Heart Attack Signs: આ સંકેતો હોઈ શકે છે હાર્ટ એટેકની નિશાની, જો તેને અવગણી તો જીવ પણ જઈ શકે છે

સ્વાસ્થ્ય નિષ્ણાતોના મતે હાર્ટ એટેક ક્યારેય અચાનક આવતો નથી. તેના આવવાના ત્રણ-ચાર મહિના પહેલા જ શરીરમાં અનેક પ્રકારના સંકેતો દેખાવા લાગે છે.તે સંકેતોને સમજવાથી તેનાથી બચી શકાય છે.

હાર્ટ એટેક આવતા પેહલા તેના સંકેતો

Source : Freepik

Heart Attack Sign : આજકાલ હાર્ટ એટેક એ એક સામાન્ય સમસ્યા બની ગયો છે. દરેક ઉંમરના લોકો તેનો શિકાર બની રહ્યા છે. તે એટલો અચાનક આવે છે કે હોસ્પિટલ પહોંચવાનો સમય જ નથી રહેતો અને જીવ જતો રહે છે. આવી સ્થિતિમાં, મોટાભાગના લોકો માને છે કે હાર્ટ એટેક અચાનક આવી શકે છે, જેને ટાળવું અશક્ય છે, પરંતુ એવું નથી.

સ્વાસ્થ્ય નિષ્ણાતોના મતે હાર્ટ એટેકના ત્રણ-ચાર મહિના પહેલા શરીરમાં કેટલાક સંકેતો દેખાવા લાગે છે. આમાંથી કેટલાકને અવગણવું ખતરનાક બની શકે છે. આ લક્ષણોને ક્યારેય હળવાશથી ન લેવા જોઈએ.

હાર્ટ એટેકના આ સંકેતોને ક્યારેય અવગણશો નહીં

1. ભૂખ ન લાગવી
હેલ્થ એક્સપર્ટના મતે હાર્ટ એટેકના ત્રણ-ચાર મહિના પહેલા ભૂખ ઓછી લાગવા લાગે છે અને ખાવાનું મન થતું નથી. એ વસ્તુઓ ખાવાનું મન નથી થતું જેનાથી પહેલા મોઢામાં પાણી આવતું હતું. તેનું કારણ એ છે કે જ્યારે હૃદયમાં કોઈ પણ પ્રકારની સમસ્યા હોય છે, ત્યારે લીવર ખોરાકને યોગ્ય રીતે પચાવવામાં સક્ષમ નથી. જેના કારણે પેટમાં ગેસ બનવા લાગે છે અને પેટ ફૂલેલું કે ભરેલું લાગે છે.

2. થોડું ચાલતી વખતે પણ શ્વાસ લેવામાં તકલીફ
ડૉક્ટરના કહેવા પ્રમાણે, જો તમને લગભગ 500 મીટરનું અંતર ચાલ્યા પછી અથવા બે-ત્રણ સીડીઓ ચડ્યા પછી પણ શ્વાસ લેવામાં તકલીફ થવા લાગે છે, અને તમને લાગે છે કે આગળ વધવું મુશ્કેલ છે, તો તમારે સાવચેત રહેવું જોઈએ. એટલું જ નહીં સામાન્ય કરતાં વધુ પરસેવો પણ હાર્ટ એટેકનો સંકેત હોઈ શકે છે.

3. સૂતી વખતે જડબામાં દુખાવો
હેલ્થ એક્સપર્ટ્સનું કહેવું છે કે જો રાત્રે સૂતી વખતે કોઈ પણ સમયે જડબામાં કે ડાબા ખભામાં અચાનક દુખાવો થાય તો તે હૃદયની કોઈ સમસ્યાનો સંકેત હોઈ શકે છે. આને અવગણવું જોઈએ નહીં, વ્યક્તિએ તરત જ ડૉક્ટર પાસે જવું જોઈએ.

હાર્ટ એટેકથી બચવા શું કરવું
જો આમાંના કોઈપણ લક્ષણો દેખાય તો તરત જ ડૉક્ટર પાસે જાઓ અને તેમની સાથે વાત કરો. સમયસર સારવાર મેળવીને હાર્ટ એટેકનું જોખમ ઘટાડી શકાય છે. આ સિવાય નિયમિત રીતે ઓછામાં ઓછી 45 મિનિટ વોક કરો. વધુ પડતા તેલ અને મસાલા ખાવાનું ટાળો. તમારા હૃદયને બને તેટલું સ્વસ્થ બનાવો.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે તેના સંબંધિત નિષ્ણાતની સલાહ અચૂક લેવી જોઈએ.