Gujarat Election 2022: AAPના CM પદના ઉમેદવાર ઇસુદાન ગઢવીએ મતદાન બાદ કરી આ વાત, જુઓ વીડિયો
Gujarat Election 2022: ગુજરાત વિધાનસભાની ચૂંટણીની બીજા તબકકાનું મતદાન થઇ રહ્યું છે. ઇસુદાન ગઢવી મતદાન કરવા માટે મતદાન મથક પહોંચ્યાં હતા અને મતદાતાને આ ખાસ આ મુદ્દાને ધ્યાનમાં રાખીને વોટ કરવાની અપીલ કરી હતી.
Gujarat Election 2022: ગુજરાત વિધાનસભાની ચૂંટણીની બીજા તબકકાનું મતદાન થઇ રહ્યું છે. ઇસુદાન ગઢવી મતદાન કરવા માટે મતદાન મથક પહોંચ્યાં હતા અને મતદાતાને આ ખાસ આ મુદ્દાને ધ્યાનમાં રાખીને વોટ કરવાની અપીલ કરી હતી.
ગુજરાત વિધાનસભાની ચૂંટણીનું બીજા તબક્કાનું મતદાન આજે થઇ રહ્યું છે. 14 જિલ્લાની 93 બેઠક માટે આજે વોટિંગ થઇ રહ્યું છે. આમ આદમી પાર્ટીના સીએમ પદના ઉમેદવાર ઇસુદાન ગઢવીએ પણ મતદાન મથક પહોંચ્યાં હતા અને મતાધિકારનો ઉપયોગ કરતાં મતદાન કર્યું હતું. મતદાન બાદ તેમણે મીડિયા સાથે વાત કરતાં જનતાને વધુમાં વધુ મતદાન થાય માટે ઘરની બહાર નીકળીને વોટ કરવાની અપીલ કરી હતી. તેમણે હાલ પરિસ્થિતિના મુદ્દાના ધ્યાનમાં રાખીને મતદાન કરવા અપીલ કરી હતી. સ્વયભૂ સમજી વિચારીને મતદાન કરો.
મતદાન કર્યાં બાદ ઇસુદાન ગઢવીએ શું કહ્યું
પરિવર્તન માટે શિક્ષણ જરૂરી છે. આજે દરેક વિદ્યાર્થીને સારૂ શિક્ષણ નથી મળતું. ખાસ કરીને ગુજરાતમાં દરેક બાળકને અંગ્રેજી શીખવાની તક નથી મળતી. આજે કોઇનો એક્સિડન્ટ થાય બીમારી થાય તો તેના ખિસ્સા ધોવાઇ જાય છે, તો શિક્ષણ અને સ્વાસ્થ્ય સેવા સંપૂર્ણ નિશુલ્ક હોવી જોઇએ. મોંઘવારી આજે આસમાને છે. મતદાન સ્વયમભૂ સમજી વિચારીને કરો. ભાઇબંધ શું કહે તેને ધ્યાનમાં રાખીને મતદાન ન કરો. તમે ખુદ શું અનુભવો છો એ ધ્યાનમાં રાખીને મતદાન કરો. મેં અને મારી પત્નીએ મતદાન કર્યં છે.એક એક વાત કે એક પક્ષને ધ્યાનમાં રાખીને ન કરો પરંતુ શંસોધન કરજો. બાળકનું ભવિષ્ય જોઇને મતદાન કરો. નહિ તો પછી 5 વર્ષ સુધી તમે તેને ચૂંટીને મોકલ્યાં છે તે શાસન કરશે અને પછી તે સેવા કરશે કે શુ રાજ કરશે તે આપને સમજવાનું છે.
Gujarat Second Phase Voting: વડાપ્રધાન મોદીના માતા હીરા બાએ રાયસણની શાળામાં મતદાન કર્યું, સાથે કોણ હતુ?
