જે યુવાનોને તેમની કારકિર્દીના વિકાસમાં સંપૂર્ણ સહયોગ આપશે. આઈઆઈટી દિલ્હીના ડિરેક્ટર પ્રો. વી. રામગોપાલે જણાવ્યું હતું કે ગયા વર્ષે શરૂ કરાયેલા આ અભ્યાસક્રમોમાં અત્યાર સુધીમાં કુલ 35 અભ્યાસક્રમો શરૂ કરવામાં આવ્યા છે.

કયા કયા કોર્સ શરૂ કરાયા

આ સર્ટિફિકેશન કોર્સ હેઠળ સંસ્થાએ બિઝનેસ એનાલિટિક્સ, હ્યુમન રિસોર્સ ડેવલપમેન્ટ, સાયબર સિક્યુરિટી, ડિજિટલ માર્કેટિંગ, 5G અને 6G કોમ્યુનિકેશન, રિન્યુએબલ એનર્જી, સપ્લાય ચેઇન મેનેજમેન્ટ વગેરે જેવા વિવિધ ક્ષેત્રોમાં રસ ધરાવતા વિદ્યાર્થીઓને ઓનલાઈન દ્વારા પાંત્રીસ વિવિધ કોર્સ ઓફર કર્યા છે.  

આ પણ વાંચોઃ BSF Recruitment: BSFમાં ગ્રુપ સીમાં જોડાવા અરજી કરવાની અંતિમ તારીખ છે નજીક, જાણો પગાર ધોરણ