નાસ્તામાં કેટલા ઈંડા ખાવા જોઈએ, વધુ પ્રમાણમાં ખાવાથી શું થઈ શકે છે નુકસાન ?

નાસ્તામાં કેટલા ઈંડા ખાવા જોઈએ, વધુ પ્રમાણમાં ખાવાથી શું થઈ શકે છે નુકસાન ?

પ્રતિકાત્મક તસવીર

સવારના નાસ્તામાં પ્રોટીન અને વિટામિન્સથી ભરપૂર વસ્તુઓ હોવી જોઈએ. દરરોજ સવારે ઈંડા ખાવાનું સ્વાસ્થ્ય માટે સારું માનવામાં આવે છે. ઈંડા ખાવાથી શરીરને પુષ્કળ પ્રમાણમાં પ્રોટીન અને અન્ય જરૂરી પોષક તત્વો મળે છે. ખાસ કરીને ઠંડીના દિવસોમાં ઈંડા ખાવા જોઈએ. ઈંડામાં ઓમેગા 3 ફેટી એસિડ જોવા મળે છે.

આ સિવાય ઈંડામાં વિટામિન B12, વિટામિન ડી,ચોલિન,બાયોટિન, વિટામિન A, લ્યૂટિન એન્ટીઓક્સિડન્ટ અને જેક્સાથિન જેવા પોષક તત્વો પણ મળી આવે છે. જે તમને સ્વસ્થ રાખવામાં મદદ કરે છે. હવે સવાલ એ થાય છે કે જો ઈંડા આટલા ફાયદાકારક હોય તો રોજ કેટલા ઈંડા ખાવા જોઈએ?

શરીરને ફિટ રહેવા માટે દરરોજ 50-60 ગ્રામ પ્રોટીનની જરૂર હોય છે. આ માટે માત્ર ઈંડા જ નહીં પરંતુ અન્ય પ્રોટીનયુક્ત વસ્તુઓનું સેવન કરવું જરૂરી છે. જો તમે પ્રોટીનથી ભરપૂર અન્ય વસ્તુઓ પણ ખાઓ છો, તો તમે આખા દિવસમાં 2-3 ઈંડા ખાઈ શકો છો.

તમે ઇચ્છો તો સવારે 2 ઇંડા અને સાંજે 1 ઇંડા ખાઈ શકો છો. નાસ્તામાં 2 થી વધુ ઈંડા ખાવાથી સમસ્યા થઈ શકે છે. ઈંડામાં સારી માત્રામાં પ્રોટીન જોવા મળે છે. એક ઈંડામાં લગભગ 5 ગ્રામ પ્રોટીન અને 5 ગ્રામ ચરબી હોય છે. જો કે, આ ચરબી મોનોસેચ્યુરેટેડ અને પોલિસેચ્યુરેટેડ ફેટ છે, જે હૃદયને સ્વસ્થ રાખવામાં મદદ કરે છે. જો કે, મોટી માત્રામાં ઇંડા ખાવાથી પણ નુકસાન થઈ શકે છે. દરરોજ પ્રોટીનની ઉણપ માત્ર ઇંડા ખાવાથી પૂરી ન કરવી જોઈએ.

વધુ ઈંડા ખાવાથી વધુ પ્રોટીન બનશે અને પ્રોટીનને પચાવવા માટે તેટલા એન્ઝાઈમ નથી હોતા. તેનાથી કિડની પર ભાર વધી શકે છે. આવી સ્થિતિમાં, કિડનીને વિષાક્ત પદાર્થોને દૂર કરવા માટે વધુ મહેનત કરવી પડશે.

આ એન્ઝાઈમ લીવર પર અસર કરવા લાગે છે. વધુ ઇંડા ખાવાથી શરીરને વધુ વિટામિન A મળે છે, જે ઉંમર સાથે ઓસ્ટિયોપોરોસિસનું જોખમ બનાવે છે.