Inside Pics: સલીમ ખાને પરિવાર સાથે ઉજવ્યો જન્મદિવસ, અરબાઝથી લઈને સલમાન સુધી બધાએ કરી મસ્તી

Salim Khan: સલમાન-અરબાઝના પિતા સલીમ ખાને ગત રોજ તેમનો 87મો જન્મદિવસ ઉજવ્યો. આ અવસર પર આખો પરિવાર એકસાથે જોવા મળ્યો. અરબાઝ ખાને પિતાના જન્મદિવસની કેટલીક તસવીરો શેર કરી છે.

સલીમ ખાનના જન્મદિવસની ઉજવણી

Salim Khan Birthday: સલમાન ખાનના પિતા અને પ્રખ્યાત લેખક સલીમ ખાને આગલા દિવસે તેમનો 87મો જન્મદિવસ ઉજવ્યો. આ દરમિયાન સલમાન ખાન સહિત તેમનો આખો પરિવાર સલીમ ખાનના ખાસ દિવસે સાથે જોવા મળ્યો હતો. સલીમ ખાનના પુત્ર અરબાઝ ખાને પણ તેના ઈન્સ્ટાગ્રામ પર પિતાના જન્મદિવસની તસવીરો શેર કરી છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Arbaaz Khan (@arbaazkhanofficial)

સલીમ ખાનના જન્મદિવસ પર આખો પરિવાર એક સાથે જોવા મળ્યો હતો. અરબાઝ ખાને તેના પિતાના જન્મદિવસ પર ફેમિલી રિયુનિયનની સુંદર તસવીરો શેર કરી છે. તસવીરોમાં સલમાન, સોહેલ ખાન, અલવીરા ખાન, હેલન, સલમા ખાન, અતુલ અગ્નિહોત્રી, અર્પિતા ખાન અને તેમના બાળકો આહિલ અને આયત બર્થડે બોય સાથે પોઝ આપતા જોવા મળ્યા હતા.

 

અરબાઝે સલીમ ખાનને પાઠવી શુભકામના 

પ્રથમ તસવીરમાં આખો પરિવાર દિગ્ગજ લેખક સાથે પોઝ આપતો જોવા મળ્યો હતો જ્યારે સલીમ ખાન ડાઇનિંગ ટેબલ પર સ્વાદિષ્ટ વાનગીઓનો આનંદ લેતા જોવા મળ્યા હતા. ચિકન બિરયાનીથી લઈને પાયા કરી સુધી, ડાઈનિંગ ટેબલ મોંમાં પાણી આવે તેવી વાનગીઓથી ભરેલું હતું. સલમાન તેની ભત્રીજી આયતને તેડીને ઉભેલો જોવા મળે છે. બીજી અને ત્રીજી તસવીરમાં અરબાઝ તેના પિતા સાથે પોઝ આપતો અને તેના ગાલ પર ક્યૂટ કિસ કરતો જોવા મળે છે. તસવીરોની સાથે તેણે પિતાને પણ શુભેચ્છા પાઠવી હતી. અરબાઝે લખ્યું કે, હેપ્પી બર્થડે ડેડી.

અરબાઝ ખાન વર્કફ્રન્ટ

અરબાઝ હાલમાં જ માનવ વિજ સાથે 'તનવ' નામની વેબ સિરીઝમાં જોવા મળ્યો હતો. આ પછી તેની સલમાન સાથે 'દબંગ 4' છે.

સલમાન ખાન વર્કફ્રન્ટ

સલમાન ખાન હાલમાં પૂજા હેગડે અને શહનાઝ ગિલ સાથે 'કિસી કા ભાઈ કિસી કી જાન'ના શૂટિંગમાં વ્યસ્ત છે. આ પછી તે કેટરિના કૈફ સાથે 'ટાઈગર 3'માં જોવા મળશે. બંને ફિલ્મો 2023માં રિલીઝ થવાની છે.