ગાંધીનગરમાં મોડી રાત્રે હિટ એન્ડ રન, કારની ટક્કરે માતા-પુત્રીના મોત
જે કાર ટક્કર મારી ભાગી છૂટી તે કાર જીજ્ઞેશ જયંતિલાલ પટેલના નામની હોવાનું સામે આવ્યું છે.
ગાંધીનગરના ઈન્ફોસિટી નજીક મોડી રાત્રીના હિટ એંડ રનની ઘટના બની હતી. GJ-18-BL-8840 નંબરની કીયા કારનો ચાલક એક્ટિવા સવારને જોરદાર ટક્કર મારીને ફરાર થઈ ગયો હતો. કારની ટક્કરે એક્ટિવામાં સવાર માતા-પુત્રીનું ઘટનાસ્થળે જ ગંભીર ઈજા થતા મૃત્યુ નિપજ્યું હતું. જ્યારે ભાઈનો બચાવ થયો હતો. મૃતક યોગીનીબેન તેના પુત્રી જેમીનીબેન અને પુત્ર સાથે ગાંધીનગરમાં સબંધીને ત્યાં બેસવા ગયા હતાં. જ્યાંથી રાત્રીના પરત ફરી રહ્યા હતા ત્યારે આ અકસ્માતની ઘટના બની હતી. પોલીસે હાલ કાર નંબરના આધારે ચાલકની શોધખોળ શરૂ કરી છે. જે કાર ટક્કર મારી ભાગી છૂટી તે કાર જીજ્ઞેશ જયંતિલાલ પટેલના નામની હોવાનું સામે આવ્યું છે.
કચ્છના સાંસદ વિનોદ ચાવડાના ભાણેજનું શંકાસ્પદ મોત, છાતીમાં ગોળી વાગેલી હાલતમાં કારમાંથી મળ્યો મૃતદેહ
કચ્છઃ કચ્છના સાંસદ વિનોદ ચાવડાના સગા ભાણેજનો મૃતદેહ મળી આવતા ખળભળાટ મચી ગયો હતો. મળતી જાણકારી અનુસાર, નખત્રાણા તાલુકાના કોટડા જડોદર પાસે વાડી વિસ્તારમાં હોન્ડા કારમાંથી 23 વર્ષીય અક્ષય લોનચાનો મૃતેદહ મળી આવ્યો હતો. અક્ષયને છાતીના ભાગે ગોળી વાગી હતી. ઘટનાની જાણ થતા પોલીસ ઘટના સ્થળે પહોંચી હતી. પોલીસને કારમાંથી એક રિવોલ્વર પણ મળી આવી છે. શું અક્ષયે આત્મહત્યા કરી કે પછી તેની હત્યા કરાઈ છે તે દિશામાં પોલીસ તપાસ કરી રહી છે.
પોલીસને અક્ષયના મૃતદેહને પોસ્ટમોર્ટમ માટે મોકલી આપ્યો હતો. પોલીસે ઘટના પાછળનું ચોક્કસ કારણ જાણવા ચક્રો ગતિમાન કર્યા હતા. મૃતક અક્ષય સાંસદ વિનોદ ચાવડાના મોટા બહેનનો પુત્ર છે.કારમાંથી તેનો લોહીલુહાણ હાલતમાં મૃતદેહ મળ્યાની જાણ થતાં જ સાંસદ વિનોદ ચાવડા નખત્રાણા પહોંચ્યા હતા. તાજેતરમાં જ અક્ષય અમેરિકાથી પોતાનો ડોક્ટરીનો અભ્યાસ પૂર્ણ કરી પરત ફર્યો હતો.
ગુજરાતમાં છેલ્લા 24 કલાકમાં કોરોનાના નવા 12 કેસ નોંધાયા
ગુજરાતમાં છેલ્લા 24 કલાકમાં કોરોનાના 12 નવા કેસ સામે આવ્યા છે.રાજ્યમાં હાલ 151 એક્ટિવ કેસ છે અને 4 દર્દી વેન્ટિલેટર પર છે. રાજ્યમાં સાજા થવાનો દર 98.76 ટકા છે.રાજ્યમાં છેલ્લા 24 કલાકમાં 12 દર્દીઓએ કોરોનાને મ્હાત આપી હતી. આરોગ્ય વિભાગના સઘન પ્રયાસોના કારણે 8,15,166 દર્દીઓએ કોરોનાને હાર આપી હતી. આ સાથે રાજ્યનો રિકવરી રેટ 98.76 ટકા જેટલો છે.
ટોપ સ્ટોરી
ટ્રેન્ડિંગ સમાચાર
