શોધખોળ કરો

આજે ભારતમાં લોન્ચ થશે iPhone 7, ખરીદતા પહેલા જાણો શું છે ખાસ

Written By : એબીપી અસ્મિતા વેબ ટીમ | Updated at : 07 Oct 2016 08:39 AM (IST)

1/7

બંને ફોન ડસ્ટ અને વોટર રેસિસ્ટન્સ ફિચરથી લેસ હશે જે એપલના પહેલા આ પ્રકારના ફોન હશે. હવે ફોન પાણીમાં પડે તો પણ કોઈ ચિંતા નહીં જો કે આ ફિચર અનેક સ્માર્ટ ફોનમાં અગાઉએએએથી ઉપલબ્ધ છે જ.

2/7

નવી દિલ્હીઃ વિતેલા મહિને લોન્ચ થયેલ એપલના નવા આઈફોન 7 અને આઈફોન 7 પ્લસ ભારતમાં આજથી મળવાની શરૂ થઈ જશે. આઈફોન 7ના 32 જીબી વેરિઅન્ટની કિંમત 60 હજાર રૂપિયા, 128 જીબી વેરિઅન્ટની કિંમત 70 હજાર રૂપિયા અને 256 જીબી વેરિઅન્ટની કિંમત 80 હજાર રૂપિયા રાખવામાં આવી છે. જ્યારે આઈફોન 7 પ્લસના 32 જીબી વેરિઅન્ટની કિંમત 72 હજાર રૂપિયા, 128 જીબી વેરિઅન્ટ 82 હજાર રૂપિયા અને 256 જીબી વેરિઅન્ટ 92 હજાર રૂપિયામાં મળશે. આગળ વાંચો ફોનમાં શું છે ખાસ....

3/7

તેમાં રેટિના HD લાગેલુ છે જે પહેલાના આઈફોન્સની સરખામણીમાં 25 ટકા વધુ બ્રાઈટ છે. તે 3D ટચ પણ સપોર્ટ કરે છે. આઈફોન7 અને આઈફોન 7 પ્લસમાં 3.5mm જેકવાળા ઈયરફોન જો યુઝ કરવા માંગતા હોવ તો ચિંતાની વાત નથી. આ બંને ફોન સાથે એપલ લાઈટનિંગ પોર્ટનું 3.5mm કનેક્ટર પણ આપશે. આ સાથે જ કંપનીએ વાયરલેસ એરપોડ પણ લોન્ચ કર્યું છે. એકવાર ચાર્જ થયા બાદ તે 5 કલાક સુધી કામ કરશે.

4/7

કંપનીના જણાવ્યાં મુજબ આ બંને ફોન અત્યાર સુધીના સૌથી શાનદાર ફોન છે. આ વખતે ફોન નવા કલરમાં રજુ થયા છે. બંને ફોન કાળા રંગમાં પણ ઉપલબ્ધ થશે. IOS 10 પર ચાલનારા આઈફોન 7નો કેમેરો 12 મેગાપિક્સેલનો છે. તેનું સેન્સર હાઈ સ્પીડ છે અને 30 ટકા વધુ એફિશિયન્ટ છે. તેમાં ક્વોડ LED, ટ્રુ ટોન ફ્લેશ અને 50 ટકા વધુ લાઈટ જેવા ફિચર છે.

5/7

આઈફોન 7 પ્લસમાં ડ્યૂલ કેમેરા સેટઅપ છે. બંને કેમેરા 12 મેગાપિક્સલ છે. એક વાઈડ એંગલ મોડ્યૂલ છે અને બીજો ટેલિફોટો. જેમાં 2X ઓપ્લિકલ અને 10X સોફ્ટવેર ઝૂમ છે. બંને આઈફોન્સનો ફ્રન્ટ કેમેરા 7 મેગાપિક્સેલ છે. આઈફોન 7 અને આઈફોન 7 પ્લસમાં સ્ટિરિયો સ્પિકર્સ લાગેલા છે. એક સ્પિકર ટોપ પર છે અને બીજુ બોટમ એજ પર. જે જૂના મોડલ કરતા બમણો પાવરફુલ અવાજ આપશે.

6/7

બંને ફોનમાં નવું ડિઝાઈન કરાયેલું હોમ બટન છે. આ મોટો ફેરફાર ગણી શકાય. હવે એપલના ટેપ્ટિક એન્જિન પર ચાલશે એટલે કે મેકબુકના ટ્રેકપેડ જેવું કામ કરશે. તેને તમે ક્લિક નહીં કરી શકો પરંતુ જોરથી પ્રેસ કરવું પડશે.

7/7

આ બંને આઈફોન્સમાં 4 કોરવાળુ A10 ફ્યુઝન પ્રોસેસર લાગેલુ છે જે આઈફોન7ના પરફોર્મન્સને દમદાર બનાવે છે. કંપનીના જણાવ્યાં મુજબ આ આઈફોન્સની બેટરી બેકઅપ વધુ સારી છે. ઉદાહરણ તરીકે આઈફોન 7ની બેટરી આઈફોન 6sની સરખામણીમાં 2 કલાક વધુ ટકશે.