Rain Forecast: આગામી 24 કલાકમાં રાજ્યના આ જિલ્લામાં ભારે વરસાદની આગાહી, એલર્ટ જાહેર
Gujarat Rain Forecast: હવામાન વિભાગની આગાહી મુજબ આગામી 24 કલાક ગુજરાતમાં ભારે વરસાદનું અનુમાન છે. જાણીએ ક્યાં જિલ્લામાં ભારે વરસાદની શક્યતા છે.
Gujarat Rain Forecast:હવામાન વિભાગના અનુમાન મુજબ અરબી સમુદ્રમાં સર્જાયેલી સિસ્ટમ ગુજરાત તરફ આગળ વધી રહી છે. જો કે આ સિસ્ટમ પહેલા કરતા નબળી પડી ગઇ છે. જેના કારણે પવન અને વરસાદનું પ્રમાણ સોમવાર બાદ ધીરે ધીરે ઘટવા લાગશે જો કે હજુ આગામી 24 કલાક આ સિસ્ટમની અસર વર્તાશે જેના કારણે રાજ્યમાં ભારે વરસાદની આગાહી છે.
ક્યાં જિલ્લામાં ભારે વરસાદની શકયતા
હવામાન વિભાગના મોડલ મુજબ દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારમાં સોમવાર સુધી ભારે વરસાદનું અનુમાન છે. વલસાડ, નવસારી, તાપી, સુરત, ડાંગ, ઉપરાંત સૌરાષ્ટ્રમાં ગીર સોમથાન, દેવભૂમિ દ્વારકા, પોરબંદર, અમરેલી, ભાવનગર, બોટાદ, જૂનાગઢ સહિતના આ ઉપરોકત એકાદ જિલ્લાઓમાં ભારે તો બાકીના જિલ્લામાં મધ્યમ વરસાદનું અનુમાન છે. હજુ પણ રાજ્યના 10 જિલ્લામાં ભારે વરસાદની આગાહી છે.આજે સાબરકાંઠા, પાટણ, મહેસાણા, ગાંધીનગર, અરવલ્લી, ખેડામાં આણંદ, પંચમહાલ, દાહોદ, મહીસાગરમાં વરસાદનું યલો એલર્ટ જાહેર કરવામાં આવ્યું છે.
હવમાન વિભાગની વરસાદની આગાહી વચ્ચે રાજ્યના 112 તાલુકામાં શનિવારે કમોસમી વરસાદ વરસ્યો.સૌથી વધુ ધંધુકામાં અઢી ઈંચ વરસાદ વરસ્યો તો, પોરબંદર, લીમખેડા, સંખેડા, ઉમરાળા, ચુડા, ગરુડેશ્વર, સલાયા અને જંબુસર તાલુકામાં એક ઈંચ કરતા વધુ વરસાદ વરસ્યો. દ્વારકા જિલ્લાના કલ્યાણપુર તાલુકામાં ગતરાત્રે બે કલાકમાં ધોધમાર પોણો ઈંચથી વધુ વરસાદ વરસ્યો. ભારે વરસાદથી ખેતર અને રસ્તા થયા પાણી પાણી થઇ ગયા છે.
કમોસમી વરસાદે ગુજરાતના ખેડૂતોને પાયમાલ કરી દીધા છે જેને લઇને વરસાદી આફતથી ખેતીને થયેલા નુકસાનનો સર્વે ત્રણ દિવસમાં પૂર્ણ કરવા મુખ્યમંત્રીએ આદેશ આપ્યાં છેય સચિવો સાથે બેઠક યોજી અસરગ્રસ્ત વિસ્તારમાં પંચકામ કરવા કલેક્ટર અને ડીડીઓને મુખ્યમંત્રીએ આદેશ આપ્યા છે. તો બીજી તરફ પાક નિષ્ફળ જતાં ખેડૂતો તેની વ્યથા અલગ રીતે વ્યક્ત કરી રહ્યં છે. પાક નુકસાનીના ડિજિટલ સર્વેનો અનેક વિસ્તારમાં બહિષ્કાર કર્યો છે...અમરેલીમાં ખેડૂતો પોક મુકી રડ્યા.તો, ગાંધીનગરમાં ઢોલ વગાડીને, અને શિહોરમાં પાક બાળીને હવન કરીને વિરોધ કરાયો છે.
અંબાલાલ પટેલની વરસાદની આગાહી
રાજ્યમાં કમોસમી વરસાદના પ્રકોપ વચ્ચે હવામાન નિષ્ણાત અંબાલાલ પટેલે વધુ એક મોટી આગાહી કરી છે. હજુ પણ ગુજરાતમાં ભારે વરસાદનો અનુમાન વ્યક્ત કર્યો છે. નોંધનિય છે કે, અરબ સાગરની સિસ્ટમ હાલ ગુજરાત તરફ આગળ વધી રહી છે. જો કે તેની ગતિ સાથે આ સિસ્ટમ ધીરે ધીરે નબળી પણ પડી રહી છે. જેથી રાજ્યમાં આગામી 2 દિવસ બાદ ધીરે ધીરે વરસાદનું જોર ઘટશે. હવામાનના નિષ્ણાત અંબાલાલ પટેલે પણ ગુજરાતમાં આગામી 2 દિવસ ભારે વરસાદની આગાહી કરી છે. અંબાલાલ પટેલના આંકલન મુજબ સૌરાષ્ટ્ર, દક્ષિણ અને ઉત્તર ગુજરાતમાં બે દિવસ હજુ પણ વરસાદનું જોર રહેશે. સૌરાષ્ટ્ર બાદ હવે ઉત્તર ગુજરાત અને મધ્ય ગુજરાતમાં પણ વરસાદનો માર વધશે. સાબરકાંઠા, પાટણ અમદાવાદ, ગાંધીનગરમાં વરસાદનું અનુમાન અંબાલાલ પટેલે વ્યક્ત કર્યુ છે. બે દિવસ પંચમહાલ જિલ્લામાં પણ વરસાદનો અનુમાન વ્યક્ત કર્યો છે.
ટોપ સ્ટોરી
ટ્રેન્ડિંગ સમાચાર
