આસુસ 7 ફેબ્રુઆરીએ લોન્ચ કરશે આ પાવરફુલ સ્માર્ટફોન, જાણો કિંમત અને સ્પેસિફિકેશન

એન્ડ્રોઇડના લેટેસ્ટ વર્ઝન નોગટ પર ચાલતા આ સ્માર્ટફોનને કંપનીએ એલ્યુમિનિયમ મેટલ બોડીની સાથે રજૂ કરશે. આ ફોનમાં ફિન્ગરપ્રિન્ટ સેન્સર છે જે હોમ બટનની સાથે આપવામાં આવશે. આસુસનો દાવો છે કે, આ સ્માર્ટફોન માત્ર 0.5 સેકન્ડમાં અનલોક હોઈ શકે છે.

જેનફોન 3એસ મેક્સ સ્માર્ટફોનમાં 5.2 ઇંચની એચડી સ્ક્રીન આપવામાં આવી છે. તેનું સ્ક્રીન રિઝોલ્યૂશન 720X1280 પિક્સલનું હશે. હેન્ડસેટમાં 1.5 ગીગાહરટ્ઝ ઓક્ટા-કોર પ્રોસેસર આપવામાં આવ્યું છે. તેમાં 3 જીબી રેમ અને 32 જીબી ઇન્ટરનલ સ્ટોરેજ પણ મળશે. હેન્ડસેટમાં યૂઝર 2 ટીબી સુધીનો માઈક્રોએસડી કાર્ડનો ઉપયોગ કરી શકાશે. કેમેરાની વાત કરીએ તો 3એસ મેક્સમાં 13 મેગાપિક્સલનો રિયર કેમેરા છે. ઉપરાંત ફોનમાં 8 મેગાપિક્સલનો સેલ્ફી કેમેરા પણ આપવામાં આવ્યો છે.