Video: આઇસક્રીમ ઢોસા પછી... મટકા ઢોસાએ સૌને ચોંકાવી દીધા, યુઝર્સે કહ્યું FIR ક્યાં નોંધાવવી?

Viral Video: સોશિયલ મીડિયા પર એક વીડિયો સામે આવ્યો છે. જેમાં એક સ્ટ્રીટ ફૂડ વેન્ડર પનીરમાં કેપ્સિકમ અને મેયોનીઝ મિક્સ કરીને મટકા ઢોસા બનાવતો જોવા મળે છે. જેને જોઈને યુઝર્સનો રોષ ફાટી નીકળ્યો છે.

પ્રતિકાત્મક તસવીર

Matka Dosa Viral Video: આ દિવસોમાં ખાવાના શોખીન ઘણા લોકો અદ્ભુત ખાદ્ય પદાર્થોની શોધ કરતા જોવા મળી રહ્યા છે. દેશભરના દરેક શહેરમાં લોકોને વિવિધ પ્રકારની વાનગીઓ ગમે છે. જેમાં સ્ટ્રીટ ફૂડ સૌથી વધુ પસંદ કરવામાં આવે છે. જ્યાં કેટલાક લોકો પાણીપુરી માટે ક્રેઝી જોવા મળે છે. બીજી બાજુ, કેટલાક હંમેશા નવા પ્રકારના ખોરાકની શોધમાં હોય છે. સ્ટ્રીટ ફૂડ વિક્રેતાઓ લોકોની આ વિવિધ પ્રકારની શોધને પૂર્ણ કરવા માટે અનોખા પ્રયોગો કરતા રહે છે.

#MatkaDosa. pic.twitter.com/Jg5K03uFzT

— Deepak Prabhu/दीपक प्रभु (@ragiing_bull) March 14, 2023

મટકા ઢોંસાનો ક્રેઝ

તાજેતરના સમયમાં આપણે બધાએ સ્ટ્રીટ ફૂડના વિક્રેતાઓને એક નવું ફ્યુઝન ફૂડ બનાવવા માટે બે અલગ અલગ પ્રખ્યાત વાનગીઓને એકસાથે ભેળવતા જોયા છે. ઘણીવાર આવા કિસ્સાઓમાં પ્રયોગ નિષ્ફળ ગયો હોય તેવું પણ બને છે. કારણ કે આ ખાદ્યપદાર્થો સોશિયલ મીડિયા પર સંપૂર્ણપણે નકારી કાઢવામાં આવે છે. તાજેતરના સમયમાં મેગી, મિલ્કશેક, આઈસ્ક્રીમ અને ચા સાથે આવા ઘણા પ્રયોગો થયા છે અને થાય છે. હાલમાં ડોસા સાથેનો પ્રયોગ આ દિવસોમાં દરેકનું ધ્યાન આકર્ષિત કરી રહ્યો છે. જેમાં એક સ્ટ્રીટ વેન્ડર મટકા ઢોસા બનાવતો જોવા મળે છે.

મટકા ડોસાનો વીડિયો વાયરલ

આ વાયરલ વીડિયોને દીપક પ્રભુ નામના યુઝરે ટ્વિટર પર પોસ્ટ કર્યો છે. આ વીડિયોમાં એક સ્ટ્રીટ ફૂડ વેન્ડર ડોસા બનાવતો જોવા મળી રહ્યો છે. જેના માટે તે પહેલા પનીર, ડુંગળી, કેપ્સીકમ અને ટામેટાને પુષ્કળ બટરમાં ફ્રાય કરે છે. જે બાદ તે તેમાં ચટણી મિક્સ કરે છે. તે પછી, તે વ્યક્તિ વાસણમાં મેયોનેઝ નાખીને તેમાં સમારેલી કોબી અને ચીઝ ઉમેરીને ઢોસા બનાવે છે. ઢોસા બનાવ્યા પછી, તે તેને શંકુના આકારમાં એક વાસણમાં ગોઠવે છે અને તેના પર ઘણી બધી વસ્તુઓ રેડે છે.

યુઝર્સ ભરાયા ગુસ્સે

હાલમાં આ વીડિયો સોશિયલ મીડિયા પર તમામ યૂઝર્સનું ધ્યાન પોતાની તરફ ખેંચી રહ્યો છે. જેને આ સમાચાર લખાય ત્યાં સુધી 72 હજારથી વધુ વખત જોવામાં આવી ચુક્યા છે. બીજી તરફ વીડિયો જોઈને યુઝર્સ આ રીતે ફૂડ સાથેના પ્રયોગને એટ્રોસિટી ગણાવી રહ્યા છે. એક યુઝરે કોમેન્ટ કરીને લખ્યું કે, આ પ્રકારના ફૂડ સામે એફઆઈઆર ક્યાં નોંધાવી શકાય. તે જ સમયે યુઝર્સ સતત આ પ્રકારના ફૂડ ફ્યુઝનની ટીકા કરતા જોવા મળી રહ્યા છે. હાલમાં એવા કેટલાક યુઝર્સ છે જે ખરેખર આવા અદ્ભુત ખોરાકનો આનંદ માણવા માંગે છે.