Gujarat Rain Forecast: આગામી 2 દિવસ હજુ ભારે વરસાદની આગાહી, આ જિલ્લામાં અતિભારે વરસાદનું એલર્ટ

Gujarat Rain Forecast: હવામાન વિભાગની આગાહી મુજબ આગામી 22 જુલાઇ સુધી ગુજરાતમાં હજુ પણ ભારેથી અતિભારે વરસાદનું અનુમાન છે.

સૌરાષ્ટ્રમાં ભારે વરસાદ

Gujarat Rain Forecast:  હવામાન વિભાગની આગાહી મુજબ આગામી 22 જુલાઇ સુધી ગુજરાતમાં હજુ પણ ભારેથી અતિભારે વરસાદનું અનુમાન છે.

રાજ્યમાં એક્ટિવ વરસાદી સિસ્ટમના કારણે છેલ્લા 2 દિવસથી મેઘરાજા ગુજરાતને ઘમરોળી રહ્યાં છે. હવામાન વિભાગના અનુમાન મુજબ ગુજરાતમાં આજે પણ વરસાદ રહેશે. તો આગામી 2 દિવસ પણ હજુ ભારેથી અતિભારે વરસાદનું અનુમાન છે.

હવામાન વિભાગની આગાહી મુજબ 22 જુલાઈ સુધી રાજ્યમાં ભારેથી અતિભારે વરસાદનું અનુમાન છે.  ખાસ કરીને સૌરાષ્ટ્ર, દક્ષિણ અને ઉત્તર ગુજરાતમાં ભારેથી અતિ ભારે  વરસાદની આગાહી છે. મધ્ય ગુજરાતના જિલ્લાઓમાં પણ ભારે વરસાદનું અનુમાન છે.            

રાજ્યમાં હજુ 24 કલાક મુશળધાર વરસાદનું એલર્ટ હવામાન વિભાગે આપ્યું છે. 6 જિલ્લામાં ભારે વરસાદને લઈ રેડ એલર્ટ છે તો 11 જિલ્લામાં વરસાદનું ઓરેંજ એલર્ટ અપાયું છે.સૌરાષ્ટ્રમાં સતત બીજા દિવસે પણ મેઘમહેર યથાવત છે. જૂનાગઢના માંગરોળમાં સૌથી વધુ 12 ઈંચ વરસાદ વરસ્યો તો જામનગર, પોરબંદર, દ્વારકા, સોમનાથમાં ભારે વરસાદના કારણે અનેક વિસ્તાર પાણી પાણી થઇ ગયા છે. ભારે વરસાદથી ભરુચના જંબુસરમાં જળબંબાકારની સ્થિતિ છે. ગજેરા ગામના રસ્તા પર  વરસાદી પાણી ભરાયા છે. માળી ફળીયા વિસ્તાર પાસે મુખ્ય રસ્તા પર પણ   પાણી ફરી વળતા જનજીવન પ્રભાવિત થયું છે. બોટાદ જિલ્લામાં ભારે વરસાદના કારણે અંડર પાસમાં  પાણી  ભરાયા છે. અંડર પાસમાં પાણી ભરાતા વાહન ચાલકો પરેશાન થયા છે.           

ગુજરાતમાં સાર્વત્રિક વરસાદથી રાજ્યના 134 રોડ- રસ્તા વાહન-વ્યવહાર માટે બંધ કરવામાં આવ્યાં છે તો  9 સ્ટેટ હાઈવે અને 111 પંચાયત હસ્તકના રોડ બંધ કરવાની ફરજ પડી છે.

આ પણ વાંચો

Join Our Official Telegram Channel: 

https://t.me/abpasmitaofficial