પાવાગઢમાં હોળીકા દહન માટે તારીખ બદલાઈ: ચંદ્રગ્રહણને પગલે ટ્રસ્ટનો મોટો નિર્ણય

પાવાગઢ મહાકાલી મંદિર ટ્રસ્ટ દ્વારા હોળીકા દહન અને દર્શનના સમયમાં ફેરફાર. 3 March ના રોજ ચંદ્રગ્રહણને કારણે હવે 2 March એ પ્રગટશે હોળી. જાણો સંપૂર્ણ નવું ટાઈમટેબલ.

Pavagadh Holika Dahan

Source : pavagadhtemple.in

Show Quick Read

Key points generated by AI, verified by newsroom

• પાવાગઢમાં હોળીકા દહન ૨ માર્ચે થશે, ચંદ્રગ્રહણ ૨૦૨૬ ધ્યાનમાં લીધું.
• સાંજે ૬ વાગ્યે શાસ્ત્રોક્ત વિધિથી હોળી પ્રગટશે, ત્યારબાદ મહાઆરતી થશે.
• ૩ માર્ચે પુનમની ખાસ આરતી સવારે ૫ વાગ્યે, ૬ વાગ્યા પછી દર્શન બંધ.
• ૪ માર્ચે દર્શન અને આરતી વ્યવસ્થા ફરી રાબેતા મુજબ શરૂ થશે.

Pavagadh Holika Dahan 2026: ગુજરાતના પંચમહાલ જિલ્લામાં આવેલ શક્તિપીઠ અને સુપ્રસિદ્ધ યાત્રાધામ પાવાગઢ ખાતે આ વર્ષે હોળીકા દહનના કાર્યક્રમમાં મહત્વપૂર્ણ ફેરફાર કરવામાં આવ્યો છે. શ્રી મહાકાલી માતાજી ટ્રસ્ટ દ્વારા લેવાયેલા નિર્ણય મુજબ, આગામી 3 March 2026 ના રોજ પુનમના દિવસે ચંદ્રગ્રહણ હોવાથી ધાર્મિક પરંપરા જાળવવા માટે હોળીકા દહન એક દિવસ અગાઉ એટલે કે 2 March 2026 ના રોજ યોજાશે. શાસ્ત્રીય માન્યતાઓને આધારે ગ્રહણ દરમિયાન સુતક લાગતું હોવાથી દર્શનાર્થીઓની સુવિધા અને ભક્તિની પવિત્રતા જાળવવા આ પગલું લેવામાં આવ્યું છે.

2 March ના રોજ સાંજે 6 વાગ્યે પ્રગટશે હોળી

પરંપરાગત રીતે પાવાગઢમાં હોળી પ્રગટ્યા બાદ જ આસપાસના ગામોમાં હોળી પ્રગટાવવાની પ્રથા છે. ટ્રસ્ટના જણાવ્યા અનુસાર, 2 March ના રોજ સાંજે 6 વાગ્યે શાસ્ત્રોક્ત વિધિ સાથે હોળી પ્રગટાવવામાં આવશે. ત્યારબાદ સાંજે 7 વાગ્યે સમય અનુસાર મહાઆરતીનું આયોજન કરવામાં આવ્યું છે. દર વર્ષની જેમ આ વખતે પણ લાખો ભક્તો આ દિવ્ય ક્ષણના સાક્ષી બનવા ઉમટી પડશે તેવી શક્યતા છે, તેથી તારીખના આ ફેરફારની નોંધ લેવી શ્રદ્ધાળુઓ માટે અનિવાર્ય છે.

3 March ના રોજ મંદિરના સમયમાં ફેરફાર

ચંદ્રગ્રહણની સીધી અસર મંદિરના નિયમિત સમયપત્રક પર પડશે. ટ્રસ્ટ દ્વારા જાહેર કરાયેલા નવા શેડ્યૂલ મુજબ:

• સવારે 5:00 વાગ્યે: પુનમની ખાસ આરતી કરવામાં આવશે.
• સવારે 6:00 વાગ્યા સુધી: ભક્તો માતાજીના દર્શન કરી શકશે.
• સવારે 6:00 વાગ્યા પછી: મંદિરના દ્વાર ભક્તો માટે આખો દિવસ બંધ રહેશે.

ગ્રહણના મોક્ષ અને મંદિરના શુદ્ધિકરણ બાદ જ ફરીથી દ્વાર ખોલવામાં આવશે. જે ભક્તો દર પુનમે પાવાગઢ ડુંગર ચઢે છે, તેમણે આ સમય મર્યાદાને ધ્યાનમાં રાખીને પોતાનું આયોજન કરવું પડશે.

4 March થી વ્યવસ્થા ફરી રાબેતા મુજબ

ગ્રહણ પૂર્ણ થયા બાદ, 4 March 2026 થી મંદિર ખાતે દર્શન અને આરતીની વ્યવસ્થા રાબેતા મુજબ શરૂ થઈ જશે. પંચમહાલ વહીવટીતંત્ર અને મંદિર ટ્રસ્ટ દ્વારા યાત્રાળુઓને અપીલ કરવામાં આવી છે કે, હોળીકા દહન અને પુનમની આરતી દરમિયાન ભારે ભીડ રહેતી હોવાથી શાંતિ જાળવવી. ખાસ કરીને 2 તારીખે હોળી જોવા આવતા ગ્રામીણ ભક્તો અને 3 તારીખે વહેલી સવારે આવતા પદયાત્રીઓએ સુધારેલા સમય મુજબ જ યાત્રા શરૂ કરવી.

પાવાગઢ શક્તિપીઠ ખાતે હોળીનો ઉત્સવ અનોખો હોય છે, અને આ વખતે ખગોળીય ઘટના (ચંદ્રગ્રહણ) ને કારણે ધાર્મિક પરંપરામાં કરવામાં આવેલો આ ફેરફાર ભક્તોની આસ્થા અને સુવિધાને ધ્યાનમાં રાખીને લેવામાં આવ્યો છે.

આ પણ વાંચો

ગુજરાતમાં વિકાસની 'સુનામી': CM ભૂપેન્દ્ર પટેલનો મોટો નિર્ણય, વિવિધ બોર્ડ-નિગમોને 1.22 કરોડ ચો.મી. જમીન ફાળવી