અમદાવાદ: કુબેરનગર વોર્ડની પુનઃ મતગણતરીનું આવ્યું પરિણામ, આ ઉમેદવારનો થયો વિજય

સુપ્રીમકોર્ટના આદેશ બાદ થયેલી કુબેરનગર વોર્ડની પુનઃ મતગણતરીનું પરિણામ આવી ગયું છે. એક વર્ષ અગાઉ થયેલી ચૂંટણીઓ સમયે જીત બાદ હારેલા કોંગ્રેસના ઉમેદવારે સુપ્રીમકોર્ટના દ્વાર ખખડાવ્યા હતા.

પ્રતિકાત્મક તસવીર

અમદાવાદ: સુપ્રીમકોર્ટના આદેશ બાદ થયેલી કુબેરનગર વોર્ડની પુનઃ મતગણતરીમાં ભાજપના કાઉન્સિલર પદે ગીતાબા ચાવડાનો વિજય થયો છે. એક વર્ષ અગાઉ થયેલી મહાનગરપાલિકાની ચૂંટણીઓ સમયે જીત બાદ હારેલા કોંગ્રેસના ઉમેદવાર જગદીશ મોહનાનીએ સુપ્રીમકોર્ટના દ્વાર ખખડાવ્યા હતા. અરજદારની તરફેણમાં આવેલ ચુકાદા અનુસાર શનિવારે કુબેરનગર વોર્ડની પુનઃ મતગણતરી હાથ ધરવામાં આવી હતી. કુલ દસ તબક્કામાં હાથ ધરવામાં આવેલી મત ગણતરીમાં નવમા રાઉન્ડ સુધી જગદીશ મોહનાની 178 મતથી આગળ હતા. દસમા રાઉન્ડમાં ગીતાબા ચાવડાએ 662 મતથી હાર આપી. અરજદારની માંગણી હતી કે એક વાર વિજેતા જાહેર થયા બાદ તેમને ચૂંટણીપંચે હરીફ કઈ રીતે જાહેર કર્યા અને તેની સાથે એક વોર્ડમાં ત્રણ મહિલા અને એક પુરુષ કાઉનસીલર હોવા નિયમ વિરુદ્ધ છે. જે અંગે હવે હારેલા ઉમેદવાર વકીલોની સલાહ લઈને આગળ વધશે.

આ તરફ ચૂંટણી અધિકારી વી.એમ.ઠકકરએ ચૂંટણીના પરિણામ જાહેર થયા બાદ ભાજપના જ કાઉન્સિલર ગીતાબાને પુનઃ વિજયી જાહેર કર્યા અને પરિણામ યથાવત હોવાની જાહેરાત કરી. ચૂંટણી અધિકારીના મત અનુસાર આવશક્યતા નથી કે એક વોર્ડમાં બે પુરુષ અને બે મહિલાઓ હોવા જોઈએ. અનેક સંજોગોમાં ચાર ઉમેદવારોની પેનલમાં મહિલાઓ વિજયી બને તેવા સંજોગોમાં મહિલાઓની પેનલ બની શકે છે.

અમદાવાદ પોલીસનો મોટો નિર્ણય, લોકોને ટ્રાફિક સિગ્નલમાંથી મળશે મુક્તિ
Ahmedabad Traffic Police: હાલમાં સમગ્ર રાજ્યનાં કાળઝાળ ગરમી પડી રહી છે. એવામાં જો કોઈ કામસર આપણે શહેરમાં બાઈક કે કારમાં નિકળીને ત્યારે જો સિગ્નલ બંધ હોય તો આગ ઓકતા તડકામાં ઉભા રહેવું પડે છે. આ દરમિયાન જો બાઈક પર નાનું બાળક કે કોઈ વૃદ્ધ વ્યક્તિ હોય તો તેમને આ આકરા તાપમાં ઉભા રહેવામાં ઘણી મુશ્કેલી પડે છે. આવી સ્થિતિમાં અમદાવાદ પોલીસ દ્વારા આપ સૌને કાળઝાળ ગરમીથી બચાવવાની પહેલ કરી છે. અમદાવાદમાં 2 દિવસની ટ્રાયલ માટે બપોરે 1 વાગ્યાથી સાંજે 4 વાગ્યા સુધી 60 સિગ્નલ બંધ રાખવામો અમદાવાદ પોલીસે નિર્ણય લીધો છે. પોલીસે કહ્યું કે, જો અમને આ ટ્રાયલમાં સફળતા મળશે, તો ઉનાળાના અંત સુધી આખા રાજ્યમાં સમાન પ્રક્રિયા લાગુ કરવામાં આવશે. આ અંગે રાજ્યના ગૃહમંત્રી હર્ષ સંઘવીએ પણ ટ્વીટ કરી માહિતી આપી છે.

પ્રજા પર મોંઘવારીનો વધુ એક માર, LPG સિલિન્ડરની કિંમતમાં આટલો કરાયો વધારો

LPG Cylinder Price Hike: દેશમાં પહેલાથી જ મોંઘવારીથી પરેશાન સામાન્ય માણસને વધુ એક ઝટકો આપ્યો છે. ઘરેલુ એલપીજી સિલિન્ડરની કિંમતમાં આજથી 50 રૂપિયાનો વધારો થયો છે. ઘરેલુ એલપીજી સિલિન્ડરની નવી કિંમત હવે 999.50 રૂપિયા પ્રતિ સિલિન્ડર થશે. એલપીજી સિલિન્ડરની વધેલી કિંમત આજથી જ આખા દેશમાં લાગુ થઈ ગઈ છે. એલપીજી સિલિન્ડરની કિંમત એવા સમયે વધી છે જ્યારે સામાન્ય માણસ પેટ્રોલ અને ડીઝલની મોંઘવારીનો સામનો કરી રહ્યો છે.