Gujarat Rain: રાજ્યમાં છેલ્લા 24 કલાકમાં ક્યાં પડ્યો કેટલો વરસાદ ? આ રહ્યા આંકડા

Gujarat Monsoon: હવામાન વિભાગની આગાહી અનુસાર આગામી પાંચ દિવસ દરમિયાન ખાસ કરીને દક્ષિણ ગુજરાત, સૌરાષ્ટ્રના મોટાભાગના જિલ્લામાં ભારેથી અતિભારે વરસાદ પડી શકે છે.

બોરસદ જિલ્લામાં એનડીઆરએફે કર્યું રેસ્ક્યૂ

Gujarat Rain: ગુજરાતમાં આખરે ચોમાસું જામવાનું શરૃ થઇ ગયું છે.  રાજ્યમાં છેલ્લા 24 કલાક દરમિયાન 30 જિલ્લાઓમાં વરસાદ નોંધાયો છે. 30 જિલ્લાના 149 તાલુકામાં વરસાદ પડ્યો છે.  રાજ્યમાં અત્યાર સુધી 4.02 ઈંચ સાથે મોસમનો સરેરાશ 12 ટકા વરસાદ નોંધાયો છે.

ક્યાં પડ્યો સૌથી વધુ વરસાદ

રાજ્યમાં સૌથી વધુ વરસાદ નવસારીના વાંસદા તાલુકામાં સાડા પાંચ  ઈંચ નોંધાયો  છે. જુનાગઢમાં પણ મેઘરાજાએ તોફાની બેટિંગ કરતાં ૩ ઈંચથી વધુ મેઘમહેર થઇ હતી. અન્યત્ર જ્યાં આજે બે ઈંચથી વધુ વરસાદ નોંધાયો તેમાં જુનાગઢના માળિયા-માંગરોળ, જામનગરના જામજોધપુર, નવસારીના ગણદેવી-નવસારી-જલાલપોર-ચીખલી, વલસાડના વાપી-ઉમરગામ-કપરાડા-ધરમપુર-પારડી, ગીર સોમનાથના તલાલા, સુરતના ચોર્યાસી-પલસાણા, કચ્છના લખપત, સાબરકાંઠાના વડાલી, ખેડાના વસોનો સમાવેશ થાય છે.

હવામાન વિભાગની આગાહી અનુસાર આગામી પાંચ દિવસ દરમિયાન ખાસ કરીને દક્ષિણ ગુજરાત, સૌરાષ્ટ્રના મોટાભાગના જિલ્લામાં ભારેથી અતિભારે વરસાદ પડી શકે છે. આવતીકાલે જ્યાં ભારે વરસાદની આગાહી છે તેમાં સુરત, નવસારી, બનાસકાંઠા, સાબરકાંઠા, ડાંગ, તાપી, પોરબંદર, જુનાગઢ, અમરેલી, દ્વારકા, ગીર સોમનાથ, કચ્છ, દીવનો સમાવેશ થાય છે.

કયા જિલ્લામાં ભારેથી અતિભારે વરસાદની આગાહી?

3 જુલાઇ : સુરત, નવસારી, બનાસકાંઠા, સાબરકાંઠા, ડાંગ, તાપી, પોરબંદર, જુનાગઢ, અમરેલી, દ્વારકા, ગીર સોમનાથ, કચ્છ, દીવ.

4 જુલાઇ : નવસારી, વલસાડ, પોરબંદર, જુનાગઢ, દ્વારકા.

બોરસદના કેટલાક ગામોમાં પૂરની સ્થિતિ

5 જુલાઇ : ભરૃચ, સુરત, નવસારી, વલસાડ, પોરબંદર, જુનાગઢ, દ્વારકા, ગીર સોમનાથ, દીવ.

આણંદના જિલ્લામાં નોંધાયેલા અતિભારે વરસાદથી બોરસદ તાલુકાના કેટલાક ગામમાં પૂર જેવી સ્થિતિ સર્જાઇ છે. જેના પગલે નેશનલ ડિઝાસ્ટર રીસ્પોન્સ ફોર્સ (એનડીઆરએફ) દ્વારા પૂરની સ્થિતિમાં ફસાયેલા ગામના 380 થી વધુ લોકોને સલામત સ્થળે ખસેડવામાં આવ્યા છે.  એનડીઆરએફના એક અધિકારીએ જણાવ્યું કે, 'બોરસદ તાલુકાના બે ગામ નીચાણવાળા વિસ્તારમાં હોવાથી ભારે વરસાદને પગલે પૂર જેવી સ્થિતિ સર્જાઇ છે. આ બંને ગામમાંથી 380 લોકોનું સલામત સ્થળે સ્થળાંતર કરાયું છે. પરંતુ હજુ 140 લોકો ઘરે પરત ફર્યા નથી. ' એનડીઆરએફ દ્વારા સિસ્વા ગામમાં ભારે વરસાદથી કોઇ મૃતદેહ તણાઇને આવ્યા છે કે કેમ તેનું પણ સર્ચ ઓપરેશન કરવામાં આવી રહ્યું છે.