Health Tips: ગરમીમાં આ ફૂડ્સનું કરો સેવન, ઉનાળામાં પણ સ્વસ્થ રહેશો  

ઉનાળામાં ખાવા-પીવાની બાબતમાં ખૂબ કાળજી લેવી જોઈએ. ઉનાળામાં ખોરાકમાં એવી વસ્તુઓનો સમાવેશ કરો જેથી શરીર અંદરથી ઠંડુ રહે અને ગરમીની લહેર શરીરને નુકસાન ન પહોંચાડે.

પ્રતિકાત્મક તસવીર

મે-જૂનની ગરમી કેટલી ખતરનાક હોય છે તે સૌ જાણે છે, પરંતુ આ વખતે ગરમીએ લોકોને એપ્રિલ મહિનામાં જ પરસેવો પાડી દીધો છે. દિવસ દરમિયાન સૂર્ય એટલો પ્રબળ હોય છે કે જાણે આકાશમાંથી અગ્નિ વરસતો હોય. વૃક્ષો, છોડ, પશુ-પંખીઓ અને માનવ સૌ ગરમીથી પરેશાન છે. આવી સ્થિતિમાં, તમારે ગરમીથી બચવા માટે જીવનશૈલીમાં થોડો ફેરફાર કરવો જ જોઇએ. ખાસ કરીને ઉનાળામાં ખાવા-પીવાની બાબતમાં ખૂબ કાળજી લેવી જોઈએ. ઉનાળામાં ખોરાકમાં એવી વસ્તુઓનો સમાવેશ કરો જેથી શરીર અંદરથી ઠંડુ રહે અને ગરમીની લહેર શરીરને નુકસાન ન પહોંચાડે. આજે અમે તમને એવી જ કેટલીક વસ્તુઓ વિશે જણાવી રહ્યા છીએ જે તમને ગરમીથી રાહત અપાવવામાં મદદ કરશે.

લૂ અને ગરમીથી કેવી બચશો?

છાશ અને લસ્સી

ગરમીથી રાહત મેળવવા માટે દિવસની શરૂઆત છાશ કે લસ્સીથી કરો. જો તમે સવારે છાશ કે દહીં ન પીતાં  હોવ તો ભોજનમાં દહીં, છાશ કે લસ્સીનો સમાવેશ ચોક્કસથી કરો. તેનાથી શરીર ઠંડુ રહેશે અને ગરમીથી રાહત મળશે. દહીં પેટ માટે ખૂબ જ ફાયદાકારક છે. તેથી ઉનાળામાં દહીં અવશ્ય ખાઓ.

બિલાનું શરબત

ખાસ કરીને ઉનાળામાં બિલાનું  શરબત પીવું જોઈએ. બિલાનું ફળ ખાવું થોડું મુશ્કેલ છે, આવી સ્થિતિમાં તમે બિલાનું શરબત બનાવીને પી શકો છો. આના કારણે શરીર ઠંડુ રહે છે અને પાચનતંત્ર ખૂબ સારી રીતે કામ કરે છે.

કાચી ડુંગળી

ઉનાળામાં કાચી ડુંગળી જરૂર ખાવી જોઈએ. ડુંગળી ઉનાળામાં પેટને સ્વસ્થ રાખે છે, ડુંગળીને ભોજન સાથે સલાડ તરીકે ખાઓ. આ સિવાય જો તમે ક્યાંક બહાર જઈ રહ્યા હોવ તો તમારા માથા પર કાચી ડુંગળીના ટુકડા રાખો અને ઉપરથી સુતરાઉ કાપડ બંધ કરી દો. આ હીટ સ્ટ્રોકને અટકાવશે.

લીંબુ પાણી

ઉનાળો આવતા જ શરીરમાં પાણીની કમી થઈ જાય છે, આવી સ્થિતિમાં તમારે રોજ લીંબુ પાણી પીવું જોઈએ. જેના કારણે શરીરમાં પાણીની ઉણપ પૂરી થાય છે અને લીંબુમાંથી વિટામિન સી મળે છે. લીંબુ પાણી પેટ માટે ખૂબ જ ફાયદાકારક છે.

Disclaimer : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, ABP LIVE કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.