જયારે મુંબઈમાં Vikram Gokhaleનું નહોતું ઘર ત્યારે અમિતાભ બચ્ચને આ રીતે કરી હતી મદદ

Vikram Gokhale Death:પીઢ અભિનેતા વિક્રમ ગોખલે હવે આ દુનિયામાં નથી. તેમની ફિલ્મી કારકિર્દીમાં વિક્રમ ગોખલેએ સદીના મેગાસ્ટાર અમિતાભ બચ્ચન સાથે ઘણી ફિલ્મોમાં કામ કર્યું હતું.

અમિતાભ બચ્ચન અને વિક્રમ ગોખલે

Amitabh Bachchan-Vikram Gokhale: હિન્દી સિનેમાના પીઢ અભિનેતા વિક્રમ ગોખલેનું 26 નવેમ્બરના રોજ અવસાન થયું. વિક્રમ ગોખલેએ પૂણેની દીનાનાથ હોસ્પિટલમાં અંતિમ શ્વાસ લીધા. લાંબા સમયથી સ્વાસ્થ્ય સમસ્યાઓ સામે ઝઝૂમી રહેલા વિક્રમ ગોખલે લાંબા સમયથી હોસ્પિટલમાં સારવાર હેઠળ હતા. જો કે લાંબી લડાઈ બાદ તેઓએ ગત રોજ અંતિમ શ્વાસ લીધા હતા. સદીના મેગાસ્ટાર અમિતાભ બચ્ચન અને વિક્રમ ગોખલેની મિત્રતાની વાતો જાણીતી છે. ત્યારે આજે અમે તમને જણાવીશું કે જ્યારે બિગ બીએ વિક્રમ ગોખલેની મુંબઈમાં ઘર ન હતું ત્યારે કેવી રીતે મદદ કરી હતી. અમિતાભ બચ્ચન અને વિક્રમ ગોખલેની મિત્રતા ખુબ જ જુની છે. આશરે 55થી તેમની વચ્ચે મિત્રતા છે. 

અમિતાભ બચ્ચને વિક્રમ ગોખલેને આ રીતે મદદ કરી

વિક્રમ ગોખલે 26 વર્ષની ઉંમરમાં વર્ષ 1971માં અમિતાભની સાથે ફિલ્મ પરવાનાથી ડેબ્યુ કર્યું હતું. વિક્રમ અને અમિતાભે અગ્નિપથ, ખુદા ગવાહ, પરવાના જેવી અનેક ફિલ્મોમાં સાથે કામ કર્યું હતું.વિક્રમ ગોખલે તેમની કારકિર્દીના શરૂઆતના દિવસોમાં માયાનગરી મુંબઈ આવ્યા ત્યારે તેમની પાસે રહેવા માટે ઘર નહોતું. વિક્રમ ગોખલે આશ્રયની શોધમાં મુંબઈમાં ભટકવા લાગ્યા. એક જૂના ઈન્ટરવ્યુમાં વિક્રમ ગોખલેએ ખુલાસો કર્યો હતો કે અમિતાભે તેમને મુંબઈમાં ઘર મેળવવામાં ઘણી મદદ કરી હતી. વિક્રમ ગોખલેએ તે દરમિયાન કહ્યું- 'જ્યારે હું સંઘર્ષના દિવસોમાં મુંબઈ આવ્યો ત્યારે મારી આર્થિક સ્થિતિ બિલકુલ સારી નહોતી. રહેવા માટે માથા પર છત ન હતી, તેની શોધમાં તે દિવસ-રાત ભટકતો હતો. જ્યારે અમિતાભ બચ્ચનને આ વાતની જાણ થઈ ત્યારે તેમણે અંગત રીતે મહારાષ્ટ્રના તત્કાલિન મુખ્ય પ્રધાન મનોહર જોશીને એક પત્ર લખ્યો હતો. જેમાં મને ઘરની મદદ કરવા માટે ભલામણ કરી હતી. બિગ બીની મદદથી મને મહારાષ્ટ્ર સરકાર તરફથી સરકારી આવાસ મળ્યું હતું.

વિક્રમ ગોખલે અને અમિતાભ બચ્ચનની મિત્રતા 55 વર્ષ જૂની હતી

અમિતાભ બચ્ચન સાથેની મિત્રતા વિશે વાત કરતાં વિક્રમ ગોખલેએ કહ્યું હતું કે- મને ખૂબ ગર્વ છે કે અમે બંને છેલ્લા 55 વર્ષથી એકબીજાને ઓળખીએ છીએ અને સારા મિત્રો છીએ. તે જાણીતું છે કે અમિતાભ બચ્ચન અને વિક્રમ ગોખલેએ પરવાના, અગ્નિપથ અને ખુદા ગવાહ જેવી ફિલ્મોમાં સાથે કામ કર્યું હતું.