બોલીવુડના આ સુપરસ્ટારના ઈન્સ્ટા પર 2 કરોડ ફોલોઅર્સ થઈ ગયા, ઈન્સ્ટાગ્રામે આપી શું ભેટ ? જાણો વિગત

મુંબઈઃ બોલિવૂડ એક્ટર અક્ષય કુમારના ઈન્સ્ટાગ્રામ પર 2 કરોડ (20 મિલિયન) ફોલોઅર્સ થઈ ગયા છે. સલમાન ખાન, શાહરૂખ ખાન, અમિતાભ બચ્ચનને પાછળ રાખીને અક્ષય કુમાર ઈન્સ્ટાગ્રામ પર આગળ નીકળી ગયો છે.

અક્ષય કુમારની આ ઉપલબ્ધિ માટે ઈન્સ્ટાગ્રામ દ્વારા તેને સ્મૃતિ ચિહ્ન આપવામાં આવ્યું હતું. અભિનેતાએ ઈન્સ્ટાગ્રામ દ્વારા આપવામાં આવેલા સ્મૃતિ ચિહ્ન સાથેની તસવીર શેર કરી હતી.

તસવીર શેર કરતાં અક્ષયે કુમારે લખ્યું, ઈન્સ્ટાગ્રામ વતી વધુ એક ગોલ્ડ મળ્યો. બોલિવૂડમાં 2 કરોડ ફોલોઅર્સ હોય તેવો પ્રથમ મેલ એક્ટર બની ગયો છું તેમ જણાવતાં ખુશી થાય છે. પ્રેમ માટે તમારા બધાનો આભાર.

હાલ ઈન્સ્ટાગ્રામ પર સલમાન ખાનના 1.79 કરોડ, શાહરૂખ ખાનના 1.39 કરોડ, આમિર ખાનના 12 લાખ, અમિતાભ બચ્ચનના 98 લાખ ફોલોઅર્સ છે.