Gir Somnath: ઉનામાં બ્રિજ પરથી યુવકનો મૃતદેહ મળી આવ્યો, પિતાએ વ્યક્ત કરી હત્યાની આશંકા
ગીર સોમનાથ: ઉનાના તપોવન પાટીયા પાસે ઓવર બ્રિજ ઉપર યુવાનની કોહવાઈ ગયેલી હાલતમા મૃતદેહ મળી આવ્યો છે. આ મામલે મૃતકના પિતાએ હત્યાની શંકા વ્યક્ત કરી છે. મૃતક યુવાનનો મુર્તદેહ ગુણીયાના બાચકામાં રખાયો હતો.
ગીર સોમનાથ: ઉનાના તપોવન પાટીયા પાસે ઓવર બ્રિજ ઉપર યુવાનની કોહવાઈ ગયેલી હાલતમા મૃતદેહ મળી આવ્યો છે. આ મામલે મૃતકના પિતાએ હત્યાની શંકા વ્યક્ત કરી છે. મૃતક યુવાનનો મુર્તદેહ ગુણીયાના બાચકામાં રખાયો હતો. ઉના કોટ વિસ્તારમાં રહેતા અલ્ફાઝ ઈમ્તિયાઝ કાજી મંગળવારે રાત્રે બાઈક લઇ નીકળ્યો હતો. ત્યારથી યુવક લાપતા હોવાની પોલીસમાં તેમના પરીવાર દ્રારા જાણ કરાઈ હતી. ત્યાર બાદ મામલતદાર હેમીનાબેન પટેલ અને પોલીસ ઘટના સ્થળે પહોંચ્યા હતા. ઘટનાની જાણ થતા લોકોના ટોળેટોળાં ઓવર બ્રીજ પર ઉમટ્યા હતા. મૃતક યુવકની ઉંમર 18 વર્ષ છે.
તુર્કીના વિનાશક ભૂકંપમાં મોતને માત આપનાર અમદાવાદના પરિવારની આપવીતી
તુર્કીમાં આવેલા ભૂકંપે હજારો જિંદગી છીનવી લીધી છે. આ ઉપરાંત જે બચી ગયા છે તે પણ ભયના ઓથાર હેઠળ છે. આવો જે એક ગુજરાતી પરિવાર જે તુર્કીના વિનાશક ભૂકપંનો શાક્ષી બન્યો અને ભગવાનની કૃપાથી હેમખેમ બચી ગયો. મૂળ દિલ્હીના અને 25 વર્ષથી ગુજરાતમાં રહેતા રાકેશ સિંહ અને તેમનો પરિવાર શનિવારે ગુજરાત પરત ફર્યા.
આ વિનાશક ભૂકંપ અંગે વાત કરતા રાકેશ સિંહે કહ્યું કે, 6 ફેબ્રુઆરીના રોજ સવારે 4.17 કલાકે પાણી પીવા ઉઠ્યો અને ભૂકંપની શરૂઆત થઈ. આસપાસની ઇમારતો પત્તાના મહેલની જેમ મે ધ્રૂજતી જોઈ. જે હાલતમાં હતા તે હાલતમાં પત્ની અને પુત્રને લઈને ઘરની બહાર નીકળી આવ્યા. નાના બાળકો અને મહિલાઓમાં એક ક્યારેય ન જોયું હોય તેવું દુઃખ અને રુદન જોયું. બપોરના સમયે 55 સેકન્ડનો 7 રિકટર સ્કેલનો બીજો ભૂકંપ આવ્યો. તુર્કીમાં ભૂકંપનું મુખ્ય કેન્દ્રબિંદુ ગાઝીયાનટેપમાં આવ્યો હતો.
ભૂકંપ આવવાના સમયે અમે ગાઝિયાનટેપમાં જ હતા. ભૂકંપ આવતાની સાથે જ પેટ્રોલપમ્પ ઉપર ચાર કલાકની લાઈનો લાગી. ગેસની પાઈપમાં બ્લાસ્ટ થતા તુર્કીમાં ગેસનો પુરવઠો બંધ થયો. ભૂકંપ આવ્યા પહેલા ત્રણ દિવસ ભારે બરફવર્ષા થઈ હતી. ઇન્ડિયન એમ્બેસી સિવાય તુર્કી સરકારે પણ મદદ કરી. ભૂકંપ સમયે ફસાયેલા મહિલાએ પણ abp અસ્મિતા સાથે કરી વાતચીત. આ મહિલાએ કહ્યું કે, પરિવારના મહિલા તરીકે ખાવા પીવાની અને પોતાના પરિવારની ચિંતા સતાવતી રહી. એરપોર્ટ ઉપરથી નીકળતા સમયનું દ્રશ્ય ભયાવહ હતું. કોઈ સિક્યોરિટી નહિ, કોઈ ચેકીંગ નહિ, લોકો જીવ બચાવવા ભાગી રહ્યા હતા. આ ઉપરાંત તેમના પુત્ર સાર્થકે પણ પોતાના અનુભવ વર્ણવ્યા. મારી 25 વર્ષીય ઉંમરમાં આજ સુધી આવા દ્રશ્યો નથી જોયા. ભૂકંપના દ્રશ્યો હું આજીવન ભૂલી નહિ શકું. મારા મિત્રો સાથે વાતચીત બાદ તમામ લોકો પણ નિરાશાજનક માહોલમાં હતા.
ટોપ સ્ટોરી
ટ્રેન્ડિંગ સમાચાર
