Gujarat Weather Live Updates: હવામાન વિભાગની આગાહીના પગલે રાજ્યના અનેક શહેરોના વાતાવરણમાં આવ્યો પલટો
Weather Update: હવામાન વિભાગ દ્વારા રાજ્યમાં કમોસમી વરસાદની આગાહી કરવામાં આવી છે. વેસ્ટર્ન ડિસ્ટર્બન્સના લીધે કમોસમી વરસાદ રહેશે. કેટલાક વિસ્તારમાં ગાજવીજ અને પવન સાથે કમોસમી વરસાદ પડશે.
LIVE
Background
Weather Updates: હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સના કારણે અમદાવાદ સહિત સૌરાષ્ટ્ર-કચ્છ, ઉત્તર અને દક્ષિણ ગુજરાતમાં કમોસમી વરસાદ વરસશે. 30 માર્ચે અમદાવાદ, ગાંધીનગર, રાજકોટ, સુરેન્દ્રનગર, જામનગર, પોરબંદર, દ્વારકા, મોરબી, કચ્છ, અરવલ્લી, બનાસકાંઠા, સાબરકાંઠા, મહેસાણા, પાટણ જિલ્લામાં વરસાદ વરસી શકે છે. 31 માર્ચે ગીર સોમનાથ, સુરત, નવસારી, વલસાડ અને ભરુચ જિલ્લામાં વરસાદ પડી શકે છે. હવામાન વિભાગના મતે વરસાદની સાથે ભારે પવન પણ ફૂંકાશે.
દિલ્હી-NCR સહિત ઉત્તર ભારતમાં ફરી એકવાર હવામાન બદલાયું
દિલ્હી-NCR સહિત ઉત્તર ભારતમાં ફરી એકવાર હવામાન બદલાયું છે. હવામાન વિભાગના જણાવ્યા અનુસાર, દિલ્હી-એનસીઆરમાં ગુરુવારે (30 માર્ચ) વાદળછાયું વાતાવરણ રહેશે અને વરસાદ પડી શકે છે.
ઉત્તર પ્રદેશમાં પણ હવામાનમાં ફેરફારની આગાહી વ્યક્ત કરવામાં આવી છે. હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સના કારણે ગુરુવારે બપોર અથવા સાંજથી ભારે પવન ફૂંકાશે. શુક્રવારે (31 માર્ચ)ના રોજ વાવાઝોડા સાથે વરસાદની સંભાવના છે. આ સ્થિતિ શનિવાર સુધી યથાવત રહેવાની ધારણા છે. લખનૌમાં 31 માર્ચ અને 1 એપ્રિલ માટે યલો એલર્ટ જારી કરવામાં આવ્યું છે.
વેસ્ટર્ન ડિસ્ટર્બન્સ સૌથી પહેલા રાજસ્થાનને અસર કરશે. હવામાન વિભાગે ગુરુવારે રાજસ્થાનમાં વરસાદની આગાહી કરી છે. આગાહી મુજબ આજે પૂર્વ રાજસ્થાનમાં ગાજવીજ સાથે વરસાદ પડી શકે છે. વાવાઝોડાની સાથે સાથે અનેક જગ્યાએ વીજળી અને કરા પડવાની શક્યતા છે. રાજ્યમાં 31 માર્ચ અને 1 એપ્રિલે પણ વરસાદની શક્યતા છે.
સાવરકુંડલાના ગ્રામ્ય વિસ્તારમાં વરસાદ
અમરેલીના સાવરકુંડલાના ગ્રામ્ય વિસ્તારોના વાતાવરણમાં પલટો આવ્યો છે. આજ સવારથી જ વાદળછાયું વાતાવરણ વચ્ચે બપોર બાદ કમોસમી વરસાદ પડ્યો. સાવરકુંડલા પંથકના ભોંકરવા, વિજપડી, ભમર, ખડસલી, છાપરી, આંબરડી સહિત આસપાસના વિસ્તારોમાં કમોસમી વરસાદ છે. કમોસમી વરસાદ વરસતા ફરી ખેડૂતોની ચિંતામાં વધારો થયો છે.
અંબાજીમાં ફરીથી વરસાદ ની ધમાકેદાર એન્ટ્રી
બનાસકાંઠાના અંબાજીમાં ફરીથી વરસાદની ધમાકેદાર એન્ટ્રી થઈ છે. ભારે પવન સાથે વરસાદ આવતા અંબાજીમાં દુકાનો બંધ કરવાની પરિસ્થિતિ આવી. બસ સ્ટેન્ડ ના શોપિંગ સેન્ટરની દુકાનમાં પાણી આવતા લોકોએ શટર પાડ્યા હતા. ભર ઉનાળે યાત્રાધામ અંબાજીમાં વરસાદી પાણી વેહતા જોવા મળ્યા હતા.
પાટણ જિલ્લાના વાતાવરણમાં પલટો
હવામાન વિભાગ આગાહી અનુસાર પાટણ જિલ્લાના વાતાવરણમાંબપોર બાદ પલટો આવ્યો છે. પાટણ - વારાહીમાં આકાશમાં કાળા ડિબાંગ વાદળો છવાયા છે. રાધનપુર તેમજ સિદ્ધપુરમાં કમોસમી વરસાદનું આગમન થયું છે. સિદ્વપુર તેમજ રાધનપુરના ગ્રામ્ય વિસ્તારમાં વરસાદનું આગમન થયું છે. સતત કમોસમી માવઠું થતા ખેડૂતો ની ચિતામાં વધારો થયો છે.
પાલનપુરમાં કમોસમી વરસાદની શરૂઆત
બનાસકાંઠાના પાલનપુરમાં કમોસમી વરસાદની શરૂઆત થઈ છે. પાલનપુરના ચડોતર, સોનગઢ આજુ જુ ના વિસ્તારોમાં વરસાદ શરૂ થયો છે. ગાજવીજ સાથે વરસાદની શરૂઆતથી ધરતીપુત્રો ચિંતિત બન્યા છે. ઘઉં, મકાઈ, વરીયાળી સહિતના પાકોમાં નુકસાનની ભીતિ છે.
આગામી 24 કલાકમાં રાજ્યમાં છુટાછવાયા વરસાદની આગાહી
આગામી 24 કલાકમાં રાજ્યમાં છુટાછવાયા વરસાદની આગાહી કરવામાં આવી છે. આવતીકાલથી શરુ થનારી IPL મેચમાં વરસાદની શક્યતા નહિવત છે. એકાદ જગ્યાએ વાદળછાયું વાતાવરણ રહી શકે છે, આજે હળવાથી મધ્યમ વરસાદની આગાહી છે.
ટ્રેન્ડિંગ સમાચાર
ટોપ સ્ટોરી
