Gujrat Rain: ડાંગ જિલ્લામાં ગાજવીજ સાથે વરસાદ વરસ્યો
વરસાદી ઝાપટું પડતા વાતાવરણમાં ઠંડક પ્રસરી છે. જિલ્લામાં કેટલાક સ્થળોએ અમીછાંટણા થયા છે. વઘઈ અને આહવામાં વરસાદના કારણે બજારના મુખ્ય માર્ગો ઉપર પાણી ફરી વળ્યા છે.
ડાંગ: હવામાન વિભાગની આગાહી મુજબ ડાંગ જિલ્લાના મુખ્ય મથક આહવા અને પ્રવેશદ્વાર વઘઇ અને આસપાસના ગ્રામ્ય વિસ્તારોમાં ગાજવીજ સાથે વરસાદ પડ્યો છે. વરસાદી ઝાપટું પડતા વાતાવરણમાં ઠંડક પ્રસરી છે. જિલ્લામાં કેટલાક સ્થળોએ અમીછાંટણા થયા છે. વઘઈ અને આહવામાં વરસાદના કારણે બજારના મુખ્ય માર્ગો ઉપર પાણી ફરી વળ્યા છે.
આસપાસના ગ્રામ્ય વિસ્તારોમાં પણ સામાન્ય ઝાપટુ પડતાં વાતાવરણમાં ઠંડક પ્રસરી છે. હળવા ઝાપટાના પગલે લોકોમાં ખુશીનો માહોલ જોવા મળ્યો છે. લાંબા સમય બાદ આહવા અને વઘઇના માર્ગો ઉપર વરસાદી પાણી ફરી વળતાં વાતાવરણ ખુશનુમા બન્યું છે. મેઘરાજાએ એન્ટ્રી કરી હોવાથી હવે આગામી દિવસોમાં મેઘ મહેર થશે તેવી સંભાવના છે.
રાજકોટ શહેરમાં વરસાદ
રાજકોટ શહેરના કાલાવડ રોડ, જામનગર રોડ, ગોંડલ રોડ, ઢેબર રોડ, હોસ્પિટલ ચોક, રેસકોર્સ સહિતના વિસ્તારમાં વરસાદ શરૂ થયો છે. રાજકોટ શહેરમાં સતત બીજા દિવસે વરસાદી વાતાવરણ જોવા મળ્યું છે.
રાજકોટ જિલ્લાના લોધિકા અને આસપાસના ગ્રામ્ય વિસ્તારમાં પણ વરસાદ વરસ્યો છે. રાજકોટ જિલ્લામાં સતત બીજા દિવસે વાદળછાયુ વાતાવરણ જોવા મળી રહ્યું છે. રાજ્યના હવામાન વિભાગ દ્વારા વરસાદને લઈ આગાહી કરવામાં આવી છે.
સુરત શહેરમાં વરસાદ
સુરત શહેરના કેટલાક વિસ્તારમાં વરસાદી ઝાપટુ પડ્યું છે. શહેરના વેસુ, પીપલોદ, ડુમસ રોડ, પાલ, અડાજણ, અઠવા, ઉધના, લિંબાયત, વરાછા, કતારગામ સહિતના વિસ્તારમાં સામાન્ય વરસાદ નોંધાયો છે. ભારે ઉકળાટથી લોકોને રાહત મળી છે. સમગ્ર શહેરમાં વાદળછાયું વાતાવરણ જોવા મળ્યું છે.
રાજ્યમાં વરસાદને લઈ હવામાન વિભાગની આગાહી
નૈઋત્યનું ચોમાસું વલસાડ, નવસારી સુધી પહોંચ્યું છે. સાયક્લોનિક સર્ક્યુલેશન દક્ષિણ પશ્ચિમ રાજસ્થાનમાં સક્રિય છે. 15 થી 19 જૂન રાજ્યના કેટલાક જિલ્લાઓમાં વરસાદની આગાહી કરવામાં આવી છે. 15 જૂને દાહોદ, છોટા ઉદેપુર, નવસારી, વલસાડ, દાદરાનગર હવેલીમાં વરસાદ વરસી શકે છે.
રાજ્યના અનેક જિલ્લાઓમાં આજે ગાજવીજ સાથે હળવા વરસાદની આગાહી હવામાન વિભાગે કરી છે. ગાંધીનગર અને અમદાવાદમાં 41 ડિગ્રી તાપમાન રહેશે. હજુ સુધી ચોમાસુ વલસાડ નવસારી સુધી પોહચ્યું છે.
આજે બનાસકાંઠા, ગાંધીનગર, અમદાવાદ, દાહોદ, છોટાઉદેપુર, નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, સુરેન્દ્રનગર, અમરેલી, ભાવનગર અને બોટાદમાં હળવાથી મધ્યમ વરસાદની આગાહી કરવામાં આવી છે.
15 જૂને દાહોદ, છોટાઉદેપુર, ડાંગ, નવસારી, વલસાડ, દમણ, દાદરા નગર હવેલી, અમરેલી અને ભાવનગરમાં વરસાદની આગાહી કરાઈ છે.
16 જૂને ગાંધીનગર, અરવલ્લી, અમદાવાદ, નવસારી, વલસાડ, દમણ, દાદરા નગર હવેલી, સુરેન્દ્રનગર અને બોટાદમાં વરસાદની આગાહી કરાઈ છે.
17 જૂને નવસારી, વલસાડ, દમણ, દાદરા નગર હવેલી અને ભાવનગરમાં વરસાદની આગાહી કરાઈ છે.
18 જૂને નવસારી, વલસાડ, દમણ, દાદરા નગર હવેલી, ભાવનગર અને અમરેલીમાં વરસાદની આગાહી કરાઈ છે.
19 જૂને નવસારી, વલસાડ, દમણ, દાદરા નગર હવેલી, ભાવનગર, અમરેલી, ડાંગ, ગીર સોમનાથ અને કચ્છમાં વરસાદની આગાહી કરાઈ છે.
ટોપ સ્ટોરી
ટ્રેન્ડિંગ સમાચાર
