આ 5 સુપર ફૂડને ડાયટમાં કરો સામેલ, વેઇટ લોસની સાથે થશે આ ફાયદા

વજન ઘટાડવાની જર્નિ ખૂબ જ મુશ્કેલ છે. તેના માટે લોકો જીમમાં જાય છે, કસરત કરે છે, કલાકો સુધી ભૂખ્યા રહે છે. તેમ છતાં, વજન ઝડપથી ઉતરતું નથી. જેના કારણે નિરાશા વધી જાય છે અને આપણે કંઈક એવું કરવા લાગીએ છીએ જે આપણા સ્વાસ્થ્ય માટે હાનિકારક સાબિત થાય છે.

પ્રતીકાત્મક

Health Tips:વજન ઘટાડવાની જર્નિ ખૂબ જ મુશ્કેલ છે.  તેના માટે  લોકો જીમમાં જાય છે, કસરત કરે છે, કલાકો સુધી ભૂખ્યા રહે છે.  તેમ છતાં, વજન ઝડપથી ઉતરતું નથી. જેના કારણે નિરાશા વધી જાય છે અને આપણે કંઈક એવું કરવા લાગીએ છીએ જે આપણા સ્વાસ્થ્ય માટે હાનિકારક સાબિત થાય છે.

જિમમાં ગયા વિના પણ આપ વેઇટ લોસ કરી શકો છો. એવી 5 વસ્તુઓ છે, જેને ડાયટમાં સામેલ કરીને વેઇટ લોસ કરી શકો છો.

બ્લૂ બેરીઝ - બ્લુબેરી વિટામિન સી, ફાઈબર, મેંગેનીઝ અને અન્ય એન્ટીઓક્સીડેન્ટનો સારો સ્ત્રોત છે. આ સુપર ફૂડ ખાવાથી ઘણા સ્વાસ્થ્ય લાભ મળે છે, તેમાં રહેલા ફાઈબરને કારણે ભૂખ ઓછી લાગે છે. પેટ ભરેલું લાગે છે, જેના કારણે તમે વધારાનો ખોરાક લેવાનું ટાળો છો. તમે દહીં સાથે બ્લૂબેરી પણ ખાઈ શકો છો. બેરી પાઈ બનાવીને ખાઈ શકાય છે. આ સુપરફૂડને ફળ તરીકે પણ લઈ શકાય છે.

ઓટ્સ - ઓટ્સ તેમના નીચા ગ્લાયકેમિક ઇન્ડેક્સને કારણે પ્રકાર 2 ડાયાબિટીસ ધરાવતા લોકો માટે શ્રેષ્ઠ પસંદગી છે. ઓટ્સમાં ફાઇબર પણ વધુ હોય છે, જે વજન અને પાચનનું સ્વાસ્થ્ય જાળવવા માટે મહત્વપૂર્ણ છે. વધુમાં, તે હૃદયને પણ સુરક્ષિત કરી શકે છે. ડાયાબિટીસના દર્દીને  હૃદય રોગનું જોખમ રહેલું છે.

અખરોટ- અખરોટ ખાવાથી વજન ઝડપથી ઘટે છે. તેમાં પ્રોટીન, ફાઈબર અને હેલ્ધી ફેટ હોય છે. અભ્યાસ અનુસાર, દર અઠવાડિયે મુઠ્ઠીભર અખરોટ લાંબુ આયુષ્ય આપવામાં મદદ કરી શકે છે. વૈજ્ઞાનિકોના મતે રોજ બે અખરોટ ખાવાથી વધતી ઉંમરની અસર ઓછી થાય છે.

રસોડામાં લીલા શાકભાજી અવશ્ય રાખવા જોઈએ. જો તમારી પાસે તેને બનાવવા માટે સમય નથી, તો તમે ફ્રોઝન શાકભાજી પણ રાખી શકો છો. તેને કડાઈમાં શેકીને લંચ, ડિનર અથવા નાસ્તા તરીકે ખાઈ શકાય છે.

સૅલ્મોન માછલીનો એક પ્રકાર છે. જો તમે માંસાહારી છો તો તમે તેને ડાયટમાં  સામેલ કરી શકો છો.ઓમેગા-3 થી ભરપૂર સૅલ્મોન તમારા વાળને ચમકદાર રાખવામાં મદદ કરે છે. આ ખાવાથી પેટ હંમેશા ભરેલું રહે છે, જેથી તમે વધારે ખાવાથી બચી શકો છો. જેના કારણે વજન નિયંત્રણમાં રહે છે. અઠવાડિયામાં બે વાર તમારા આહારમાં સૅલ્મોન અથવા અન્ય ફેટી માછલીનો સમાવેશ કરવાથી લોકોને વજન ઘટાડવામાં મદદ મળી શકે છે.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે,abp અસ્મિતા  કોઈપણ પ્રકારની  માહિતી, ઉપાય, કે સારવાર પદ્ધતિની  પુષ્ટિ કરતું નથી. કોઈપણ માહિતી અથવા માન્યતા પર  કાર્ય કરતા પહેલા, સંબંધિત નિષ્ણાતની સલાહ લો