Work From Home: કોરોનાના નવા પ્રકારે ભારતમાં વધારી ચિંતા, કંપનીઓએ ફરી 'વર્ક ફ્રોમ હોમ' પર વિચારણા શરૂ કરી
Work From Home Return 2022: જો તમે પહેલા પણ કોરોના સમયમાં ઘરેથી જ ઓફિસનું કામ કર્યું છે, તો તમારે ફરી એકવાર તેના માટે તૈયાર રહેવાની જરૂર છે. બની શકે કે તમને ઓફિસ ફરીથી ઘરેથી કામ કરવાનું કહી શકે છે
Work From Home Return 2022: જો તમે પહેલા પણ કોરોના સમયમાં ઘરેથી જ ઓફિસનું કામ કર્યું છે, તો તમારે ફરી એકવાર તેના માટે તૈયાર રહેવાની જરૂર છે. બની શકે કે તમને ઓફિસ ફરીથી ઘરેથી કામ કરવાનું કહી શકે છે. આ વખતે પણ તેની પાછળનું કારણ કોરોના મહામારી છે. તાજેતરમાં ચીન સહિત કેટલાક દેશોમાં, કોરોનાવાયરસના નવા પ્રકારને કારણે, ફરીથી આવું થવાની સંભાવના છે.
કર્મચારીઓમાં ચિંતા
કોરોના વાયરસના નવા બીએફ 7 વેરિઅન્ટ (BF7 Variant)ના દુનિયામાં વધતા કેસો વચ્ચે ભારતમાં પણ આ નવી લહેરને લઈને ચિંતા વધી છે. કોવિડ - 19ના સંક્રમણથી બચવા ભારતીય ઉધોગ જગત સતર્ક બની ગયું છે. દેશની ઘણી કંપનીઓ ફરી એક વાર વર્ક ફ્રોમ હોમનો વિકલ્ય આપવાનો વિચાર કરી રહી છે. જો દેશમાં કોરોનાનું સંક્રમણ વધતા હાલત બગડશે તો ઘરેથી કામ કરવાનો વિકલ્પ આપવો કે નહીં તેના પણ કંપનીઓ અત્યારથી જ વિચાર કરી રહી છે. દેશમાં ટુરીઝમ, પ્રવાસન, હોસ્પિટાલિટી, રિયલ એસ્ટેટ ક્ષેત્રની કંપનીઓ તેના કર્મચારીઓને ઘરેથી કામ આપી શકે છે.
જીવનશૈલી પર અસર
કોવિડએ આપણી જીવનશૈલી ઘણી હદે બગાડી દીધી છે. કોવિડ સમયે, દેશની ઘણી મોટી કંપનીઓએ તેમના કર્મચારીઓને ઘરેથી કામ આપવાનું શરુ કર્યું હતું. વર્ક ફ્રોમ હોમ દરમિયાન કલાકો સુધી લેપટોપ-કોમ્પ્યુટરની સામે બેસી રહેવાને કારણે કર્મચારીઓને ઘણી શારીરિક સમસ્યાઓ (વર્ક ફ્રોમ હોમ સાઇડ ઇફેક્ટ્સ) થવા લાગી. કોરોનાની મહામારી કારણે એપ્રિલ 2020થી 2 વર્ષ દરમિયાન, ઘણી કંપનીઓએ કર્મચારીઓને ઘરેથી કામ કરવાનું કહ્યું હતું, પરંતુ કોવિડની પરિસ્થિતિમાં સુધારો થયા પછી, છેલ્લા કેટલાક સમયથી કર્મચારીઓને ઓફિસ જવાની તક મળી હતી.
મુસાફરો માટે ફરજિયાત કોવિડ ટેસ્ટ
કેન્દ્ર સરકારે ગયા અઠવાડિયાથી જ દિલ્હી ઇન્ટરનેશનલ એરપોર્ટ (IGI એરપોર્ટ) ઉપર ચીન, જાપાન, દક્ષિણ કોરિયા, હોંગકોંગ અને થાઇલેન્ડથી આવતા તમામ મુસાફરો માટે ફરીથી કોવિડ -19 પરીક્ષણ ફરજિયાત બનાવ્યું છે. કોવિડના સમાચાર એવા સમયે આવ્યા છે જ્યારે વૈશ્વિક મંદીના ભયને કારણે કંપનીઓ પહેલેથી જ નવી ભરતી નથી કરી રહી. તેવામાં આ વેરિઅન્ટ(BF7 Variant) ભારતમાં આગળ કેવું સ્વરૂપ લેશે એ જોવાનું રહ્યું.
Check out below Health Tools-
Calculate Your Body Mass Index ( BMI )
ટોપ સ્ટોરી
ટ્રેન્ડિંગ સમાચાર
