Gandhinagar: માલધારી સમાજે કરી આંદોલનની જાહેરાત, કહ્યું- ગોચર ગળી જનારને ડબ્બામાં પૂરવા જરુરી છે

ગાંધીનગર: ગુજરાતમાં ફરી એકવાર આંદોલનના એંધાણ વર્તાઈ રહ્યા છે. એક તરફ શિક્ષકોની કાયમી ભરતી માટે ઉમેદવારો બાયો ચડાવી રહ્યા છે તો બીજી તરફ શુક્રવાર એટલે કે 24 નવેમ્બરથી માલધારીઓ આંદોલન પર ઉતરી રહ્યા છે.

નાગજીભાઈ, પ્રમુખ માલધારી એકતા સમિતી

ગાંધીનગર: ગુજરાતમાં ફરી એકવાર આંદોલનના એંધાણ વર્તાઈ રહ્યા છે. એક તરફ શિક્ષકોની કાયમી ભરતી માટે ઉમેદવારો બાયો ચડાવી રહ્યા છે તો બીજી તરફ શુક્રવાર એટલે કે 24 નવેમ્બરથી માલધારીઓ આંદોલન પર ઉતરી રહ્યા છે.  માલધારી એકતા સમાજના પ્રમુખ નાગજી રબારીએ આજે એક વીડિયો શેર કરી આ જાહેરાત કરી છે.

માલધારી એકતા સમિતિએ આંદોલનનું એલાન કરતા રાજકારણ ગરમાયું છે. તેમણે કહ્યું કે, માલધારી સમાજની લડત ચાલુ થવાની છે તેમાં આ લડત રખડતા પશુઓની નથી. નિર્દોષ લોકોનો અકસ્માતમાં જીવ જાય કે ઈજા થાય અને રોડ પર પશુઓ આવતા હોય તેની નથી. પણ આ લડત બે પગવાળા આખલા શોધવાની છે, જેમને ડબ્બામાં પૂરવા જરૂરી છે, તેઓ ગૌચરની જમીન ગળી ગયા છે.

આવતી કાલથી માલધારી સમાજ આંદોલનનો માર્ગ અપનાવશે. અમદાવાદના બાપુનગરના ભીડભંજન મંદિરે મોટી સંખ્યામાં માલધારી સમાજના આગેવાનો એકઠા થશે. રખડતા ઢોર નિયંત્રણની નવી પોલીસી અને ગોચરને લઈને માલધારી સમાજમાં રોષ જોવા મળી રહ્યો છે. તમને જણાવી દઈએ કે, હાઈકોર્ટની ટકોર બાદ રાજ્ય સરકારે ઢોર નિયંત્રણ પોલીસી જાહેર કરી હતી. જે બાદ શહેરમાં રખડતા પશુઓને પકડવાની કામગીરી વધુ ઝડપી બનાવવામાં આવી છે.

થોડા દિવસ પહેલા અમદાવાદ શહેરના વાડજ વિસ્તારમાં વૃદ્ધને હાર્ટ અટેક આવતા વિવાદ સર્જાયો હતો. મળતી જાણકારી અનુસાર, પશુ પકડવાની ટીમ પહોંચતા વૃદ્ધને હાર્ટ અટેક આવ્યો હોવાનો આરોપ લગાવવામાં આવી રહ્યો છે. મૃતકના પરિવારજનોએ આરોપ લગાવ્યો હતો કે ઢોર પકડો પાર્ટીના ગેરવર્તન અને મારના લીધે જામાભાઈ રબારીને હાર્ટ અટેક આવ્યો હતો. નોંધનીય છે કે માલધારી સોસાયટીમાં પશુઓ પકડવા ટીમ પહોંચી હતી. વાડાના પશુઓને પકડવા ટીમ આવી હોવાનો સ્થાનિકોએ આક્ષેપ કર્યો હતો. આ સમગ્ર મામલે અમદાવાદ મનપાએ તપાસ શરૂ કરી હતી.

આ મામલે અમદાવાદ મનપાની ઓફિસનો માલધારી સમાજે ઘેરાવ કર્યો હતો. માલધારી સમાજના લોકો અમદાવાદ કોર્પોરેશન પહોંચ્યા હતા. માલધારી સમાજના લોકોએ આક્ષેપ કર્યો હતો કે ઢોર પાર્ટી અને પોલીસ હપ્તા લે છે. બીજી તરફ એએમસીએ દાવો કર્યો હતો કે મૃતકને હ્યદયની સમસ્યા હોવાના કારણે હાર્ટ એટેક આવ્યો છે. મૃતકના પરિવારજનોએ ઢોર પાર્ટીના લોકોએ મકાન તોડવાની ધમકી આપી હોવાનો અને તેમના પર હુમલો કર્યાનો પણ આરોપ લગાવ્યો હતો. જવાબદારો સામે કાર્યવાહીની માંગ સાથે માલધારી સમાજના લોકોએ વિરોધ પ્રદર્શન કર્યું હતું.