રાજસ્થાનના મૈદાનમાં બાળકો સાથે ક્રિકેટ રમતો દેખાયો 'ધ એવેંજર્સ'નો આ સુપર હિરો, જુઓ ખાસ ઝલક...
હોલીવુડની પ્રખ્યાત સુપરહિરો ફિલ્મ 'ધ એવેંજર્સ'નો એક્ટર જેરેમી રેનર દુનિયાભરમાં જાણીતો છે.
Avenger Actor Jeremy Renner In India: હોલીવુડની પ્રખ્યાત સુપરહિરો ફિલ્મ 'ધ એવેંજર્સ'નો એક્ટર જેરેમી રેનર દુનિયાભરમાં જાણીતો છે. ભારતમાં પણ જેરેમી રેનરના ફેન્સનો આંકડો ઘણો મોટો છે. લાખો ભારતીયો તેની એક્ટિંગના દિવાના છે અને તેની ફિલ્મોની ભારતમાં પણ રાહ જોવાય છે. ત્યારે ભારતના ફેન્સ માટે એક ખુશ ખબર છે. જેરેમી રેનર હાલ ભારત ભ્રમણ કરી રહ્યો છે. જેરેમીએ પોતાના ઈંસ્ટાગ્રામ પર રાજસ્થાનનો એક ફોટો શેર કર્યો છે. આ ફોટોમાં જેરેમી એક મેદાનમાં બાળકો સાથે ક્રિકેટ રમતો દેખાઈ રહ્યો છે.
ભારત ભ્રમણ પર છે હોલીવુડ એક્ટરઃ
જેરેમી રેનરે જેવો આ ફોટો શેર કર્યો એવો તરત જ વાયરલ થઈ ગયો હતો. જેરેમીના ભારતીય ફેન્સ સોશિયલ મીડિયા પર તેનું ઉમેળકાભેર સ્વાગત કરી રહ્યા છે. એક ચાહકે આ ફોટોની કોમેન્ટમાં કહ્યું કે, 'રાજસ્થાનમાં તમારું સ્વાગત છે.' અન્ય એક પ્રશંસકે લખ્યું કે, 'પધારો મ્હારે દેશ'
આ ફોટો શેર કરતાં જેરેમીએ લખ્યું કે, "આ પ્લેનેટના લોકો અને સ્થળોની ખોજ કરવી, તેમની પાસેથી શીખવાનું અને પ્રેરિત થવાનું જીવનના સુંદર આશીર્વાદ છે." જેરેમીના આ શબ્દોએ ભારતીય ફેન્સનું દિલ જીતી લીધું છે. તમને જણાવી દઈએ કે, જેરેમી રેનરે થોર, ધ એવેંજર્સ, એવેંજર્સઃ એજ ઓફ અલ્ટ્રોન, એવેંજર્સઃ એન્ડ ગેમ, કેપ્ટન અમેરિકાઃ સિવિલ વોર, એવેંજર્સઃ ઈન્ફિનિટી અને હોક આઈ જેવી દમદાર હોલીવુડ ફિલ્મોમાં કામ કર્યું છે.
View this post on Instagram
ટ્રેન્ડિંગ સમાચાર
ટોપ સ્ટોરી
