Jobs 2023: NTROમાં આ જગ્યા માટે બમ્પર ભરતી બહાર પડી, ફટાફટ કરો અરજી

NTRO Jobs 2023: નેશનલ ટેકનિકલ રિસર્ચ ઓર્ગેનાઈઝેશન 180 થી વધુ જગ્યાઓ પર ભરતી કરી છે. આ ભરતી માટે ઉમેદવારો માટે અરજીની પ્રક્રિયા શરુ થઇ ગઈ છે .પસંદ કરેલ ઉમેદવારને 7 થી 10ના સ્લેબ હેઠળ પગાર આપવામાં આવશે.

એનટીઆરઓ ભરતી

NTRO Jobs 2023: નેશનલ ટેકનિકલ રિસર્ચ ઓર્ગેનાઈઝેશન 180 થી વધુ જગ્યાઓ પર ભરતી કરી છે. આ ભરતી માટે ઉમેદવારો માટે અરજીની પ્રક્રિયા શરુ થઇ ગઈ છે .પસંદ કરેલ ઉમેદવારને 7 થી 10ના સ્લેબ હેઠળ પગાર આપવામાં આવશે.

NTRO Recruitment 2023:

એન્જિનિયરિંગનો અભ્યાસ કરી ચૂકેલા યુવાનો માટે સારા સમાચાર છે. NTRO એ ભરતી માટે જાહેરનામું બહાર પાડ્યું છે. જે મુજબ સંસ્થામાં 182 જગ્યાઓ પર ભરતી કરવામાં આવશે. આ ભરતી માટે અરજી કરવા માટે, ઉમેદવારે સત્તાવાર સાઇટની મુલાકાત લઈને અરજી કરવાની રહેશે. ભરતી માટેની પ્રક્રિયા શરૂ થઈ ગઈ છે જે 21 જાન્યુઆરી સુધી ચાલશે.

આ ભરતી અભિયાન NTROમાં કુલ 182 જગ્યાઓ પર ભરતી કરશે. જેમાં ટેકનિકલ આસિસ્ટન્ટની 160 જગ્યાઓ અને એવિએટર-2ની 22 જગ્યાઓનો સમાવેશ કરવામાં આવ્યો છે. આ ભરતી માટે અરજી કરનાર ઉમેદવાર માન્ય સંસ્થામાંથી એન્જિનિયરિંગમાં અનુસ્નાતક હોવો જોઈએ.

વય મર્યાદા : 

આ ભરતી માટે અરજી કરનાર સામાન્ય કેટેગરીના ઉમેદવારોની ઉંમર 35 વર્ષથી વધુ ન હોવી જોઈએ. જ્યારે અનામત વર્ગના ઉમેદવારોને સરકારના નિયમો મુજબ મહત્તમ વય મર્યાદામાં છૂટછાટ આપવામાં આવી છે.

પસંદગીની પ્રક્રિયા : 

આ પોસ્ટ્સ માટે ઉમેદવારોની પસંદગી લેખિત કસોટી અને ઇન્ટરવ્યુના આધારે કરવામાં આવશે. લેખિત પરીક્ષા 400 ગુણની રહેશે. ઉમેદવારને પરીક્ષા માટે 150 મિનિટ આપવામાં આવશે, ઉમેદવારને દરેક સાચા જવાબ માટે 2 ગુણ આપવામાં આવશે, જ્યારે ખોટા જવાબ માટે 0.5 ગુણ કાપવામાં આવશે.

અરજી ફી ભરવાની રહેશે :

ભરતી માટે અરજી કરવા માટે ઉમેદવારોએ ફી ચૂકવવાની રહેશે. આ ભરતી માટે અરજી કરનાર જનરલ કેટેગરીના ઉમેદવારોએ અરજી ફી તરીકે રૂ 500 ચૂકવવાના રહેશે. જ્યારે અનામત વર્ગના ઉમેદવારોને સરકાર તરફથી અરજી ફીની ચુકવણીમાંથી મુક્તિ આપવામાં આવી છે.

આ રીતે અરજી કરો :

નેશનલ ટેકનિકલ રિસર્ચ ઓર્ગેનાઈઝેશનની આ ભરતી ડ્રાઈવ માટે અરજી કરવા માટે, ઉમેદવારો સત્તાવાર વેબસાઈટ ntro.gov.in પર જઈને 21 જાન્યુઆરી 2023 સુધીમાં ઓનલાઈન અરજી કરી શકે છે. વધુ વિગતો માટે ઉમેદવારો અધિકૃત વેબસાઇટ તપાસી શકે છે.