Rain: વરસાદના વધુ એક રાઉન્ડ માટે રહો તૈયાર, હવામાન વિભાગે કેટલા દિવસ વરસાદની કરી આગાહી?

રાજ્યમાં અત્યાર સુધી સીઝનનો 48 ટકા વરસાદ વરસી ચૂક્યો છે.  સૌથી વધુ કચ્છમાં 112 ટકા વરસાદ વરસ્યો છે.

પ્રતિકાત્મક તસવીર

Source : PTI

ગાંધીનગરઃ વરસાદના વધુ એક રાઉન્ડ માટે તૈયાર રહેવાની હવામાન વિભાગે આગાહી કરી હતી. હવામાન વિભાગના મતે 16 જૂલાઈથી વરસાદનો ત્રીજો રાઉન્ડ શરૂ થશે. હવામાન વિભાગે આગાહી કરી હતી કે પાંચ દિવસ વરસાદી માહોલ રહેશે.

આજે અમરેલી, ભાવનગર અને ગીર સોમનાથ જિલ્લામાં ભારે વરસાદ વરસશે. 15 જૂલાઇના જામનગર, દ્વારકા, કચ્છ, બનાસકાંઠા, પાટણ, નવસારી અને વલસાડ જિલ્લામાં ભારે વરસાદ વરસશે. તો 16 જૂલાઇના પોરબંદર, જામનગર, દ્વારકા, કચ્છ, બનાસકાંઠા, અને પાટણમાં ભારે વરસાદ વરસશે. રાજ્યમાં અત્યાર સુધી સીઝનનો 48 ટકા વરસાદ વરસી ચૂક્યો છે.  સૌથી વધુ કચ્છમાં 112 ટકા વરસાદ વરસ્યો છે.

 

આગામી ત્રણ કલાકમાં રાજ્યમાં પડી શકે વરસાદ

 

ભાવનગર, અમદાવાદમાં ત્રણ કલાકમાં વરસાદની આગાહી

આણંદ, વડોદરામાં ત્રણ કલાકમાં વરસાદની આગાહી

વડોદરા, નર્મદામાં ત્રણ કલાકમાં વરસાદની આગાહી

સુરેન્દ્રનગર, સુરતમાં ત્રણ કલાકમાં વરસાદની આગાહી

નવસારી, અમરેલીમાં ત્રણ કલાકમાં વરસાદની આગાહી

દાહોદ, છોટાઉદેપુરમાં ત્રણ કલાકમાં વરસાદની આગાહી

બોટાદ, સાબરકાંઠામાં ત્રણ કલાકમાં વરસાદની આગાહી

અરવલ્લી, મહીસાગરમાં ત્રણ કલાકમાં વરસાદની આગાહી

ડાંગ, ભરુચમાં ત્રણ કલાકમાં વરસાદની આગાહી

વલસાડ, દમણમાં ત્રણ કલાકમાં વરસાદની આગાહી

પંચમહાલ, બનાસકાંઠામાં ત્રણ કલાકમાં વરસાદની આગાહી

જૂનાગઢ અને પાટણમાં ત્રણ કલાકમાં વરસાદની આગાહી

તાપી, ગીર સોમનાથમાં ત્રણ કલાકમાં વરસાદની આગાહી

રાજકોટ, દીવમાં ત્રણ કલાકમાં વરસાદની આગાહી

હિમાચલમાં 1100 થી વધુ રસ્તાઓ બંધ

હિમાચલ પ્રદેશ સરકારે બુધવારે દાવો કર્યો હતો કે છેલ્લા ત્રણ દિવસમાં કુલ્લુ અને મનાલીમાંથી લગભગ 25,000 પ્રવાસીઓને સુરક્ષિત સ્થળોએ ખસેડવામાં આવ્યા છે, પરંતુ ભૂસ્ખલન અને પૂરના કારણે 1,100 થી વધુ રસ્તાઓ બંધ હોવાથી સેંકડો લોકો ફસાયેલા છે. અહેવાલો અનુસાર, ચંબા, શિમલા, સિરમૌર, કિન્નૌર અને અન્ય જિલ્લાઓમાં મોટી સંખ્યામાં પ્રવાસીઓ ફસાયેલા છે. જેઓ મોબાઈલ 'કનેક્ટિવિટી' ડાઉન થયા બાદ સત્તાવાળાઓનો સંપર્ક કરી શક્યા ન હતા તેઓ હવે પોલીસ અને જિલ્લા વહીવટીતંત્રનો સંપર્ક કરી રહ્યા છે. ગુમ થયેલા લોકોના ઠેકાણાની શોધમાં સોશિયલ મીડિયા પર ઘણા સંદેશાઓ પણ શેર કરવામાં આવ્યા છે.

મૃત્યુઆંક 39 પર પહોંચ્યો છે

હવામાન વિભાગના જણાવ્યા અનુસાર, રાજ્યના આઠ શહેરો - મનાલી, સોલન, રોહરુ, ઉના, ગમરુર, પછાડ, હમીરપુર અને કેલોંગ - જુલાઈમાં એક દિવસના વરસાદના અગાઉના તમામ રેકોર્ડ તોડી નાખ્યા છે. કિન્નૌર અને લાહૌલ અને સ્પીતિ જિલ્લામાં ચાર દિવસમાં સમગ્ર ચોમાસાની સિઝનમાં 43 ટકા અને 33 ટકા વરસાદ નોંધાયો છે. બુધવારે રાજ્યમાં આઠ મૃત્યુ નોંધાયા હતા, જેમાં છેલ્લા ચાર દિવસમાં ભારે વરસાદને કારણે મૃત્યુઆંક વધીને 39 થયો હતો. સ્ટેટ ઇમરજન્સી ઓપરેશન સેન્ટરના જણાવ્યા અનુસાર, કુલ્લુમાં અચાનક પૂરમાં પાંચ લોકોના મોત થયા હતા, જ્યારે સિરમૌર અને સોલનમાં ભૂસ્ખલનમાં બે લોકોના મોત થયા હતા. શિમલા જિલ્લામાં અકસ્માતે ડૂબી જવાથી એક વ્યક્તિનું મોત થયું હતું. બુધવારે મૃતદેહો મળી આવ્યા હતા. શિમલા જિલ્લાના રામપુર ખાતે એક દર્દીને હોસ્પિટલમાં લઈ જતી વખતે સતલજ નદીમાં પડી જતાં પરિવારના ચાર સભ્યો ગુમ થઈ ગયા હતા.