Gujarat Rain: રાજ્યમાં આગામી 24 કલાક ભારે વરસાદની આગાહી, આ જિલ્લાઓમાં રેડ એલર્ટ જાહેર

હવામાન વિભાગે આગામી 24 કલાક રાજ્યમાં ભારે વરસાદની આગાહી કરી છે

ભારે વરસાદની આગાહી

અમદાવાદઃ હવામાન વિભાગે આગામી 24 કલાક રાજ્યમાં ભારે વરસાદની આગાહી કરી છે. હવામાન વિભાગની આગાહી અનુસાર, આગામી 24 કલાક રાજ્યમાં ભારે વરસાદ વરસી શકે છે. હવામાન વિભાગે ઉત્તર ગુજરાતમાં ભારે વરસાદની આગાહી કરવામાં આવી છે. બનાસકાંઠા, પાટણમાં અતિભારે વરસાદની આગાહી કરી છે. બે દિવસ બાદ વરસાદનું જોર ઘટશે.

હવામાન વિભાગની આગાહી અનુસાર કચ્છ, બનાસકાંઠા, પાટણમાં રેડ એલર્ટ જાહેર કરવામાં આવ્યું છે. દેવભૂમિ દ્વારકા, જામનગર, મોરબી, રાજકોટ, જુનાગઢ, પોરબંદર, મહેસાણા, ભરૂચ ,સુરતમાં ઓરેંજ એલર્ટ જાહેર કરવામાં આવ્યું છે. તે સિવાય અરવલ્લી, આણંદ, વડોદરા, વલસાડ, દમણ, નવસારીમાં યલો એલર્ટ જાહેર કરવામાં આવ્યું છે.

હવામાન વિભાગે બનાસકાંઠા, મહેસાણા, પાટણ અને કચ્છમાં ભારે વરસાદની આગાહી કરવામાં આવી છે. તો મધ્ય ગુજરાત અને સૌરાષ્ટ્રમાં મધ્યમ વરસાદનો અંદાજ લગાવવામાં આવ્યો છે.

Modi Cabinet Decisions: ખેડૂતો માટે કેન્દ્રની મોદી સરકારે કરી મોટી જાહેરાત, હવે ખેડૂતોને થશે આ ફાયદો....

Modi Cabinet Decision On Farmer's: કેન્દ્ર સરકારે ખેડૂતો માટે મોટી જાહેરાત કરી છે. કેન્દ્રીય કેબિનેટે ટૂંકા ગાળાની લોન સમયસર ચૂકવનારા ખેડૂતો માટે વ્યાજ અનુદાન (Subvention) સ્કીમ ચાલુ રાખી છે. આવી સ્થિતિમાં ટૂંકા ગાળા માટે 3 લાખ રૂપિયા સુધીની લોન લેનારા ખેડૂતોને વ્યાજમાં 1.5 ટકાની છૂટ મળશે.

આ યોજના માટે સરકારે બજેટમાં 34,846 કરોડ રૂપિયાની જોગવાઈ કરી છે. વ્યાજ સબવેન્શનની ભરપાઈ કરવા માટે, એટલે કે લોનના વ્યાજની ચૂકવણી પર ખેડૂતોને દોઢ ટકા રિબેટ, સરકાર આ ચુકવણી સીધી ધિરાણ આપતી બેંકો અને સહકારી સંસ્થાઓને કરશે

સબવેન્શન સ્કીમ શું છેઃ

તમને જણાવી દઈએ કે, સહકારી મંડળીઓ અને બેંકો દ્વારા ખેડૂતોને સરકાર તરફથી ઓછા વ્યાજ દરે ટૂંકા અને લાંબા ગાળા માટે લોન આપવામાં આવે છે. ઘણા ખેડૂતો આ લોન સમયસર ભરપાઈ કરે છે અને જ્યારે ઘણા ખેડૂતો કોઈ કારણોસર સમયસર લોન ચૂકવી શકતા નથી. આવી સ્થિતિમાં, જે ખેડૂતો સમયસર લોનની ચુકવણી કરે છે, તેઓને જ વ્યાજ સબવેન્શન સ્કીમ (Interest Subvention Scheme)નો લાભ મળશે.