મોટા ડિસ્પ્લે સાથે Appleની નવી સ્માર્ટવોચ લોન્ચ, જાણો ફીચર્સ અને કિંમત

સીરિઝ 4 એપલ વોચના જીપીએસ મોડેલની કિંમત અંદાજે 28670 રૂપિયા છે જ્યારે સેલ્યુલર મોડેલની કિંમત અંદાજે 35855 રૂપિયા રાખવામાં આવી છે. એપલ વોચનું પ્રી-ઓર્ડર 14 સપ્ટેમ્બરથી શરૂ થશે અને શિપિંગ 21 સપ્ટેમ્બરથી શરૂ થશે.

એપલ વોચમાં નવું એસ4 પ્રોસેસર છે. નવી એપલ વોચ ફોલ ડિટેક્ટ ફીચર સાથે આવે છે. તે સિવાય એપલ વોચ માત્ર 30 જ સેકન્ડમાં વ્યક્તિનો ઇસીજી રિપોર્ટ પણ તૈયાર કરી શકે છે. જો કોઇ વ્યક્તિના ધબકારા ચિંતાજનક ઘટી જાય તો તેની પણ નોટિફિકેશન દ્વારા વોચ જાણ કરશે.