રેલવેની સુપર એપ SwaRail ટૂંક સમયમાં થશે લોન્ચ, એક જ જગ્યાએ મળશે ઘણી સુવિધાઓ, જાણો કેમ છે ખાસ
ભારતીય રેલવે ટૂંક સમયમાં તેની સુપર એપ SwaRail લોન્ચ કરવા જઈ રહી છે. આ એપનું બીટા ટેસ્ટિંગ કરવામાં આવી રહ્યું છે અને તેને ગૂગલ પ્લે સ્ટોર પર પણ લિસ્ટ કરવામાં આવ્યું છે.
ભારતીય રેલવે ટૂંક સમયમાં તેની સુપર એપ SwaRail લોન્ચ કરવા જઈ રહી છે. આ એપનું બીટા ટેસ્ટિંગ કરવામાં આવી રહ્યું છે અને તેને ગૂગલ પ્લે સ્ટોર પર પણ લિસ્ટ કરવામાં આવ્યું છે. રેલવેની આ સુપર એપમાં તમે એક જ જગ્યાએથી રિઝર્વેશન ટિકિટ, પ્લેટફોર્મ ટિકિટ, અનરિઝર્વ્ડ ટિકિટ બુક કરાવવાથી લઈને રેલવેની તમામ સેવાઓનો લાભ લઈ શકશો. આ સુપર એપમાં રેલવેની ઘણી સેવાઓને એકસાથે જોડવામાં આવી છે, જેના કારણે રેલવે મુસાફરોને એક નવો અનુભવ મળશે.
SwaRail સુપર એપ શું છે ?
ભારતીય રેલવેની આ સુપર એપ CRIS એટલે કે સેન્ટર ફોર રેલવે ઇન્ફોર્મેશન સિસ્ટમ દ્વારા વિકસાવવામાં આવી છે. આ એપમાં, IRCTCનું ઓનલાઈન રિઝર્વેશન પ્લેટફોર્મ RailConnect એપ તેમજ UTS ઓન મોબાઈલને પણ એકીકૃત કરવામાં આવ્યા છે. તમે આ એપ લોન્ચ કરતાની સાથે જ હોમ સ્ક્રીન પર તમને રિઝર્વ્ડ અનરિઝર્વ્ડ અને અનારક્ષિત પ્લેટફોર્મ ટિકિટ બુક કરવાનો વિકલ્પ મળશે. આ સિવાય આ એપમાં તમને ટ્રેનનું લાઇવ રનિંગ સ્ટેટસ, ફૂડ સર્વિસ, PNR પૂછપરછ, કોચની સ્થિતિ, ફૂડ ઓર્ડર, રિફંડ ફાઇલ કરવા જેવા વિકલ્પો મળશે.
આ સુવિધાઓ SwaRail માં ઉપલબ્ધ થશે
રિર્ઝવેશન ટિકિટ બુકિંગ સેવા
બિનઆરક્ષિત અથવા સામાન્ય ટિકિટ બુકિંગ સેવા
પ્લેટફોર્મ ટિકિટ બુકિંગ સેવા
ટ્રેન ચાલવાની સ્થિતિ
કોચ પોઝિશન અને ઓનલાઈન રિઝર્વેશન ચાર્ટ
પાર્સલ સેવા
ફૂડ-ઓન-ટ્રેક અથવા ઇ-કેટરિંગ સેવા
રેલ મદદ (મુસાફરી દરમિયાન કોઈપણ પ્રકારની મદદ)
ઓનલાઈન રિઝર્વેશન કરવા માટે આઈઆરસીટીસીએ 10 વર્ષ પહેલા 2014માં રેલ કનેક્ટ મોબાઈલ એપ લોન્ચ કરી હતી. લોન્ચ કર્યા પછી, વપરાશકર્તા અનુભવને સુધારવા માટે ઘણા અપગ્રેડ કરવામાં આવ્યા હતા. આ એપમાં ઓનલાઈન રિઝર્વેશન ટિકિટ બુક કરવાની સાથે તમે ટિકિટ કેન્સલેશન, ટીડીઆર ફાઈલ, ઈ-ચાર્ટ વગેરેની સુવિધાઓ મેળવી શકો છો. ભારતીય રેલ્વેની નવી સુપર એપ યુઝર એક્સપીરિયન્સને શાનદાર બનાવશે અને સાથે જ એક જગ્યાએ ઈન્ટીગ્રેટેડ સેવાઓ પણ ઓફર કરશે.
ભારતીય રેલવેની આ સુપર એપ યુઝર્સની વિવિધ સેવાઓ માટે અલગ-અલગ એપ રાખવાની જરૂરિયાતને ખતમ કરી દેશે. રેલવે યાત્રીઓ તેમના સ્માર્ટફોન પર આ સિંગલ એપ દ્વારા આ તમામ સુવિધાઓનો લાભ ઉઠાવી શકશે. બીટા ટેસ્ટિંગ યુઝર્સ હાલમાં આ એપ પર ઉપલબ્ધ તમામ સેવાઓનું પરીક્ષણ કરી રહ્યા છે. પરીક્ષણ બાદ તેઓ આ એપનો પ્રતિભાવ શેર કરશે. આ પછી આ એપ ઓફિશિયલી તમામ યુઝર્સ માટે લોન્ચ કરવામાં આવશે.
ટ્રેન્ડિંગ સમાચાર
ટોપ સ્ટોરી
