WhatsApp લાવશે વધુ એક નવું ફીચર, જાણો કેવી રીતે કરશે કામ?

અહેવાલ મુજબ, હાલમાં એન્ડ્રોઈના બીટા વર્ઝન પર તેનું ટેસ્ટિંગ થઈ રહ્યું છે. આ નવા ફીચરથી યુઝર્સ નોટિફિકેશન બારથી જ સીધા મેસેજને ‘માર્ક એઝ રીડ’ કરી શકશે અને તેનું નોટિફિકેશન વારંવાર નહીં દેખાય. નવા ફીચરથી યૂઝર્સનો સમય બચશે. જોકે હજુ સુધી તેનું બીટા વર્ઝન પર આ ફીચર આવ્યું નથી, કારણ કે હાલમાં તેમાં થોડા સુધારા કરવાની જરૂર છે.

એક રિપોર્ટ મુજબ, જ્યારે પણ વોટ્સએપમાં કોઈ લિંક શંકાસ્પદ લાગશે તો આગળ લાલ રંગનું માર્ક હશે. આ લાલ નિશાનથી જાણી શકાશે કે લિંક સ્પામ, ફિશિંગ લિંક અથવા ફેક ન્યૂઝ છે.

કહેવાય છે કે, આ ફીચર ‘માર્ક એઝ રીડ’ બટનને નોટિફિકેશન બારમાં ‘રિપ્લાઈ’ બટનની આગળ રાખવામાં આવશે. આ ઉપરાંત વોટસએપ એક ‘સસ્પીશસ લિંક’ ડિટેક્શન ફીચર પર કામ કરી રહ્યું છે જેનાથી યુઝરને કોઈપણ શંકાસ્પદ લિંક વિશે સાવધાન કરી શકાય. ફેક ન્યૂઝ રોકવા માટે કંપની આ ફીચર લાવી રહી છે. આ ફીચરથી યુઝર્સ વોટ્સએપ પર મળતી કોઈપણ લિંકથી એપ સંબંધિત વેબસાઈટ વિશે જાણકારી લેશે અને કઈ ખોટું લાગે છે તો યુઝરને ચેતવણી અપાશે.

નવી દિલ્હીઃ ફેસબુકની માલિકી ધરાવતી વ્હોટ્સએપે છેલ્લા કેટલાક સમયથી પોતાના યૂઝર્સને સારો અનુભવ આપવા માટે અનકે નવી ફીચર લોન્ચ કર્યા છે. કંપનીએ હાલમાં જ ગ્રુપ વીડિયો કોલિંગ, ફોરવર્ડેડ મેસેજ જેવા કેટલાક નવા ફીચર રજૂ કર્યા હતા. પરંતુ કંપની હવે વધુ એક નવું ફીચર લઈને આવી છે. આ નવા ફીચરને ‘માર્ક એઝ રીડ’ નામ આપવામાં આવ્યું છે.