ગુજરાત વિધાનસભા ચૂંટણીના બીજા તબક્કાનું મતદાન ચાલી રહ્યું છે. બીજા તબક્કાના મતદાનમાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકોનો સમાવેશ થાય છે. વડાપ્રધાન મોદીના માતા હીરા બા મતદાન કરવા પહોંચ્યા હતા. તેમણે રાયસણની દયાબેન વાડીભાઇ પટેલ સ્કૂલમાં મતદાન કર્યુ હતું. વડાપ્રધાન મોદીના માતા હીરા બાએ રાયસણની શાળામાં મતદાન કર્યું હતું. હીરા બાની સાથે પરિવારના સભ્યો પણ મતદાન કરવા પહોંચ્યા હતા.
ચૂંટણી પંચના આંકડા અનુસાર, ગુજરાત વિધાનસભાની ચૂંટણીમાં બીજા તબક્કામા નવ વાગ્યા સુધીમાં સરેરાશ 4.63 ટકા મતદાન થયુ છે. અમદાવાદના જિલ્લામાં નવ વાગ્યા સુધીમાં 4.20 ટકા મતદાન થયું છે. આણંદ જિલ્લામાં નવ વાગ્યા સુધીમા 4.92 ટકા મતદાન થયું છે. અરવલ્લી જિલ્લામાં નવ વાગ્યા સુધીમાં 5.36 ટકા મતદાન થયું છે. બનાસકાંઠા જિલ્લામાં નવ વાગ્યા સુધીમાં 5.36 ટકા મતદાન થયું છે. છોટાઉદેપુર જિલ્લામાં નવ વાગ્યા સુધીમાં 4.54 ટકા મતદાન, દાહોદ જિલ્લામાં નવ વાગ્યા સુધીમાં 3.37 ટકા મતદાન થયું હતુ.
14 જિલ્લાની 93 બેઠક માટે બીજા તબક્કાનું મતદાન
- બનાસકાંઠા જિલ્લો : બેઠકોના નામ : વાવ, થરાદ, ધાનેરા, દાંતા (ST), વડગામ (SC), પાલનપુર, ડીસા, દિયોદર, કાંકરેજ
- પાટણ જિલ્લો : બેઠકોના નામ : રાધનપુર, ચાણસ્મા, પાટણ, સિદ્ધપુર
- મહેસાણા જિલ્લો : બેઠકો : ખેરાલુ, ઉંઝા, વિસનગર, બેચરાજી, કડી, મહેસાણા, વિજાપુર
- સાબરકાંઠા જિલ્લો : બેઠકોના નામ : હિંમતનગર, ઈડર, ખેડબ્રહ્મા (ST), પ્રાંતિજ
- અરવલ્લી જિલ્લો : બેઠકોના નામ : ભિલોડા (ST), મોડાસા, બાયડ
- ગાંધીનગર જિલ્લો : બેઠકો: દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ
- અમદાવાદ જિલ્લો : બેઠકો: વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારાણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા
- આણંદ જિલ્લો : બેઠકો : ખંભાત, બોરસદ, આંકલાવ, ઉમરેઠ, આણંદ, પેટલાદ, સોજિત્રા
- ખેડા જિલ્લો : બેઠકોના નામ : માતર, નડિયાદ, મહેમદાબાદ, મહુધા, ઠાસરા, કપડવંજ
- મહીસાગર જિલ્લો : બેઠકોના નામ : બાલાસિનોર, લુણાવાડા, સંતરામપુર
- પંચમહાલ જિલ્લો : બેઠકોના નામ : શહેરા, મોરવાહડફ, ગોધરા, કાલોલ, હાલોલ
- દાહોદ જિલ્લો : બેઠકો : ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા
- વડોદરા જિલ્લો : બેઠકોના નામ : સાવલી, વાઘોડિયા, ડભોઈ, વડોદરા શહેર (SC), સયાજીગંજ, અકોટા, રાવપુરા, માંજલપુર, પાદરા, કરઝણ
- છોટાઉદેપુર જિલ્લો : બેઠકોના નામ: છોટાઉદેપુર, જેતપુર (ST)
ટોપ સ્ટોરી
ટ્રેન્ડિંગ સમાચાર
