School Closed: ગુજરાતમાં અતિભારે વરસાદની આગાહીના લઈ કઈ કઈ જગ્યાએ બે દિવસ સ્કૂલ-કોલેજ રહેશે બંધ ? જાણો વિગત

Gujarat Education News: રાજ્યમાં છેલ્લા કેટલાક દિવસથી મેઘરાજાએ તાંડવ મચાવ્યું છે. ત્યારે હજુ પણ આગામી ત્રણ દિવસ રાજ્યમાં ભારે વરસાદની આગાહી કરવામાં આવી છે.

ફાઈલ તસવીર

Source : PTI

School Closed: ગુજરાતમાં મેઘરાજાએ તાંડવ મચાવ્યું છે. અનેક વિસ્તારો જળબંબાકાર છે. હજુ પણ હવામાન વિભાગ દ્વારા રાજ્યના ઘણા વિસ્તારોમાં ભારે વરસાદની આગાહી કરવામાં આવી છે. ગીર સોમનાથમાં ભારે વરસાદના કારણે 14 અન 15 જુલાઈ  બે દિવસ સ્કૂલોમાં રજા જાહેર કરવામાં આવી છે.  

આગામી બે દિવસ માટે અમરેલી જિલ્લામાં ભારેથી અતિભારે વરસાદની આગાહી છે. જેના પગલે વહીવટી તંત્ર એકશનમાં આવ્યું છે. અમરેલી જિલ્લામાં 14 અને 15 જુલાઇ જીલ્લાની તમામ શાળા કોલેજોમાં રજા જાહેર કરવામાં આવી છે. અમરેલી જિલ્લા કલેકટર દ્વારા ટ્વિટ કરીને માહિતી આપવામાં આવી છે.

અમરેલી જિલ્લામાં તા.14/7/2022 અને તા.15/7/2022 ના રોજ ભારેથી અતિભારે વરસાદની આગાહી હોઇ રેડ એલર્ટ આપવામાં આવ્યું હોઇ જિલ્લાની તમામ આંગણવાડીઓ, પ્રાથમિક/માધ્યમિક શાળાઓ, કોલેજો,ITI અને અન્ય તમામ શૈક્ષણિક સંસ્થાઓમાં આ બે દિવસ રજા જાહેર કરવામાં આવેલ છે. @pkumarias @CMOGuj @jitu_vaghani pic.twitter.com/cN1AanpRPV

— Collector & DM Amreli (@CollectorAmr) July 13, 2022

રાજ્યમાં ત્રણ દિવસ ભારે વરસાદની આગાહી

રાજ્યમાં છેલ્લા કેટલાક દિવસથી મેઘરાજાએ તાંડવ મચાવ્યું છે. ત્યારે હજુ પણ આગામી ત્રણ દિવસ રાજ્યમાં ભારે વરસાદની આગાહી કરવામાં આવી છે. સૌરાષ્ટ્ર અને દક્ષિણ ગુજરાતમાં રેડ એલર્ટ જાહેર કરવામાં આવ્યું છે. તો મધ્ય ગુજરાતમાં ઓરેંજ એલર્ટ જાહેર કરવામાં આવ્યું છે. આ સિવાય અમદાવાદ સહિત ઉત્તર ગુજરાતમાં પણ ભારે વરસાદની આગાહી કરવામાં આવી છે.

છોટા ઉદેપુર, નર્મદા, ભરૂચ, સુરત, ડાંગ, નવસારી, તાપી, વલસાડ, દમણ, દાદરાનગર હવેલી, રાજકોટ, જામનગર, મોરબી, દ્વારકા અને કચ્ચમાં અત્યંત ભારે વરસાદ પડવાની શક્યતા હોવાથી રેડ એલર્ટ જાહેર કરવામાં આવ્યું છે. જ્યારે ખેડા, પંચમહાલ, આણંદ, દાહોદ, વડોદરા, પોરબંદર, જૂનાગઢ અને ભાવનગરમાં ઓરેંજ એલર્ટ અપાયું છે.

આ પણ વાંચોઃ