![ABP Premium](https://cdn.abplive.com/imagebank/Premium-ad-Icon.png)
Accident: નડિયાદ નજીક ટ્રક ટેલર અને રીક્ષા વચ્ચે ગમખ્વાર અકસ્માત, બે મહિલાના મોત, પાંચ ઘાયલ
માહિતી પ્રમાણે, આજે ખેડાના નજીક નજીક આવેલા પીપળાતા પાસે એક ટ્રક ટેલર અને રીક્ષા વચ્ચે ગમખ્વાર અકસ્માત સર્જાયો હતો,
![Accident: નડિયાદ નજીક ટ્રક ટેલર અને રીક્ષા વચ્ચે ગમખ્વાર અકસ્માત, બે મહિલાના મોત, પાંચ ઘાયલ Accident: Two women died in road accident near nadiad with truck and rickshaw Accident: નડિયાદ નજીક ટ્રક ટેલર અને રીક્ષા વચ્ચે ગમખ્વાર અકસ્માત, બે મહિલાના મોત, પાંચ ઘાયલ](https://feeds.abplive.com/onecms/images/uploaded-images/2023/05/09/10c1bda5d452d47e0d49bfa44ea04653168362186909177_original.jpg?impolicy=abp_cdn&imwidth=1200&height=675)
Accident: રાજ્યમાં વધુ એક ગમખ્વાર અકસ્માતની ઘટના સામે આવી છે, મહેસાણા બાદ આજે ખેડામાં પણ ભયાનક અકસ્માત સર્જાયો છે. આજે ખેડા જિલ્લાના નડિયાદ નજીક એક ટ્રક ટેલર અને રિક્ષા વચ્ચે અકસ્માત સર્જાયો છે, જેમાં બે મહિલાના મોત થઇ ગયા છે, અને પાંચથી વધુ લોકો ગંભીર રીતે ઘાયલ થયા છે.
માહિતી પ્રમાણે, આજે ખેડાના નજીક નજીક આવેલા પીપળાતા પાસે એક ટ્રક ટેલર અને રીક્ષા વચ્ચે ગમખ્વાર અકસ્માત સર્જાયો હતો, પીપળાતા હરસિધ્ધિ પાર્ટી પ્લૉટ નજીક સર્જાયેલા આ અકસ્માતમાં બે મહિલાના મોત થયા હતા, અને અન્ય પાંચ લોકો ગંભીર રીતે ઘાયલ થયા હતા, આમાં નાના બાળકો સહિત મોટા લોકો પણ સામેલ છે. હાલમાં આ તમામ ઇજાગ્રસ્તોને તાત્કાલિક ધોરણે 108 મારફતે નડિયાદની સિવિલ હૉસ્પીટલ સારવાર માટે ખસેડવામાં આવ્યા છે.
કહેવાઇ રહ્યું છે કે, ટ્રક ચાલક ડ્રાઇવર અકસ્માત દરમિયાન નશામાં ધૂત હતો અને આ કારણોસર અકસ્માતની ઘટનાને અંજામ મળ્યો હતો, જોકે, અકસ્માત બાદ ગામલોકોએ ટ્રક ડ્રાઇવરને બરાબરનો મેથીપાક ચખાડ્યો હતો.
મહેસાણા-ઉંઝા હાઇવે પર ઇકો કાર ચાલકે એક મહિલા અને બે બાળકોને મારી ટક્કર, મહિલાનું મોત
મહેસાણાઃ મહેસાણાના ભાન્ડુ ગામના પાટીયા પાસે ઇકો કાર ચાલકે એક મહિલા અને બે બાળકોને ટક્કર મારી હતી. મળતી જાણકારી અનુસાર, મહેસાણાના ભાન્ડુ ગામના પાટીયા પાસે ઇકો કાર ચાલકે એક મહિલા અને બે બાળકોને ટક્કર મારતા એક મહિલાનું મોત થયું હતું. ઇકો કારની ટક્કરથી મહિલાનું ઘટના સ્થળે જ મોત થયું હતું જ્યારે બે બાળકોને ગંભીર ઇજાઓ પહોંચી હતી. બાળકોને સારવાર માટે હોસ્પિટલમા ખસેડાયા હતા.
અકસ્માત બાદ મુસાફરો ભરેલી ઇકો કારને મુકીને કાર ચાલક ફરાર થઇ ગયો હતો. ઘટનાને પગલે સ્થાનિકોમાં રોષ ફેલાયો હતો. મહેસાણા જિલ્લામાં વાહન ચાલકો બેફામ હોવાના કારણે આ પ્રકારની ઘટનાઓ બની રહી હોવાના સવાલો ઉઠી રહ્યા છે.
MP: મધ્યપ્રદેશમાં મોટી દૂર્ઘટના, પેસેન્જર ભરેલી બસ પૂલ પરથી નીચે ખાબકી, 15ના મોત, 25 લોકો ઘાયલ
Madhya Pradesh: મધ્યપ્રદેશમાં એક મોટી દૂર્ઘટના ઘટી છે, આજે સવારે એક બસને મોટો અકસ્માત નડ્યો છે, ખરેખરમાં ઘટના એવી છે કે, મધ્યપ્રદેશમાં એક બસ પૂલ પરથી નીચે ખાબકી જતા 15 લોકોના મોત થઇ ગયા છે, આ ઘટનામાં 25થી વધુ લોકો ઘાયલ થવાના પણ સામાચાર સામે આવ્યા છે.
ઘટનાની માહિતી પ્રમાણે, આ ઘટના મધ્યપ્રદેશના ખરગૉન નજીક ઘટી છે, અહીં એક બસ પેસેન્જર લઇને જઇ રહી હતી, આ દરમિયાન ખરગોન નજીક એક પૂલ પરથી બસ અચાનક નીચે પડી ગઇ હતી. આ દરમિયાન બસમાં સવાર 15 લોકોના મોત થઇ ગયા હતા અને 25 લોકોને નાની મોટી ગંભીર ઇજાઓ પહોંચી હતી. આ સમગ્ર ઘટના અંગે ખરગોન એસપી ધર્મવીર સિંહે માહિતી આપતા કહ્યું કે, અહીં હાલમાં એક મોટી ટ્રેજેડી થઇ છે, બસ અકસ્માતમાં 15 લોકોના મોત અને 25 લોકો ઘાયલ થયા છે, ઘાયલોને હૉસ્પીટલમાં સારવાર માટે ખસેડવામાં આવી રહ્યાં છે, અને મૃતકો અને ઘાયલોને દૂર્ઘટના સ્થળ પરથી બહાર કાઢવામાં આવી રહ્યા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)