Digital Rupee: દેશમાં ડિજિટલ રૂપિયો ક્યાંથી અને કેવી રીતે મળશે ? શું છે તેના ફાયદા, જાણો સંપૂર્ણ વિગતો

ડિજિટલ રૂપિયો અથવા ઈ-રૂપી એ નોટ અને સિક્કાનું ડિજિટલ અથવા ઈલેક્ટ્રોનિક સ્વરૂપ છે. ઈ-રૂપિયાની શરૂઆત બાદ હવે તમારે નોટ કે સિક્કા રાખવાની જરૂર નથી.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

How To Buy Digital Rupee Currency In India :  રિઝર્વ બેંક ઓફ ઈન્ડિયા  દ્વારા દેશમાં ડિજિટલ ઈકોનોમીને પ્રોત્સાહન આપવા માટે એક પાયલોટ પ્રોજેક્ટ તરીકે ડિજિટલ રૂપિયો લોન્ચ કરવામાં આવ્યો હતો. RBI દ્વારા લોન્ચ કરાયેલ ડિજિટલ રૂપિયો (e₹-R) દેશમાં દુકાનોમાંથી તમામ પ્રકારની ખરીદી માટે ઉપયોગમાં લેવાય છે. આ ડિજિટલ રૂપિયો લીગલ ટેન્ડર હેઠળ જારી કરવામાં આવ્યો છે. તે ડિજિટલ ટોકન તરીકે કામ કરશે. દેશમાં ઈ-રુપીની સુવિધા નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા પૂરી પાડવામાં આવી રહી છે. NPCI ઈ-રૂપિયાની ચુકવણી માટે QR કોડ પણ જારી કરી રહી છે.

ડિજિટલ રૂપિયો શું છે

ડિજિટલ રૂપિયો અથવા ઈ-રૂપી એ નોટ અને સિક્કાનું ડિજિટલ અથવા ઈલેક્ટ્રોનિક સ્વરૂપ છે. ઈ-રૂપિયાની શરૂઆત બાદ હવે તમારે નોટ કે સિક્કા રાખવાની જરૂર નથી. તમે આ ઈ-રૂપિયાનો ઉપયોગ શોપિંગ કે અન્ય કોઈપણ વ્યવહાર માટે કરી શકો છો. આમાં તમારે ઓનલાઈન ટ્રાન્ઝેક્શન કરવું પડશે. ડિજિટલ રૂપિયો બ્લોકચેન ટેક્નોલોજી પર આધારિત છે.

આ વ્યવહારો હશે

ડિજિટલ મની સાથે, તમે વ્યક્તિ-થી-વ્યક્તિ (P2P) અને વ્યક્તિ-થી-મર્ચન્ટ (P2M) વ્યવહારો કરી શકો છો. તમે તેનો ઉપયોગ કોઈપણ દુકાનમાં કોઈપણ વસ્તુ ખરીદવા માટે કરી શકો છો. તમને દુકાનદારના QR કોડને સ્કેન કરવાનો અને ડિજિટલ વૉલેટમાં જમા કરાયેલા ઈ-રૂપિયા વડે ચુકવણી કરવાનો વિકલ્પ પણ મળે છે.

દેશના કયા શહેરોમાં મળશે ડિજિટલ રૂપિયાની સુવિધા

ભારતીય રિઝર્વ બેંક (RBI) એ પાયલોટ પ્રોજેક્ટની 8 બેંકો પાસે ડિજિટલ રૂપિયા ઉપલબ્ધ કરાવવા વિશે માહિતી આપી છે. જેમાં પ્રથમ તબક્કામાં મુંબઈ, નવી દિલ્હી, બેંગલુરુ અને ભુવનેશ્વરમાં સુવિધા શરૂ થશે. બીજા તબક્કામાં અમદાવાદ, ગંગટોક, ગુવાહાટી, હૈદરાબાદ, ઈન્દોર, કોચી, લખનૌ, પટના અને શિમલામાં ડિજિટલ રૂપિયા ઉપલબ્ધ થશે.

આ બેંકોમાં ડિજિટલ રૂપિયા ઉપલબ્ધ થશે

આ સુવિધા પ્રથમ તબક્કાની 4 બેંકો સ્ટેટ બેંક ઓફ ઈન્ડિયા, ICICI બેંક, યસ બેંક  અને IDFC ફર્સ્ટ બેંક મુંબઈ, નવી દિલ્હી, બેંગલુરુ અને ભુવનેશ્વરમાં ઉપલબ્ધ થશે. બીજા તબક્કામાં, બેંક ઓફ બરોડા (BOI), યુનિયન બેંક ઓફ ઈન્ડિયા (UBI), HDFC બેંક (HDFC) અને કોટક મહિન્દ્રા બેંક (કોટક) દ્વારા ડિજિટલ રૂપિયા ઉપલબ્ધ થશે.

આ રીતે તમે ડિજિટલ મની મેળવી શકો છો

તમે સ્ટેટ બેંક ઓફ ઈન્ડિયા, ICICI બેંક, યસ બેંક અને IDFC ફર્સ્ટ બેંકની એપ અથવા વેબસાઈટ પરથી ડિજિટલ રૂપિયા ખરીદી શકો છો. આ માટે બેંકો દ્વારા ગ્રાહકોના મોબાઈલ અથવા અન્ય કોઈપણ ઉપકરણમાં ડિજિટલ વોલેટ ઉપલબ્ધ કરાવવામાં આવશે. ગ્રાહકો આ ડિજિટલ ચલણ તેમના બેંક વોલેટમાં રાખી શકે છે.