![ABP Premium](https://cdn.abplive.com/imagebank/Premium-ad-Icon.png)
Lemon Water Side Effects: આ લોકોએ ન પીવું જોઇએ લીંબુ પાણી, જાણો શું કહે છે એક્સપર્ટ
Lemon Water Side Effects: ઉનાળો આવી ગયો છે અને આ ઋતુમાં લોકો ડિહાઈડ્રેશનની સમસ્યાથી બચવા માટે વધુ લીંબુ પાણી પીવે છે
![Lemon Water Side Effects: આ લોકોએ ન પીવું જોઇએ લીંબુ પાણી, જાણો શું કહે છે એક્સપર્ટ Lemon Water Side Effects: Beware of these side effects of lemon water Lemon Water Side Effects: આ લોકોએ ન પીવું જોઇએ લીંબુ પાણી, જાણો શું કહે છે એક્સપર્ટ](https://feeds.abplive.com/onecms/images/uploaded-images/2024/04/05/ab746df776fd5788134965a7c9eef878171230919215874_original.jpg?impolicy=abp_cdn&imwidth=1200&height=675)
Lemon Water in Summer: ઉનાળો આવી ગયો છે અને આ ઋતુમાં લોકો ડિહાઈડ્રેશનની સમસ્યાથી બચવા માટે વધુ લીંબુ પાણી પીવે છે. ગરમીથી બચવા ઉપરાંત મોટાભાગના લોકો લીંબુ પાણી એટલા માટે પણ પીવે છે કારણ કે તે વજન ઘટાડવામાં મદદ કરે છે. અલબત્ત, લીંબુ પાણી સ્વાસ્થ્ય માટે ફાયદાકારક છે પરંતુ કેટલાક લોકો માટે તે સમસ્યાઓનું કારણ બની શકે છે. નિષ્ણાતો કહે છે કે વધુ પડતું લીંબુ પાણી સ્વાસ્થ્યને પણ નુકસાન પહોંચાડે છે.
નિષ્ણાંત તબીબે જણાવ્યું હતું કે એન્ટી એજિંગ હોય કે વજન ઘટાડવાની વાત હોય, લોકો હંમેશા લીંબુ પાણી પર આધાર રાખે છે. લીંબુમાં વિટામિન સી, ઝિંક અને ફોલિક એસિડ મળી આવે છે, જે આપણી રોગપ્રતિકારક શક્તિને મજબૂત કરે છે. દરેક સારી વસ્તુના ગેરફાયદા પણ હોય છે. આ જ નિયમ લીંબુ પાણી પર પણ લાગુ પડે છે. ચાલો જાણીએ કે કયા લોકોએ લીંબુ પાણીથી બચવું જોઈએ.
દાંતને નુકસાન
નિષ્ણાતોનું કહેવું છે કે રોજ મોટી માત્રામાં લીંબુ પાણી પીવાથી દાંત પર વિપરીત અસર થાય છે. લીંબુમાં સાઇટ્રિક એસિડની માત્રા વધુ હોય છે, તેથી તમારા દાંતમાં સેન્સ્ટિવિટીની સમસ્યા થઈ શકે છે. વધુ પડતા લીંબુ પાણીથી પણ દાંતના કેઇનેમલને અસર થાય છે.
એસિડિટી થાય છે
જે લોકો પહેલાથી જ ગેસ કે એસિડિટીની સમસ્યાથી પરેશાન હોય તેમણે લીંબુ પાણી પીવાનું ટાળવું જોઈએ. તેમાં સિટ્રિક એસિડનું પ્રમાણ વધુ હોવાથી એસિડિટી વધવાનું જોખમ રહેલું છે. જેમને એસિડિટીની સમસ્યા હોય તેમણે ખાલી પેટ લીંબુ પાણી ન પીવું જોઈએ.
કિડની પર અસર
ડોક્ટરોએ કહ્યું કે જો કોઈને કિડની સંબંધિત કોઈ સમસ્યા હોય તો પણ તેણે ખાલી પેટે લીંબુ પાણી પીવાનું ટાળવું જોઈએ. આ કારણે તમારી કિડની પર વધારાનું દબાણ આવી શકે છે. તેથી, ધ્યાનમાં રાખો કે ક્રોનિક કિડની રોગથી પીડિત લોકોએ ખાલી પેટ લીંબુ પાણી પીવું જોઈએ નહીં.
આ સિવાય વધુ માત્રામાં લીંબુ પાણી પીવાથી પણ માથાનો દુખાવો થઈ શકે છે. તેમાં ટાયરામિન નામનું અમિનો એસિડ જોવા મળે છે, જેના કારણે આપણા મગજમાં લોહી ઝડપથી પહોંચે છે અને માઈગ્રેન સંબંધિત સમસ્યાઓ ઊભી કરે છે.
Check out below Health Tools-
Calculate Your Body Mass Index ( BMI )
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)