Kapil Sharma સાથે ફરી લોકોને હસાવતો જોવા મળશે ગુત્થી ફેમ સુનીલ ગ્રોવર
કૉમેડિયન કપિલ શર્મા અને સુનીલ ગ્રોવરના ચાહકો લાંબા સમયથી આ જોડીને એકસાથે જોવાની રાહ જોઈ રહ્યા હતા. આખરે હવે દર્શકોની આ રાહનો અંત આવ્યો છે.
Kapil Sharma With Sunil Grover: કૉમેડિયન કપિલ શર્મા અને સુનીલ ગ્રોવરના ચાહકો લાંબા સમયથી આ જોડીને એકસાથે જોવાની રાહ જોઈ રહ્યા હતા. આખરે હવે દર્શકોની આ રાહનો અંત આવ્યો છે. ગુત્થી ફેમ સુનીલ ગ્રોવર અને કપિલ શર્મા ફરી એકવાર પોતાની આખી ટીમ સાથે નવા શોમાં આવવા માટે તૈયાર છે.
કપિલ શર્મા સાથે ફરી એકવાર મનોરંજન કરશે ગુત્થી!
કપિલ શર્મા ઘણા સમયથી નાના પડદા પર દર્શકોનું મનોરંજન કરી રહ્યો છે. તાજેતરમાં કપિલ શર્મા કહેતો જોવા મળ્યો હતો- 'ઘર બદલાઈ ગયું છે, પરિવાર નહીં'. તે સમયે ચાહકો વધુ સમજી શક્યા નહોતા, પરંતુ હવે સામે આવ્યું છે કે કપિલ શર્મા હવે દર્શકો માટે એક મોટું સરપ્રાઈઝ લઈને આવ્યો છે. હવે ફરી એકવાર કપિલ અને સુનીલ સાથે જોવા મળશે.
હાલમાં જ નેટફ્લિક્સે સોશિયલ મીડિયા પર એક વીડિયો શેર કર્યો છે, આ વીડિયોમાં કપિલ શર્મા અને સુનીલ ગ્રોવર સાથે જોવા મળી રહ્યા છે. આ પછી બંને એકબીજા સાથે હસે છે અને મજાક કરે છે. પછી ધીમે ધીમે આખી ટીમ એટલે કે કીકુ શારદા, અર્ચના પુરણ સિંહ, કૃષ્ણા અભિષેક, રાજીવ ઠાકુર પણ આવી પહોંચે છે. વીડિયોમાં કપિલ શર્માની આખી ટીમ હસતી અને મજાક કરતી જોવા મળી રહી છે.
View this post on Instagram
નેટફ્લિક્સ દ્વારા તાજેતરના એક વીડિયોમાં કપિલ તેના ચાહકોને અત્યાર સુધીની સૌથી મોટી અને ખાસ ભેટ આપતો જોવા મળે છે. સુનીલ ગ્રોવર નેટફ્લિક્સ પર આગામી કોમેડી શો માટે કપિલ સાથે ફરી જોડાશે. કપિલે એક તસવીર સાથે આ સમાચારની સત્તાવાર પુષ્ટિ કરી છે.
કપિલ અને સુનીલ વચ્ચે વર્ષ 2017માં વિવાદ થયો હતો
તમને જણાવી દઈએ કે વર્ષ 2017માં કપિલ શર્મા અને સુનીલ ગ્રોવર વચ્ચે ખૂબ જ મોટો વિવાદ થયો હતો.અહેવાલોનું માનીએ તો ફ્લાઇટમાં કપિલ અને સુનીલ વચ્ચે કોઈ વાતને લઈને ઝઘડો થયો હતો. ત્યારથી બંનેએ સાથે કામ કરવાનું બંધ કરી દીધું હતું. પરંતુ હવે દર્શકોનું મનોરંજન કરવા માટે ચાહકો આ જોડીને ફરીથી સાથે જોઈ શકશે.
ટ્રેન્ડિંગ સમાચાર
ટોપ સ્ટોરી
