એક સમયે ગુજરાતમાં આ જિલ્લા હતા ગ્રીન ઝોનમાં, અત્યારે શું છે કોરોનાની સ્થિતિ? જાણો વિગત

એક સમયે ગ્રીન ઝોનમાં સમાવાયેલા આ જિલ્લાઓની વાત કરીએ તો આ પાંચ જિલ્લામાં હાલ, કુલ 620 એક્ટિવ કેસો છે. જ્યારે અત્યાર સુધીમાં 31 લોકોના કોરોનાથી મોત થયા છે.

અમદાવાદઃ સૌરાષ્ટ્રમાં છેલ્લા કેટલાય દિવસોથી કોરોનાનું સંક્રમણ સતત વધી રહ્યું છે. ગુજરાતમાં કોરોનાની શરૂઆત થઈ ત્યારે સૌરાષ્ટ્રમાં કોરોનાનું સંક્રમણ ખૂબ જ ઓછું હતું. એટલું જ નહીં, કેન્દ્ર સરકાર દ્વારા ગુજરાતમાં ગ્રીન, ઓરેન્જ અને રેડ ઝોનની જાહેરાત કરી, ત્યારે તેમાં તમામ ગ્રીન ઝોન સૌરાષ્ટ્રના હતા. આ ગ્રીન ઝોનમાં પોરબંદર, મોરબી, જૂનાગઢ, દેવભૂમિ દ્વારકા અને અમરેલીનો સમાવેશ થાય છે. એક સમયે અમદાવાદમાં કોરોનાએ કેર વર્તાવ્યો ત્યારે આ જિલ્લાઓમાં કોરોનાના કેસો નહોતા અથવા તો ખૂબ જ ઓછા હતા. એક સમયે ગ્રીન ઝોનમાં સમાવાયેલા આ જિલ્લાઓની વાત કરીએ તો આ પાંચ જિલ્લામાં હાલ, કુલ 620 એક્ટિવ કેસો છે. જ્યારે અત્યાર સુધીમાં 31 લોકોના કોરોનાથી મોત થયા છે. તેમજ કુલ 1040 લોકોએ કોરોનાને મ્હાત આપી છે. આ જિલ્લામાંથી સૌથી વધુ એક્ટિવ કેસો જૂનાગઢમાં 214 છે. આ પછી ગીર સોમનાથમાં 175 અને અમરેલીમાં 161 કોરોનાના એક્ટિવ કેસો છે. જ્યારે સૌથી ઓછા પોરબંદરમાં 11 અને પછી મોરબીમાં 59 એક્ટિવ કેસો છે.

District Name	Active Positive Cases	Cases Tested for COVID19	Patients Recovered	People Under Quarantine	Total Deaths
Amreli	161	11420	186	36065	8
Gir Somnath	175	7804	144	10562	4
Junagadh	214	20977	543	16809	11
Morbi	59	7079	136	591	6
Porbandar	11	5153	31	2174	2
Total	620	52433	1040	66201	31