Health Tips: શું ભેંસનું દૂધ પીવાથી મટી જાય છે પાઇલ્સ? જાણો શું છે સત્ય

Health Tips: સામાન્ય રીતે આ રોગ કબજિયાતને કારણે થાય છે. આમાં વ્યક્તિને ઘણી મુશ્કેલીનો સામનો કરવો પડે છે.

પ્રતિકાત્મક તસવીર

Buffalo Milk in Piles : પાઈલ્સમાં ગુદામાર્ગને અસર થાય છે. સામાન્ય રીતે આ રોગ કબજિયાતને કારણે થાય છે. આમાં વ્યક્તિને ઘણી મુશ્કેલીનો સામનો કરવો પડે છે. પાઈલ્સ બે પ્રકારના હોય છે. નિષ્ણાંતો આ બીમારીમાં ખાવા પીવાનું ખાસ ધ્યાન રાખવાની સલાહ આપે છે.

ફાઇબરથી ભરપૂર ખોરાક ખાવાની સલાહ આપવામાં આવે છે જેથી સ્ટૂલ ટાઇટ ના રહે. પાઇલ્સના કેટલાક દર્દીઓ દૂધ પીવામાં મૂંઝવણ અનુભવે છે, જ્યારે કેટલાક માને છે કે ભેંસનું દૂધ પીવાથી પાઇલ્સ મટી જાય છે. આવો જાણીએ સાચું સત્ય..

ભેંસના દૂધના ફાયદા

ભેંસના 100 મિલી દૂધમાં 237 કેલરી, 17.3 ટકા કેલ્શિયમ, 7.8 ટકા  પ્રોટીન, 4.3 ટકા વિટામિન A હોય છે. આ સિવાય પોટેશિયમ, ફોસ્ફરસ, મેગ્નેશિયમ, ઝિંક અને એન્ટીઓક્સીડેન્ટ પણ મળે છે. ભેંસનું દૂધ પીવાથી એનિમિયા દૂર થાય છે, હાડકાં મજબૂત બને છે અને હૃદયનું સ્વાસ્થ્ય સ્વસ્થ રહે છે. આ સિવાય તે શરીરમાં પ્રોટીનની ઉણપને પણ પૂરી કરે છે અને વજન ઘટાડવા અને વધારવામાં મદદરૂપ છે.

પાઇલ્સમાં ભેંસનું દૂધ પીવું જોઈએ કે નહીં?

ગાયનું હોય કે ભેંસનું દૂધ પોષક તત્વોથી ભરપૂર હોય છે. તેનું સેવન કરવાથી શરીર સ્વસ્થ બને છે. દૂધમાં કેલ્શિયમ, વિટામિન ડી અને પ્રોટીન મળી આવે છે, જે શરીર માટે ખૂબ જ ફાયદાકારક છે. જો કે, દૂધ પીવાથી કેટલાક લોકોને કબજિયાત થાય છે, જે પાઈલ્સ વધવાનું કારણ હોઈ શકે છે. જે લોકોની પાચનશક્તિ નબળી હોય છે, દૂધ તેમના પાચન પર દબાણ લાવે છે.

પાઇલ્સમાં ભેંસનું દૂધ કેમ ન પીવું જોઈએ

નિષ્ણાતોના મતે, ભેંસના દૂધમાં સરેરાશ 7 ટકા ચરબી હોય છે, જ્યારે ગાયના દૂધમાં માત્ર 3.5 ટકા ચરબી હોય છે. ભેંસના દૂધમાં સોલિડ નોટ ફેટ 9 ટકા અને ગાયના દૂધમાં તે 8.5 ટકા હોય છે. તેથી ભેંસનું દૂધ પીવાથી અપચાની સમસ્યા થઇ શકે છે .

અપચાથી કબજિયાત વધે છે અને પાઈલ્સનાં લક્ષણો વધે છે. પાયલ્સના દર્દીઓ જેઓનું વજન વધારે છે, જો તેઓ ભેંસનું દૂધ પીવે છે તો તેમના શરીરમાં વધારાની ચરબી જમા થાય છે આનાથી પાઇલ્સની સમસ્યામાં વધારો થાય છે, આથી પાઇલ્સના દર્દીઓએ આ દૂધ પીવાનું ટાળવું જોઈએ. જો કે, જો પાચનશક્તિ મજબૂત હોય તો તમે ડૉક્ટરની સલાહ પર દૂધનું સેવન કરી શકો છો.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનાને અમલમાં મૂકતા પહેલા તમારે સંબંધિત નિષ્ણાતની સલાહ લેવી જોઈએ.