News year Holidays: ભારતના આ ખાસ સ્થળો, તમારા નવા વર્ષને બનાવશે વધુ ખાસ

વર્ષના આ છેલ્લા મહિનામાં 20 ડિસેમ્બર પછી પર્વતીય વિસ્તારોમાં હિમવર્ષા શરૂ થાય છે, સાથે જ નવું વર્ષ શરુ થવામાં ફક્ત ગણતરીના દિવસો જ બાકી હોવાથી આ સમય દરમિયાન લોકો ફરવાનું પસંદ કરતા હોય છે.

પર્યટન સ્થળો

વર્ષના આ છેલ્લા મહિનામાં 20 ડિસેમ્બર પછી પર્વતીય વિસ્તારોમાં હિમવર્ષા શરૂ થાય છે, સાથે જ નવું વર્ષ શરુ થવામાં ફક્ત ગણતરીના દિવસો જ બાકી હોવાથી આ સમય દરમિયાન લોકો ફરવાનું પસંદ કરતા હોય છે. હિમવર્ષા દરમિયાન પહાડી વિસ્તારો પરીયોની કહાનીની જેમ ખૂબ જ સુંદર અને નયન રમ્ય લાગે છે. નાતાલના સમયે મોટાભાગના પહાડી વિસ્તારોમાં હિમવર્ષા શરૂ થાય છે. આવી સ્થિતિમાં બરફથી ઢંકાયેલા ઊંચા પહાડો, દૂર દૂરથી દેખાતો બરફ અને થીજી ગયેલી નદીઓ જોઈને ખૂબ જ સુંદર લાગે છે.

આ સિવાય પણ એવી ઘણી જગ્યાઓ છે જે આ સમયે ખૂબ જ સુંદર લાગે છે, તો જો તમે પણ આ નવા વર્ષ નિમિત્તે કોઈ ખાસ સ્થળની મુલાકાત લેવાનું વિચારી રહ્યા છો, તો આજે અમે તમને એવી કેટલીક જગ્યાઓ વિશે જણાવવા જઈ રહ્યા છીએ. એવી જગ્યાઓ છે જ્યાં નવા વર્ષ નિમિત્તે ફરવા જઈ શકો છો.

કુમારકોમ

કુમારકોમ કેરળનું એક નાનું અને સુંદર શહેર છે જે વેમ્બનાદ તળાવના કિનારે આવેલું છે. દક્ષિણ ભારતમાં નાતાલનો તહેવાર ખૂબ જ ધામધૂમથી ઉજવવામાં આવે છે. આવી સ્થિતિમાં કેરળમાં સ્થિત કુમારકોમ નવા વર્ષની ઉજવણી માટે યોગ્ય સ્થળ સાબિત થઈ શકે છે.

બિનસાર

ઉત્તરાખંડમાં સ્થિત બિનસાર વિશે હજુ ઘણા લોકો જાણતા નથી. જો તમે દિલ્હીથી બિનસર જઈ રહ્યા છો તો રોડ ટ્રીપ દ્વારા અહીં પહોંચવામાં તમને 8 થી 9 કલાકનો સમય લાગશે. ક્રિસમસ બાદ અહીં હિમવર્ષા થાય છે. અહીંથી નંદા દેવી શિખરનો નજારો ખૂબ જ સુંદર છે.

ગોવા 

જો તમને ઠંડી વધુ પસંદ નથી, નવા વર્ષની ઉજવણી કરવા માટે ગોવા પણ જઈ શકો છો. ક્રિસમસ અને નવા વર્ષ દરમિયાન અહીં ઘણી બધી પાર્ટીઓનું આયોજન કરવામાં આવતું હોઈ  છે. જો તમને પાર્ટી કરવી ખૂબ ગમે છે, તો એન્જોય કરવા ગોવા તમારા માટે યોગ્ય સ્થળ સાબિત થઈ શકે છે. ગોવામાં ક્રિસમસ અને નવું વર્ષ પણ ખૂબ જ ધામધૂમથી ઉજવવામાં આવે છે.

બરોગ 

બરોગ એ હિમાચલ પ્રદેશના ઑફબીટ સ્થળોમાંનું એક છે. ક્રિસમસના તહેવાર પછી અહીં હિમવર્ષા થાય છે, તેથી આ સ્થળ તમારા માટે ક્રિસમસ અને નવા વર્ષની ઉજવણી માટે યોગ્ય સાબિત થઈ શકે છે. બરોગનું રેલ્વે સ્ટેશન પણ પ્રખ્યાત છે. બરોગના રેલ્વે સ્ટેશનનો યુનેસ્કોની વર્લ્ડ હેરિટેજ સાઈટમાં તેનો સમાવેશ કરવામાં આવેલ હોવાથી તે પ્રખ્યાત છે.

શ્રીનગર

કાશ્મીરને ધરતીનું સ્વર્ગ પણ કહેવાય છે. અહીં તમે કોઈપણ સિઝનમાં ફરવા જઈ શકો છો. પરંતુ જો તમે ક્રિસમસ અને નવા વર્ષની ઉજવણી કરવા જઈ રહ્યા છો તો આ સમય તમારા માટે હંમેશા માટે યાદગાર બની રહેશે. અહીં ઉંચા બરફીલા પહાડો, દાલ સરોવર અને વૃક્ષો પર થીજી ગયેલો બરફ જોવાનો એક અલગ જ અનુભવ તમને આ સમયગાળા દરમિયાન થઇ શકે છે. દર વર્ષે ક્રિસમસ અને નવા વર્ષ દરમિયાન અહીં વિન્ટર કાર્નિવલનું પણ આયોજન કરવામાં આવતું હોઈ છે.