ભૂલથી પણ WhatsApp પર આવેલો આ મેસેજ ન ખોલશો, થઈ જશે હેંગ!

હાલમાં જ એપલ આઈઓએસમાં એક બગ આવ્યો હતો, જેના કારણે એક ખાસ તેલુગુ અક્ષરને ટાઈપ કરવા પર વ્હોટ્સએપ, ફેસબુક મેસેન્જર સહિતના મેસેજિંગ એપ ફ્રીઝ થઈ જતા હતા. આ બગથી આઈફોન્સ, આઈપેડ અને મેક ડિવાઈસીઝ પ્રભાવિત થયા હતા.

ફોરવર્ડ કરાઈ રહેલા આ મેસેજથી કોઈ ખતરો તો નથી લાગી રહ્યો, પરંતુ એમ લાગે છે કે, કોઈએ મજાક ખાતર આ મેસેજ તૈયાર કર્યો છે. જોકે, વ્હોટ્સએપ યુઝર્સ માટે આ મેસેજ પરેશાની ઉભી કરી રહ્યો છે તે વાત ચોક્કસ છે. અમે એન્ડ્રોઈડ અને આઈઓએસ પર આ બગને રિપિટ કરવાની કોશીશ કરી, પરંતુ લાગે છે કે તે એન્ડ્રોઈડ-સ્પેસિફિક જ છે. આઈફોન્સ પર તેની કોઈ અસર નથી પડી રહી.