Gujarat Corona update: ગુજરાતમાં કોરોનાના નવા 165 કેસ નોંધાયા, અમદાવાદમાં સૌથી વધુ કેસ

રાજ્યમાં આજે  નવા 165 કેસ નોંધાયા છે. આ સાથે જ 77 દર્દીઓએ કોરોનાને મ્હાત આપી છે. રાજ્યમાં અત્યાર સુધીમાં કુલ 1214663 દર્દીઓ કોરોનાને મ્હાત આપી ચુક્યાં છે.

પ્રતિકાત્મક તસવીર

ગુજરાતમાં કોરોના વાયરસના કેસમાં ફરી એક વખત વધારો થયો છે. રાજ્યમાં આજે  નવા 165 કેસ નોંધાયા છે. આ સાથે જ 77 દર્દીઓએ કોરોનાને મ્હાત આપી છે. રાજ્યમાં અત્યાર સુધીમાં કુલ 1214663 દર્દીઓ કોરોનાને મ્હાત આપી ચુક્યાં છે. બીજી તરફ કોરોનાનો રિકવરી રેટ પણ ઘટીને 99.03 ટકાએ પહોંચી ચુક્યો છે. રસીકરણના મોરચે પણ સરકાર મજબુતીથી લડી રહી છે રાજ્યમાં આજે કુલ 43539 રસીના ડોઝ અપાયા હતા. એક્ટિવ કેસની વાત કરીએ તો રાજ્યમાં કુલ 920 એક્ટિવ કેસ છે. જે પૈકી એક નાગરિક વેન્ટિલેટર પર છે. 919 નાગરિકો સ્ટેબલ છે. અત્યાર સુધીમાં કોરોનાને કુલ 12,14,663 નાગરિકો કોરોનાને મ્હાત આપી ચૂક્યા છે. ગુજરાતમાં અત્યાર સુધીમાં કોરોના વાયરસથી  10,945 નાગરિકોનાં મોત થયા છે. રાજ્યમાં આજે કોરોનાને કારણે એક પણ વ્યક્તિનું મોત નથી થયું.  

અમદાવાદ કોર્પોરેશનમાં 90, વડોદરા કોર્પોરેશન 19 , સુરત કોર્પોરેશનમાં 12, ગાંધીનગર કોર્પોરેશન 10, ભાવનગર કોર્પોરેશનમાં 6, જામનગર કોર્પોરેશન 4, મહેસાણા 3, નવસારી 3, વડોદરા 3, વલસાડ 3, અમદાવાદ 2, અમરેલી 2, આણંદ 2, ભરુચ 2, કચ્છ 2, બનાસકાંઠા 1 અને જામનગરમાં 1 કેસ નોંધાયો છે. 

દિલ્હીમાં નોંધાયા 1 હજારથી વધુ કેસ 

દેશના મહાનગરોમાં કોરોના વાયરસના કેસમાં ઝડપથી વધારો થઈ રહ્યો છે. દેશની રાજધાની દિલ્હીમાં  જ્યાં દૈનિક કેસની સંખ્યા 1000 ને પાર થઈ છે. તે જ સમયે, મહારાષ્ટ્રમાં દરરોજ મોટી સંખ્યામાં નવા કેસ નોંધાઈ રહ્યા છે. આ દરમિયાન, મુંબઈમાં ઓમિક્રોન સબ-વેરિઅન્ટના વધુ બે દર્દીઓ મળી આવ્યા છે. દિલ્હીની વાત કરીએ તો દેશની રાજધાનીમાં દરરોજના કેસની ઝડપ વધી છે. મંગળવારે દિલ્હીમાં કોરોનાના 1,118 નવા કેસ નોંધાયા છે. આ સાથે 500 દર્દીઓ સાજા પણ થયા છે અને 2 દર્દીઓના મોત થયા છે. દિલ્હીમાં હાલમાં 3,177 સક્રિય કેસ છે.

બીજી તરફ મહારાષ્ટ્રની વાત કરીએ તો રાજ્યમાં દરરોજ મોટી સંખ્યામાં નવા કેસ સામે આવી રહ્યા છે. છેલ્લા 24 કલાકમાં રાજ્યમાં કોરોનાના 2,956 નવા કેસ નોંધાયા છે. આ દરમિયાન, 2,165 લોકોને રજા આપવામાં આવી હતી અને 4 મૃત્યુ નોંધાયા હતા. રાજ્યમાં કુલ 18,267 સક્રિય કેસ છે. તે જ સમયે, આજે એકલા મુંબઈમાં જ કોરોનાના 1724 નવા કેસ નોંધાયા છે. 96% દર્દીઓમાં કોરોનાના કોઈ લક્ષણો જોવા મળ્યા ન હતા, મુંબઈમાં આજે કોરોનાને કારણે 2 લોકોના મોત થયા છે.