ચોમાસા પહેલા મીની વાવાઝોડુ, રાજ્યનાં આ વિસ્તારમાં આજે ભારે પવન ફૂંકાવાની આગાહી
રાજ્યમા આજથી કાળઝાળ ગરમીમાં આંશિક ઘટાડો થશે. ચાર દિવસ મહત્તમ તાપમાન ચાર ડિગ્રી સુધી ઘટવાની આગાહી કરવામાં આવી છે.
Gujarat Weather: રાજ્યમાં ગરમીમાં તો ઘટાડો થશે પરંતુ વેસ્ટર્ન ડિસ્ટર્બન્સથી ભારે પવન ફૂકાવાની શક્યતા છે. દક્ષિણ પશ્ચિમ દિશાએથી ગુજરાત ઉપર ચોમાસુંના આગમનને હજુ ચાર સપ્તાહનો સમય બાકી છે. ત્યારે ચોમાસા પહેલા વાવાઝોડાને બદલે શક્તિ શાળી વેસ્ટર્ન ડિસ્ટર્બન્સ ત્રાટક્યું છે. જેના પગલે સૌરાષ્ટ્ર, કચ્છ સહિત સમગ્ર ગુજરાતમાં 26મે સુધી 30થી 40 કિલોમીટરની ઝડપે પવન ફૂંકાઈ શકે છો. તો દરિયાકાંઠેના વિસ્તારોમાં 64 કિલોમીટરની ઝડપે પવન ફૂકાવાની શક્યતા છે. જેથી જ ગુજરાતના તમામ બંદરોએ માછીમારોને દરિયો નહીં ખેડવા ચેતવણી આપી છે. હવામાન નિષ્ણાંતોને મતે નૈઋત્યના ચોમાસા માટે ગુજરાતને જૂનના બીજા સપ્તાહ સુધી રાહ જોવી પડી શકે છે.
રાજ્યમા આજથી કાળઝાળ ગરમીમાં આંશિક ઘટાડો થશે. ચાર દિવસ મહત્તમ તાપમાન ચાર ડિગ્રી સુધી ઘટવાની આગાહી કરવામાં આવી છે. જો કે મંગળવારે રાજ્યના 6 શહેરોમાં 40 ડિગ્રીથી વધુ તાપમાન નોંધાયું છે. તેમાં પણ 42.3 ડિગ્રી સાથે અમદાવાદ સતત ત્રીજા દિવસે ગુજરાતનું હોટેસ્ટ સિટી રહ્યું છે અને આગામી પાંચ દિવસ અમદાવાદમાં 41 ડિગ્રીની આશપાસ જ તાપમાન રહેશે તેવી આગાહી કરવામાં આવી છે. અમદાવાદની સાથે ગાંધીનગરમાં પણ તાપમાનનો પારો 42 ડિગ્રીને પાર થયો છે. ગાંધીનગરમાં 42 ડિગ્રી તાપમાન નોંધાયું છે. તો પાટણમાં 41.3, રાજકોટમાં 41 ડિગ્રી, અમરેલીમાં 40.6, ડીસામાં 40.1 ડિગ્રી તાપમાન રહ્યું છે.
દિલ્હીમાં પડશે વરસાદ, યુપી-પંજાબ-હરિયાણામાં મળશે ગરમીથી રાહત, જાણો લેટેસ્ટ અપડેટ
રાષ્ટ્રીય રાજધાની દિલ્હી સહિત ઉત્તર ભારતના ઘણા રાજ્યો આકરી ગરમી સામે ઝઝૂમી રહ્યા છે. ભારતીય હવામાન વિભાગે આજથી આગામી કેટલાક દિવસો સુધી ગરમીમાંથી રાહત મળવાની આગાહી કરી છે.
હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સની અસરને કારણે ઉત્તર ભારતના રાજ્યોમાં આજ (24 મે) થી 27 મે સુધી વરસાદની સંભાવના છે. દિલ્હીના હવામાનનો ઉલ્લેખ કરીને IMD એ કહ્યું તાપમાનમાં ઘટાડો થઈ શકે છે. વિભાગના જણાવ્યા અનુસાર આજે રાષ્ટ્રીય રાજધાનીમાં લઘુત્તમ તાપમાન 27 ડિગ્રી અને મહત્તમ તાપમાન 39 ડિગ્રી સુધી નોંધાઈ શકે છે. આ સાથે IMDએ પણ રાજધાનીમાં ગાજવીજ સાથે વરસાદની આગાહી કરી છે.
ઉત્તર પ્રદેશમાં કેવું રહેશે હવામાન?
ઉત્તર પ્રદેશના હવામાન પર નજર કરીએ તો આજે મોટાભાગના વિસ્તારોમાં મહત્તમ તાપમાન 40 ડિગ્રી અને લઘુત્તમ તાપમાન 23 ડિગ્રી સુધી નોંધાઈ શકે છે. રાજધાની લખનઉ સહિત ગાઝિયાબાદ, નોઈડામાં વરસાદની ગતિવિધિઓ જોવા મળશે. આ સિવાય ઘણા શહેરોમાં જોરદાર પવન ફૂંકાતા જોવા મળી શકે છે.
પંજાબ અને હરિયાણામાં કેવું રહેશે હવામાન?
IMD એ પણ બિહારમાં હવામાનમાં ફેરફારની શક્યતા વ્યક્ત કરી છે. વિભાગના જણાવ્યા અનુસાર, આગામી ત્રણ દિવસ એટલે કે 27 મે સુધી રાજ્યના મોટાભાગના વિસ્તારોમાં વરસાદની સંભાવના છે, જેના કારણે લોકોને ગરમીથી રાહત મળશે. આ સાથે તાપમાનમાં પણ ઘટાડો જોવા મળશે. તેવી જ રીતે પંજાબ અને હરિયાણામાં પણ હવામાન યથાવત રહી શકે છે.
જમ્મુ-કાશ્મીર, લદ્દાખમાં હિમવર્ષાની આગાહી
આ સિવાય પશ્ચિમ બંગાળ, કેરળના કેટલાક ભાગોમાં હળવા વરસાદની આગાહી કરવામાં આવી છે. ત્યાં જમ્મુ-કાશ્મીર, લદ્દાખ, હિમાચલ પ્રદેશ, ઉત્તરાખંડમાં હિમવર્ષા થવાની સંભાવના છે.
ટોપ સ્ટોરી
ટ્રેન્ડિંગ સમાચાર
