IAS અને IPS માં શું હોય છે અંતર, જાણો શું છે તેમનું કામ

Difference Between IAS & IPS: આ બંને સેવાઓમાં ભરતી થવા માટે ઉમેદવારે સખત મહેનત કરવી પડે છે અને UPSC પરીક્ષામાં સફળતા હાંસલ કરવી પડે છે. પરંતુ આ બંને સેવાઓના કાર્યો અલગ-અલગ છે.

પ્રતીકાત્મક તસવીર

IAS & IPS:  ભારતીય વહીવટી સેવા (Indian Administrative Service) અને ભારતીય પોલીસ સેવા (Indian Police Service) ખૂબ જ પ્રતિષ્ઠિત સેવાઓ છે. આ બંને સેવાઓમાં ભરતી થવા માટે ઉમેદવારે સખત મહેનત કરવી પડે છે અને UPSC પરીક્ષામાં સફળતા હાંસલ કરવી પડે છે. પરંતુ આ બંને સેવાઓના કાર્યો અલગ-અલગ છે.

IAS અધિકારીઓ વિશે વાત કરીએ તો, IAS જાહેર વહીવટ અને નીતિ નિર્માણ અને અમલીકરણમાં મદદ કરે છે. IAS અધિકારીઓ માટે તાલીમ સત્ર ઉત્તરાખંડના મસૂરી સ્થિત લાલ બહાદુર શાસ્ત્રી નેશનલ એકેડમી ઓફ એડમિનિસ્ટ્રેશન (LBNSAA) ખાતે હાથ ધરવામાં આવે છે. નિયમિત IAS તાલીમના ભાગ રૂપે તેમને તેજ અને સમર્પિત અધિકારીઓ બનાવવા માટે સંખ્યાબંધ કાર્યો કરવામાં આવે છે. UPSC પરીક્ષામાં ઉચ્ચ ક્રમાંક ધરાવતા ઉમેદવારોને IAS ફાળવવામાં આવે છે. IAS અધિકારીને સરકારી વિભાગો અને મંત્રાલયો Government Departments & Ministries)  સોંપવામાં આવે છે. તમામ વહીવટી સેવાઓમાં IAS એ સર્વોચ્ચ સ્થાન  (Topmost Position) છે.

IPS અધિકારીઓ (IPS Officers) પાસે ગુનાની તપાસ અને તે વિસ્તારમાં શાંતિ અને સુરક્ષા જાળવવાની કમાન હોય છે. આઈપીએસ અધિકારીઓને હૈદરાબાદ તેલંગાણા સ્થિત સરદાર વલ્લભભાઈ પટેલ નેશનલ પોલીસ એકેડમી (SVPNPA)માં તાલીમ આપવામાં આવે છે. IAS માટે ફાળવણી થઈ ગયા પછી અન્ય ટોચના રેન્ક ધારકોને IPS ફાળવવામાં આવે છે. IPS અધિકારી પોલીસ વિભાગનો હિસ્સો હોય છે. IAS પછી IPS રેન્કમાં આવે છે.

આ પણ વાંચોઃ